Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Proverbios 29:5 - Dios Iwene

5 Ja̧danö, ju'wibi yötawa, wanedö: Bakwo̧ma ömöledöso̧nö o̧'wo̧ tjo̧achapji jö̧ba̧lö jo̧banöma jweinö yöbawökönö, otiwanöda yöa̧lobe. Ökwöma otiwo̧ja, otiwanö omukwato̧ja, jö̧ba̧lö yöa̧lobe, jweinöma yöbawökönö. Isabenö yötawa: Jobekwö yöa̧litjö̧ma yöa̧li̧ma omöna yöa̧li̧danö mikwawokobe. Ja̧danö, yöa̧li̧ma 'daliwa öni̧danö wanekwachobe, ömöledöso̧ma ö̧libobö jelobekwö omukwatö öbibö, jweinöda yöawokobetjö̧.

အခန်းကိုကြည့်ပါ။ ကော်ပီ




Proverbios 29:5
18 ပူးပေါင်းရင်းမြစ်များ  

Jobadö chömöledöma isabenö sulabenö ja̧badö, wanedö yötawa, Idöda otiwanö tjemakobetjö̧, tjömöledöso̧nö sulabenö yötja̧lajabe, –Bitema sulabenö ja̧bo̧, –jö̧ba̧lö. Ja̧danö, jo̧badöjayedönö baledakwa̧ma, baikwö yöta̧la: Jobadödamaökö usula tjemakwedöma, sulabenö ja̧tjobetjö̧, tjitji̧mu tupadanö jojodöbi lekwema tjö̧jökakwedö.


Wanedö yötawa chitji̧: Kwöwaisa, bakwo̧ma pjiyuwanö 'daliwanö önenama ediakwawokonö nöno̧. Ja̧danö, pjiyuwama 'daliwa önobe ediakwawö köbajo̧, 'daliwanö chö̧nibapji jö̧ba̧lö.


Ja̧danö, ju'wibi yötawa: Isabenö, bakwo̧ sulabenö tja̧ja̧kwokonö sewoba̧lö yöba̧lo̧ma omukwatökönö yöba̧lo̧. Ja̧danö, jelo̧ jo̧banö yöa̧lina, ju'wedö wajwitji̧ jawa, ja̧ jawa yöka̧loko jö̧ba̧lö weinajayonö tja̧ja̧kwokonö sewoba̧lö yöba̧lo̧ma ju'wedönöbi ju'wedönö omukwatökönö yöba̧lo̧. Jo̧kwaobetjö̧ jwebebö yötawaduwakwö: Jo̧ba omukwatökönö yöba̧lo̧ ö̧jelöma ödökwönönö kwö̧jaduwo, jo̧banö yöba̧lökönö, sulabenö omukwatökönöda yöba̧lo̧obetjö̧.


Ja̧danö, ju'wibi yötawa: Omöna yöba̧lo̧ma jwiinö öpöjödobe omöna yöa̧lawö̧nöma. Ju'wibi yötawa: Bakwo̧ ösödö yöa̧lonö omajadenö sulabenö omukwato̧ma yöa̧lawö̧nöma wene jwöebakwo̧.


Ja̧danö, ju'wibi yötawa wanedö, du̧ju̧tajanö wanedöma. Bakwo̧, ömöledöso̧nö pjabatö jwebebö yöawobe, o̧'wo̧nö nii̧ jawa. Ja̧danö, jelo̧ma ömöledöso̧nö wamenö ösödöda yöawobe jwebebökönö, jwebebö yötawitjö̧ma o̧'wo̧ tjo̧achapji jö̧ba̧lö. Ja̧danö, kwomukwatobö abebö cha̧ja̧kwakwö: Ömöledöso̧nö mikwawinö yöbawö pjabatinama ¿ditedaja̧? O̧'wo̧nö nii̧ jawa jwebebö yöbawinakö̧, ja̧danö ösödö jwebebökönö yöbawinakö̧ ¿ditedaja̧? Ja̧danö, yötjawökwema ¿dite yöawina ösödakwa̧da? Isabenö yötawa: O̧'wo̧ nii̧ jawa jwebebö yöbawo̧nöda ösödakobe, otiwanö pjabatö jweebinobetjö̧. Jelo̧ yöbawo̧ma ösödöda yöawijayonö yöawina pjaatinokobe, sule ösödö yöbawöda yöawinobe.


Ja̧danö, jobekwö obö yöja̧liökwe, ötjökwö ichi kwö̧jo, jö̧ba̧lö, möayo̧ma chi̧'yo, jö̧ba̧lö, omukwatinobe. Ja̧danö, ösödö yöja̧liökwe jo̧ba möayo̧ma jobujukwö i̧'yobö ösödinobe.


Ja̧danö, ju'wibi yötawakwö chitji̧: Ötjö jwebebö yötawi̧ a̧ja̧kwö kwö̧jobetjö̧ ja̧ yötawi̧ma sulabenö obuju ökwökwö bakobe jö̧jobö ichujutjö kwö̧jibinö pjaatakobe. Isabenö, ötjö yötawi̧ a̧ja̧kwö kwö̧jobetjö̧ jobujuma ökwönö ösödö ötjökwö kwö̧jo ichi, jö̧ba̧lö, yöja̧lijayonö kwa̧ja̧kwökakobe.


Jau chömöledö, jejenö ja̧badöma Duluwo̧ Cristo wei̧ma ja̧böködö chömöledö, sule idöda tjösödi̧da ja̧bö ju̧kwadö. Jobadöma wajwibadönö dösölö̧jinö yöba̧ladö, ja̧danö, jojodö tjösödi̧ jawa yöba̧ladö jojodö jobadö omöna yötja̧li̧ a̧ja̧kwö tjösödobö.


Yödawinama kwöwaisaduwa chömöledö, la'akatjöda omönada kwösödachibaduwoböma yödawijökötö, Aaa, ökwödöma jwiinö otiwadöja, jö̧ba̧lö kwösödaduwoböma. Ja̧danö, la'akatjöda ökwödöda balada demotö jö̧ba̧löma yödawijökötö chömöledö. Jau chömöledö, Diosma yödawina edinobe, ja̧danö jo̧bama edö waiso̧, balada tjemotö jö̧ba̧löma yöbawinöködö jö̧ba̧lö.


Weawö̧, yötja̧linobe, ja̧danö yötja̧lökwe, Davidma atadinobe, —Isabenö otiwökena, bakwo̧ mikwawö̧kö̧ma inesö la'aka luwo̧ o̧jo̧li baibobö. Inesö la'aka luwo̧ o̧jo̧li ja̧kwawama isabenö otiwa, nöinö mikwawi̧ ji̧ jawa, jo̧kwaijayonö ötjöma chitea jwibo̧sa, ja̧danö mikwawö̧kö̧sa, —jö̧ba̧lö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ