Jejenö ji̧tji̧munö mö nönö lotjioko, Aya itjiju Rizpama tuda'wo jawa sabana'wo emö, jobe yöne inawa nöawanö pjabebö jödinobe, jobe ji̧tji̧mu tjiteba'iju jiteada̧lobö. Ja̧danö ajayinö batjo̧ wa̧ji̧ emajitena möle jenanö jamatö, bajalianö ojwiyo o̧benanö baibanö tjöbeba̧löjönö jiteada̧linobe, möle pji̧yu̧ tjiteba'iju tjukwapji jö̧ba̧lö, ja̧danö yöte tebonö ju̧kwadö tjukwapji jö̧ba̧lö.
Proverbios 30:17 - Dios Iwene17 Ja̧danö, ju'wibi yötawa: Abe'donö obo̧ma, ja̧danö ojo'do weji̧ a̧ja̧kwö̧kö̧ma jwiinö sulabenö omukwato̧. Jo̧bama debö i̧'yobö jo̧be, ja̧danö wobajo̧nö yȩbadö pji̧yu̧ öbajalenö dodotjobö jo̧be, ja̧danö okobe jwiinö itebiyabi bo̧lö̧ tjukwökwe, sulabenö abe'donö obö, ojo'do weji̧ a̧ja̧kwökönö ö̧jobetjö̧. အခန်းကိုကြည့်ပါ။ |
Proverbios 30:17
14 ပူးပေါင်းရင်းမြစ်များ
Ju'wibi yötawa: Tjemuma jweinö omukwatö ö̧jitjö̧ma abe'dobi ojo'dobi tjo̧'wo̧ ösöwanö tjö̧jena, ditji̧ma jweinö omukwatö jo̧, jö̧ba̧lö. Isabenö, jo̧ba tjȩmuma otiwanö omukwatö jo̧. Jo̧kwaijayonö tjȩmu jweinö omukwatö̧kö̧ma sulabenö omukwato̧. Jo̧bama ojodönö o̧'wo̧ sulinö edo̧, chöpöjödoko jö̧ba̧lö.
Ja̧danö, ju'wibi yötawa: Isabenö, tjȩmu̧ma abe'donöbi ojo'dönöbi o̧'wo̧ sulinö edö, mikwawöködö jö̧ba̧lö yötja̧loböma jwiyobe. Ja̧danö, bakwo̧ iteda abe'donö, ojo'donö o̧'wo̧ sulinö editjö̧ma isabenö debö i̧'yakwo̧. Wanedö yötawa: Jo̧bama dȩju̧wa̧'yu tiibi̧danö ö̧ji̧ma tiibökwe, tjabe'donö, tjojo'donö mikwawöködö jö̧ba̧lö tjo̧'wo̧ sulinö edobetjö̧.
Jemi ikena jweinö omukwatadö yötjawinama baikwö laebobe, bakwo̧ itji̧nö yöawina: Chitji̧ ötjödasa ökwö inesö kwabe'doma. Ötjödasa kwöbötjachibobö iyinama. Jo̧kwaobetjö̧, ötjö yötawi̧ ö'wöyawakwawönö omukwatö a̧ja̧kwi chitji̧. Ja̧danö, wetakwö: Kwojo'donö otiwanö kwite'ada̧lo ida̧ökö pöo jwöjachenama.
ကြော်ငြာတွေ