Proverbios 24:32 - Dios Iwene

³² Ja̧danö jobe edö omukwatö chomukwatijatö,

Proverbios 24:32 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 7:17

—Chuluwo̧ Dios, ökwödö bö̧jȩ jojodöma mikwawöködösa, jo̧kwajabetjö̧ tajawedö nöinö kwomukwatobeda ökwödönö? Tajawedö kabatökönö ökwödönö omukwatö kweda̧lobeda?

Proverbios 24:31

Jo̧ba öbatjoma sula'woda pokwinobe, ja̧danö inawiyatjö tjöekwemibi kwaibinobe chedijatö. Isabenö iteda öbatjoma otidö̧kö̧, u̧'du̧wekwobetjö̧.

Proverbios 24:33

Aaa, bakwo̧ma aba̧löda aba̧lö, ja̧danö ömamiju 'bibekwa̧löda wo̧ko ö'wacha̧löda ö̧bitjö̧ma

Lucas 2:19

Maríabi jobadö yötjawi̧ ja̧ja̧kwinobe, ja̧danö a̧ja̧kwö, jomajadenö ja̧ jawa jomukwatinobe, ¿Dakwö badekwachobejö? jö̧ba̧lö.

Lucas 2:51

Ja̧danö jemi ikenama, Jesúsma jobetjö labebö, jobadökwö Nazaretbe ȩwa̧jinobe, ja̧danö, jobadökwö ja̧nö otiwanö wetji̧ a̧ja̧kwö ö̧jinobe. Ja̧danö, ojo'do Maríama okobe jwiinö ja̧ Jerusalénnö baledina jawa jomajadenö omukwatö jö̧jinobe, ¿dakwö jö̧ba̧lo̧jö? jö̧ba̧lö.

1 Corintios 10:11

Jau chömöledö, ja̧ jobadönö baledinama, ju'wedönö wanedö i̧sekwa baibanö baledinobe, ja̧danö ökwödö 'dö̧ibaji̧ möle ju̧kwadönö ba̧ja̧dakwawa baibanö tjiwȩyudinobe chömöledö.

1 Corintios 10:6

Chömöledö, jobadönö baledinama, ökwödönö wanedö i̧sekwa baibanö baledinobe, ökwödö jobadö sulabe jawa tjösödinadanö ökwödöbi dösödapji jö̧ba̧lö,

Deuteronomio 13:11

Ja̧danö chömöledö, jejenö sulabenö öbibadönö kwabö loköbaduwiawö̧, ju'wedö israel jojodöma tja̧ja̧kwakwedö, ja̧danö a̧ja̧kwö yetjaibakwedö, ja̧danö yebabinö omukwatö, la'akatjöda jobadö sulabenö öbibadö ötjibi̧danö ötjibökakwedö, –Diosnö katjatibobö ötibitjö̧ma, ötjönöbi lȩtjȩbena, –jö̧ba̧lö.

Deuteronomio 21:21

Jemi ikenama, jejenö yötjawiawö̧, okobe deinö itebo comunidad ömadöma jo̧banö inawiya ikwawö lotjobö ja̧kobe, ö'wö baibenanö kabatö, jo̧bajayo̧ kwö̧'da̧deduwitjö ö̧jobö jwiobetjö̧. Ja̧danö, jejenö jo̧bajayo̧nö kwabö lobö, inesö suli̧ kwö̧'da̧deduwitjö söbebö loköbaduwena, ja̧danö ju'wibi, ju'wedö israel jojodöma baledaja̧ tja̧ja̧kwena, ja̧danö a̧ja̧kwö yetjabena, –Jo̧ba ja̧bö ö̧jinadanöma ja̧bö dö̧joko, –jö̧ba̧lö.

Deuteronomio 32:29

Isabenö waisanö omukwatadö tjö̧jitjö̧ma, jobadönö lȩtebakwa̧ tjöwaiso jö̧tja̧linena, –Dios wei̧ a̧ja̧kwökönö dö̧jitjö̧ma, isabenö ökwödönö lȩebakwo̧, –jö̧ba̧lö.