Proverbios 24:31 - Dios Iwene

³¹ Jo̧ba öbatjoma sula'woda pokwinobe, ja̧danö inawiyatjö tjöekwemibi kwaibinobe chedijatö. Isabenö iteda öbatjoma otidö̧kö̧, u̧'du̧wekwobetjö̧.

Proverbios 24:31 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 30:7

Ösötje sȩötje jȩmi ja̧nö, tebonö ju̧kwadö tjubudekwi̧danö budekwadö, tiyuwiawö̧ sȩötje teebe ko̧ko̧kwö wo̧batadö.

Diosnö ösödo̧ Job mikwo̧ usula emawina jawa 31:40

—Jau, ju'wedö tjitea niji chönaukwinatjö̧ma, trigo pokwo jö̧a̧lemi sȩötjeda pokwobö jȩna, ja̧danö cebada pokwo jö̧a̧lemi, sula'woda pokwobö jȩna, —jö̧ba̧lö yöa̧linobe Jobma, ötjönö baledi̧ma, sulabenö ja̧tiökwe lȩbebö̧kö̧ Diosma, jö̧ba̧lö. Jejenö yöba̧lajo̧, Jobma yöba̧lö kaatibinobe.

Proverbios 13:4

Ja̧danö, ju'wibi yötawa 'du̧wekwo̧nöbi dösökwö otido̧nöbi wanedöma: 'Du̧wekwo̧ma ju'wi jawabi ju'wi jawa emobö ösödijayonö emökakwo̧. Jobekwö ö̧jokobe dösölö̧jinö otido̧ma. Jo̧bama dösölö̧jinö otidobetjö̧ ösödi̧ jawa nöinö emakwo̧.

Proverbios 19:23

Ja̧danö, ju'wibi yötawa: Isabenö Jo̧nö yebabinö omukwatadöma lekwe tjö̧jakwedö. Jobadöma tjo̧'wo̧ ösöwanö, yebabökönö tjabakwedö, yö̧te baledibanö, suli̧ jawa baledökönö, Isabenö Jo̧nö yebabinö tjo̧mukwatobetjö̧.

Proverbios 20:4

Ja̧danö, ju'wibi yötawa: 'Du̧wekwo̧ma öbatjo juokobetjö̧ ukwakwa̧ma jwiakwo̧. Jo̧ba 'du̧wekwo̧ma imiamenö batjo 'wibö, jubö, juwö, junö otidokobe. Jo̧kwaobetjö̧, tupakwöma öbatjonö wa̧ji̧ emobö chemowe, jö̧ba̧lö omukwatijayonö jwiakwo̧, ajayitjö ujuninokobetjö̧.

Proverbios 22:13

Ja̧danö, ju'wibi yötawa, 'du̧wekwo̧nö wanedöma: 'Du̧wekwo̧ma otidö 'yö̧kö̧nö, ejunöda jo̧. Ja̧danö, ejunöda ja̧nö, otidö i̧'yobö öpöjödobetjö̧, omöna yöba̧lo̧, didiba apetunö ichibajobe ötjönö ukwobö, yetabi, latebökö, jö̧ba̧lö.

Proverbios 23:21

Isabenö, jobadödanö ja̧döma, owa̧ladöbi, nöinö kwakwawa kwadöbi aba̧löda tjaba̧lobetjö̧ jwibadöda tjö̧jobe, kamisibi kȩlȩbö'ye 'dölachi̧da 'dubawö. Jo̧kwaobetjö̧ jwebebö yötawakwö: Jobadökwö pjakacha̧loko.

Proverbios 24:32

Ja̧danö jobe edö omukwatö chomukwatijatö,

Isaías 5:5

—Ja̧danö, jobekwö suli̧ jawada pokwobetjö̧, baikwö yötawaduwakwö chöbatjo ja̧takwa̧ma: Chöbatjo ö'öbö tjöekwi̧, ja̧danö inawatjö otikwemi tjöekwemibi 'dobö lotocha, tebonö ju̧kwadö chöbatjo tebachö, ja̧tö lotjakobetjö̧.

Isaías 5:6

Jau, niji mikwawökemi baibanö söbebö lotocha chöbatjoma. Bemi tupakwö ubasa'ba bajale 'wibö chotidökakwo̧sa, ja̧danö niji sobö chotidökakwo̧sa, bakwainö tebo jawa sȩakada, ja̧danö ju'wi sula'woda chöbatjotjö pokwakobetjö. Ju'wibi ojwiyo o'wiju tjöteba̧lakwo̧sa, ja̧dano wetökakwo̧sa, chöbatjo ji̧nemi ojwiyo o̧boböma, —jö̧ba̧lö Dios ökwödönö abebö a̧ja̧kwi̧ yötawaduwakwö.

Mateo 13:22

Ja̧danö, sȩa'wonö meaja̧ ödebiya badekwachi̧ma, Dios la'aka luwo̧ ö̧jakwa̧ wene a̧ja̧kwö tjösödijayonö, böjȩ jawa nöinö omukwatadönö, ja̧danö balada tjemobö isakwadönö badekwachobe. Jobadöma ja̧ jawa nöinö tjomukwatobetjö̧, otiwanöma tjöda̧peachokobe, ja̧danö tjo̧'wo̧ luwo̧ wa̧ji̧ jawama otiwanöma wa̧jokobe.

Mateo 13:7

Ja̧danö, ikwaja̧tjö sȩa'wonö meinobe, ja̧danö sȩi̧bi pokwobetjö̧, ikwaja̧ ödebiyama otiwanö pokwinokobe, ja̧danö wa̧ji̧ma wa̧jinokobe.

Hebreos 6:8

Jo̧kwaijayonö chömöledö, jayu batjoma abönö juwökönö, ja̧danö 'dawödö, sobö tjotidökötjö̧ma tjujunaja̧ma otiwanö pokwökena. Sȩi̧da ötjebiyada pokwena. Ja̧danö, Diosma jemi edö lȩebobe, Sula, sȩa'woda. Juwö lotocha, jö̧ba̧lö. Chömöledö jejenö yötawajökwe, jelobekwö omukwatö, Jesústjö 'da̧bachibö 'yo̧ ö̧ji̧ma. Jo̧ba ö̧ji̧tjö suli̧da laebobe, batjo sula'wo pokwayudanö. Ja̧danö Diosma, jo̧banö lȩbebö ö̧ji̧tjö suli̧ma juwö loakwo̧.