Proverbios 24:17 - Dios Iwene

¹⁷ Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧, kwöpöjojonö suli̧ baledenama kwo̧'wo ösöwanö kwö̧joko, kwöpöjojoijayonö. Jao chitji̧, jo̧ba kwöpöjojoma töbö meena, wainö mebo̧ jö̧ba̧lö, kwomukwatoko kwomajade okwanö.

Proverbios 24:17 ပူးပေါင်းရင်းမြစ်များ

2 Samuel 3:32

Ja̧danö, Hebrontjö Abnernö tjödinobe, ja̧danö lödajadö, tjödajemi ö'öbö ja̧nö labinö ubudekwinobe Davidma, ja̧danö ju'wedö jojodöbi tjubudekwinobe.

Diosnö ösödo̧ Job mikwo̧ usula emawina jawa 31:29

—Ju'wibi, bakwo̧ chöpöjojo wene ujuna̧lenama, cho̧'wo ösöwachibanö wene ujuna̧lobö chösödinatjö̧ma, jadanö ju'wedö jo̧banö sulabenö ja̧tjenama, otiwa jö̧ba̧lö, jo̧ba usula emawobö chösödinatjö̧ma, isabenö Dios lȩebobö jȩna.

Proverbios 17:5

Ja̧danö, ju'wibi yötawa: Isabenö, bakwo̧ma jwibo̧nö sulabenö edö obo̧ma Diosnöda sulabenö edö obo̧, Diosma jo̧ba jwibo̧nö otido̧obetjö̧. Ju'wibi yötawa: Bakwo̧ma usula emawo̧nö edö, otiwa, waiyinö usula emawo̧ jö̧ba̧lö, ösödobe. Isabenö yötawa: Jobekwö usula emawo̧nö edö, otiwa jö̧ba̧lö ösödo̧nöma Dios lȩebakwo̧.

Proverbios 24:18

Isabenö Jo̧ma kwomukwati̧ öwaisobetjö̧ jobekwöma kwomukatoko kwöpöjojonö suli̧ baledena. Isabenö Jo̧ma jwiinö öpöjödobe jobekwö kwomukwati̧ma. Isabenö yötawa: Jobekwö kwomukwatitjö̧ma, wainö mebo̧, jö̧ba̧lö, Isabenö Jo̧ma ju'winö kwöpöjojonö lȩebobö ji̧jayonö lȩebökönö pjaatena, ökwöma sulabenö kwomukwatinobetjö.

Jueces 16:25

Ba'ali junö, nöinö owa̧lö, filisteo jojodöma ja'yubenö 'dukwachawö̧ batjibinobe, ja̧danö 'dukwachawö̧ jwötjinobe, —Sansonnö kwichejebaduwo, jo̧banö edö, odakobetjö̧, —jö̧ba̧lö. Jo̧kwajabetjö̧ Sansonnö tjichejebinobe ka̧lena ba̧kwawejutjö, ja̧danö ösödakwaweju ja'ö okwi'iju dö'olataja ö'wejenö öjamatobö wetjinobe. Ja̧danö, jobe edökönö ja̧onö, Sansonnö otjinobe filisteo jojodöma.