Proverbios 28:27 - Dios Iwene

²⁷ Ja̧danö, ju'wi jawabi yötawa: Jwibadönö iyö pjabato̧ma ba̧kwȩlö̧jatebö ujuna̧lakwo̧, okobe jwiinö u̧kwa̧, iteama. Jobekwö baledökakobe jwibadönö edökönö öpöjödö pjabatö̧kö̧nöma. Ba̧jȩkwadö jojodöma jo̧banö sulabenö baledobö wetjachakwedö.

Proverbios 28:27 ပူးပေါင်းရင်းမြစ်များ

Proverbios 11:24

Ja̧danö, ju'wibi yötawa, wanedö: Bakwo̧ma balada juna̧lo̧ma ba̧kwȩlö̧jatebö iyabo̧ jwibadönöma, a̧'dȩlökönö. Ba̧kwȩlö̧jatebö iyijayonö ajayi ujuna̧li̧tjö̧ bajalekwönönö ujuna̧lakwo̧. Ja̧danö, jelo̧ balada juna̧lo̧ma nöinö ujuna̧lobetjö̧ iyobö jo̧be. Jo̧kwaijayonö jo̧bama u̧kwa balada a̧'dȩlo̧, iyökönö. Isabenö, jo̧bama iyököjayonö ju'winö jwibo̧da ö̧jakwo̧.

Proverbios 11:25

Ja̧danö, ju'wibi yötawa, wanedö: Ju'wedönö pjabatö iyo̧ma iteda ujuna̧li̧tjö̧ bajalekwönönö ujuna̧lakwo̧. Isabenö, ju'wedönö iyö pjabato̧ma jojodö balekwa mikwa iyö pjatjatakwo̧.

Proverbios 11:26

Ja̧danö, ju'wibi yötawa, wanedö: Bakwo̧ iteda öbatjonö waji̧ mikwanö iyo̧ma ö̧jobe. Ja̧danö, öbatjotjö ajayi waji̧ma iyökönö junö te'ada̧lo̧, ina ileseobe, balada nöinö mikwawenada chiyobö chite'ada̧la, jö̧ba̧lö. Jobekwö iyökönö ite'ada̧lobetjö̧ jojodöma jwiinö tjöpöjödobe, sulabenö omukwato̧, jö̧ba̧lö. Jobekwö tjo̧mukwatokobe jojodöma jelo̧ ile seijayonö iyo̧nöma. Jo̧bama öbatjonö wa̧ji̧ma ile seijayonö jojodö a̧wi̧chi̧ lö̧ji̧tjö tjö̧jibobö iyö pjabato̧. Jo̧banö nöinö tjösödobe, otiwanö omukwatö pjabato̧, jö̧ba̧lö.

Proverbios 19:17

Ja̧danö, ju'wibi yötawa wanedö: Bakwo̧ma jwibo̧nö lȩ lö̧jinö edö iyobe. Ja̧danö, jo̧ba jwibo̧nö iyi̧ma Isabenö Jo̧nöda öbalewobedanö jo̧be. Ja̧danö, ja̧ öbalewaja̧tjö̧ mikwa baibanö tjebatö iyakwo̧ Isabenö Jo̧ma iyo̧nöma.

Proverbios 22:9

Ja̧danö, ju'wibi yötawa: Jwibadönö pjabatadönö, idöda tju̧kwa̧ kwakwawa iyö pjabatadönöma Diosma jobadönö ösödö pjabato̧.

Proverbios 24:24

Ja̧danö, lȩekwa yöbawo̧ma sulabenö ja̧binanö lȩtebobö jwiya, jö̧ba̧lö yöawitjö̧ma okobe deinö jo̧banö, lȩekwa yöbawo̧nöma tjöpöjödena, jelobe ju̧kwadöbi, jweinöma yöbawö̧kö̧, jö̧ba̧lö.

Proverbios 28:28

Ja̧danö, ju'wibi yötawa: Sulabenö omukwatadö tjuluwedö baibanö tjöjena tjitebonö ju̧kwadöma yebabinö tjuju̧kwawobö isakwadö, sulabenö omukwatadö jobe tjitebonö wetjobetjö̧. Jo̧kwaijayonö jobadö sulabenö omukwatadö tjuluwedö yöbawö wetji̧ 'dö̧jibajena otiwanö omukwatadö yöbawö webö tjö̧jakwedö.

Isaías 1:15

Jo̧kwajabetjö̧, ötjönö abebö kwa̧ja̧kwaduwakobetjö̧, kwömamijuduwi kabebö dekataduwenama, jalachibö jelobekwö edo̧sa, ja̧danö nöinö abeba̧lö ötjönö akebaduwenama, a̧ja̧kwö̧kö̧sa, jojodönö sulabenö kwabö lobajadö, kwömamuduwi̧ tjökwösobu 'yoliwinö kwö̧jaduwobetjö̧.

Deuteronomio 15:10

Isabenö a̧'dȩlökönö, kwo̧'wo ösöwanö otiwanö balewö kwiyaduwobö ja̧kobe chömöledö, ja̧danö baikwö yötawaduwakwö, jejenö otiwanö kwömöledöduwinö öpöjödökönö pjakataduwiökwe, kwuluwo̧duwi Isabenö Jo̧ Diosma edö ösödakobe, ja̧danö okobe jwiinö kwotidaduwi̧bi, ju'wi ja̧bö kwö̧jaduwi̧bi otiwanö laebi̧nö pjaatakwo̧, –Bidö chömöledöma otiwanö tjömöledönö a̧'dȩlökönö pjabatadö, –jö̧ba̧lö.

Deuteronomio 15:7

—Baikwö yötawaduwakwö chömöledö, jweinö kwomukwataduwakwa̧ma: Kwuluwo̧duwi Isabenö Jo̧ Dios iyakwa̧ nijinö kwö̧jaduwena, kwiteboduwitjö ju'wi comunidad jojo jwibö ö̧jitjö̧ma, dösölö̧jinö pjakataduwo kwömöledöso̧ israel jojonö. Jau chömöledö, lȩlöinö edökönö, a̧'dȩlö kwö̧jaduwoböma jwiakobe,

Hebreos 13:16

Ja̧danö ju'wibi yötawa. Babe möle Diosnö diyobedanö diyi̧ma, biya̧: Jojodönö ju'wi jawabi, ju'wi jawa pjadatobö jo̧be chömöledö. Ja̧ pjadati̧ma Diosnö diyobedanö diyi̧. Ja̧danö ju'wibi, ökwödö dujuna̧li̧tjö jwibadönö pjabatö diyaduwo chömöledö. Ja̧ pjadati̧bi Diosnö diyobedanö diyobe. Chömöledö, jejenö, jojodönö pjadatena Diosma jwiinö ösödobe, o̧'wo̧ ösöwanö edö.