Proverbios 28:17 - Dios Iwene

¹⁷ Ja̧danö, ju'wibi yötawa: Bakwo̧ jelo̧nö kwabö lobinama otiwanö jö̧kö̧, ba̧kwȩlö̧jatebö o̧'wo̧ tjo̧bekwöda jo̧, jelo̧ jojonö kwabö loinobetjö̧. Isabenö, jo̧bama döbiabinöda döbiabo̧ okobe jwiinö ö̧ji̧ma, debö i̧'yenanö baibanö. Jo̧banö jelobe döibajoböma pjakatokonö.

Proverbios 28:17 ပူးပေါင်းရင်းမြစ်များ

Génesis 4:12

Bena niji junö kwotidobö jö̧ka̧lijayonö wa̧ji̧ökakwo̧ja. Jo̧kwaobetjö̧ jelobe jelobebi kwejunö kwö̧ji̧ jwiinö ö'öba̧liböda kwö̧jakwo̧ja— jö̧ba̧lijetö Isabenö Jo̧ma, Caínnö lȩbebö.

Génesis 9:6

Yötawaduwakwö. Jojodönö chotidinawö̧ma ötjödadanö tjichejekwobetjö̧ bakwo̧ jelo̧ jojonö kwabö loitjö̧ma jo̧banö kwabö lotjakwo̧— jö̧ba̧lijetö Diosma Noénöma.

2 Samuel 13:34

Öpöenö kwabö lobajo̧, Absalonma ju'wedö tjitebobe döibajinobe, ja̧danö öja̧wo̧döma Jerusalenbe döbibajö tjȩwa̧jinobe. Ja̧danö, Jerusalentjö tjöbeba̧lö eda̧lo̧ma pöbamö edinobe, Joronayin comunidadbe ya̧kwawamabenö, ja̧danö ba̧jekwadö mösa'o ö'öbönö ichadönö edinobe.

2 Samuel 18:15

ja̧danö ju'wibi Joab ömöayedö itea ölakwabikwawa jawa kwebatadötjö domulatajabedöbi Absalonnö kwatjinobe, ö'wö baibenanö.

1 Reyes 2:29

La'aka luwo̧ Salomonma a̧ja̧kwinobe, Joab Isabenö Jo̧ ejube döbibajo̧, iyawöte ö'öbönö ö̧ji̧ma, ja̧danö a̧ja̧kwajo̧ Benaiasnö weinobe, —Joabnö kwabö lobaji, —jö̧ba̧lö.

1 Reyes 21:19

Ichibajo̧, baikwö yökawonö: –Isabenö Jo̧ ökwönö yöa̧li̧ma, baikwö laebobe: Biyu batjo luwo̧nö kwabö lobajo̧, kwöbatjo baibanö 'dökebaji̧? –jö̧ba̧lö yöka̧lonö. Ja̧danö tupakwö yökawonö: –Isabenö Jo̧ma baikwö yöawobe: -Acab, Nabotnö kwabö loköbaduwenama, a̧wi̧lidöma Nabot ökwösobu 'dȩtjinobe, jö̧tö? Ja̧danö, jobe Nabot ökwösobu 'dȩtjinemima, ökwöda kwökwösobubi 'dȩtjakwedö awi̧li̧döma, –jö̧ba̧lö yökawo Acabnö, —Eliasnö weinobe Diosma.

1 Reyes 21:23

Tupakwö yöawinobe Eliasma: —Ja̧danö baikwö yöawobe Isabenö Jo̧ma, kwilekwo Jezabelnö: –Jezrel comunidad tjöekwemi a̧petukwöchobema, awi̧li̧döma Jezabel jiteba'o tjukwakwedö.

2 Reyes 9:26

–Isabenö mada Nabot ökwösobubi, itji̧mu tjökwösobubi ku̧kwobe ötjö Isabenö Jo̧ma chedijatö, ja̧danö isabenö yöbawö chujunakwö, jobekwö sulabenö jobadönö kwabö loköbinobetjö̧, balekwa mikwa biyu öbatjoinemitjöda ökwönö lȩtebakwo̧sa, –jö̧ba̧lö yöawinobe. Jo̧kwajabetjö̧, ja̧ Isabenö Jo̧ yöawina badekwachinö, ja̧ Nabot öbatjo ji̧nena ikwö lobinö Acab itji̧ Joramnö, —jö̧ba̧lö weinobe Jehuma.

Proverbios 6:17

Ajayinö Isabenö Jo̧ jojodö sulabenö omukwatö ja̧tji̧ öpöjödi̧ma baikwö laebobe: Bakwo̧ma omukwatobe, a̧a̧a̧, ötjöma ju’wedönötjö̧ bajalekwönönö otiwo̧sa, jö̧ba̧lö. Jobekwö omukwato̧nöma jwiinö öpöjödobe Isabenö Jo̧ma. Jemi ikena Isabenö Jo̧ öpöjödi̧ma baikwö laebobe: Omöna yöba̧lo̧nö jwiinö öpöjödobe Isabenö Jo̧ma. Jemi ikena Isabenö Jo̧ öpöjödi̧ma baikwö laebobe: Sulabenö ja̧bö̧kö̧nö kwabö lobo̧nö jwiinö öpöjödobe Isabenö Jo̧ma.

Hechos 28:4

Jobe ju̧kwadöma a̧ko'da Pablonö yö̧obe edö yötja̧lakwawijatö: —¡Ayö! Isabenö bite a̧ko'da yö̧ajökwema jojonö kwabö lobina. Ojwe okwatjö ö̧jibajayonö babema ö̧jibökö. Ö'wö baibakwo̧— yötja̧lakwawijatö.

Deuteronomio 19:11

—Jo̧kwaijayonö bakwo̧ ömöledöso̧nö öpöjödö, kwabö lootö jö̧ba̧lö teada̧lajo̧, ömöledöso̧nö mebibö ö'wö baibanö kwabö loitjö̧ma, ja̧danö kwabö lobajo̧ tjöeba̧lakwawa comunidadbe döibajitjö̧ma, jo̧bajayo̧nö tjötjeba̧lobö jwiakobe.