Proverbios 3:29 - Dios Iwene

²⁹ Ja̧danö, ju'wibi jwebebö yötawakwö chitji̧: Kwipjeanö jo̧nöma suli̧ ja̧köbakwa̧ kwomukwatoko. Jo̧bama ökwönö otiwanö omukwatobe, ja̧danö la'akatjöda omukwatokobe sulabenö ja̧köbakwa̧ kwomukwatobema jo̧banöma. Jo̧banö sulabenö ja̧köboböma jwiyobe chitji̧.

Proverbios 3:29 ပူးပေါင်းရင်းမြစ်များ

Proverbios 14:22

Ja̧danö, ju'wibi yötawa: Jojodötjö ju'wedöma sulabenö tjöwaedakwa̧ tjo̧'wo̧ junö omukwatadö. Ja̧danö, jobekwö tjo̧mukwatobetjö̧ jelobekwö omukwatö tji̧'yakwedö, le'dewadö tji̧'yi̧danö. Jobekwö tjö̧jokobe pjatjatakwa̧ tjo̧'wo̧ junö omukwatadöma. Ja̧danö, jobadöma jojodönö pjabatö tjö̧jobetjö̧ pjabatakwawö tjö̧ji̧ balekwa mikwa jobadönö ba̧kwȩlö̧jatebö ösödö pjabatadöma tjö̧jakwedö.

Proverbios 6:14

Yelösöda, jo̧ba sulabenö omukwato̧ma sulabenö öwaedakwa̧da ajayinö omukwatö juno̧ o̧'wo̧ okwanö. Ja̧danö, jo̧bama ju'wedökwö wene tju̧juna̧loböda wene jwöbebo̧ ba̧kwȩlö̧jatebö.

Proverbios 6:18

Jemi ikena Isabenö Jo̧ öpöjödi̧ma baikwö laebobe: Sulabenö öwaedakwa̧ ajayinö o'wo̧nö junö omukwato̧nöma jwiinö öpöjödobe Isabenö Jo̧ma. Jemi ikena Isabenö Jo̧ öpöjödi̧ma baikwö laebobe: Sulabenö ja̧otö jö̧ba̧lö juluwanö ‘yo̧nöma jwiinö öpöjödobe Isabenö Jo̧ma.