Proverbios 23:32 - Dios Iwene

³² Kwowoko ja̧ isobuma chitji̧ kwowaja̧ tupakwö ökwönö sulabenö baledapji jö̧ba̧lö. Yelösöda, kwowaja̧ tupakwöma, ju'wi dewachöma niakobe ökwönöma, a̧ko'danö öpödöwajo̧ inia tjöi̧danö.

Proverbios 23:32 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 20:16

Otiwi̧ kwo̧sa jö̧a̧lijayonö, a̧ko̧'nö tjomadebada 'dȩbo̧ sulabo̧ma, ja̧danö inesö nibo̧ a̧ko'da yö̧ökwe ö'wö baibakwo̧ ichejekwa.

Éxodo 7:12

Jobadö bakwo̧nökwena tjotokwa'iju nijakwö jatjemi a̧ko̧'dö̧da babibijadötö. Jo̧kwijayonö Aarón otokwa'otjö a̧ko'da babibajo̧ma ju'wedö a̧ko̧'dö̧ babibajadönö ö̧ka̧tibijetö.

Proverbios 20:1

Baikwö laebobe ju'wi Salomón jwebebö yöawakwawa jawanö wanekwachi̧ jawa: Isabenö yötawa: 'Dukwachawö̧ma jweinö omukwatöködö. Jobadöma ubasobu o̧'do̧bu, ja̧danö ju'wi nio ojwiyo owajadö 'dukwachawö̧ma jojodönö tjo̧'wo sulachibanö edö obadö. Ja̧danö, jojodönö ölakwabikwawö jwöbeba̧ladö 'dukwachawö̧ma. Isabenö jweinö omukwatöködö.

Proverbios 5:11

Chitji̧, jobujukwö kwö̧jitjö̧ma debö kwi̧'yena, jobujutjö kwönekwobetjö̧. Ja̧danö, ju'winö, debö kwi̧'yakwa̧ abönö jwiinö niiökwe labinö kwubudekwabikobe, okobe jwiinö kwitebiyama 'dolobö tjoduwobetjö̧.

Isaías 11:8

Ja̧danö tjemu ja'yuwo̧, ina o̧do'bi̧ owo̧ma, inesö nibo̧ a̧ko'da ö̧jeju laju ö'öbönö alewakwo̧, ja̧danö ida̧ökö o̧do'bi̧ 'döjebökwe tjemuma ömamu yutebakwo̧ inesö nibadö a̧ko̧'dö tjö̧jaju okwa, wene jwiinö.

Isaías 28:3

Jau, Efrainsaso jojodötjö 'dukwachawö̧ tjubutjawakadanö ji̧ comunidad Samaria ja̧takwö lotjakobe tjöpöjojodöma.

Isaías 59:5

Jojodönö suli̧ kwöwaedaduwobö omukwatö kwujunaduwi̧ma, baikwö wanedö yöta̧la: A̧ko'da nibadö tjiyabiyadanö ichejekwi̧, ja̧danö bakwo̧ iyapo ukwobö jö̧a̧li̧tjö̧ma, tjomadebatjö ö'wö babibo̧, ja̧danö iyapo 'dabö po̧ibenama, inesö nibo̧ a̧ko'da laebobe, jobekwö ichejekwobe omukwatö kwujunaduwi̧ma. Ja̧danö kwotidaduwi̧ma, awöka acha'ba kwotidaduwobedanö ichejekwa, ja'yubebi mikwawokobetjö̧.

Romanos 6:21

Jejenö kwö̧jinaduwama, ¿taji mikwawinada chömöledö? Babema, ajayinö ja̧köbinaduwi̧ omukwatö, kwötabakwaduwobe, ¿jö̧tö? Ja̧danö, ju'wibi, jejenö ja̧awa mikwawi̧ma wobaleda.

Efesios 5:18

Ja̧danö, ju'wibi yöbawö wetaduwakwö chömöledö. 'Dukwachinöma kwowa̧laduwa. Owa̧lo̧ma o̧'wo̧ luwo̧nö omukwatökönö ju'wida sulabenö ja̧bö jo̧, okobe jwiinö ö̧ji̧ma. Wanedö yötawa chömöledö: Nio ojwiyo 'dukwachinö kwowa̧laduwa, ja̧da tupakwö kwuluwo̧duwi baibanö 'ya̧nöma. Dios O̧'wo̧ Luwo̧da ökwödö kwuluwo̧duwima, nio ojwiyo owa̧lakwawamaökö. Jo̧kwaobetjö̧ jo̧bada öba̧ja̧da̧lonö ja̧bö ju̧kwaduwi chömöledö.