Proverbios 23:19 - Dios Iwene

¹⁹ Jemi ikena jweinö omukwatadö yötjawinama baikwö laebobe, bakwo̧ iteda itji̧nö yöawinadanö: Chitji̧, ötjö jwebebö yötawi̧ma ö'wöyawakwawönö a̧ja̧kwi̧ jweinö omukwatö kwö̧jobö. Böjȩnö ja̧nö, kwi̧'yakwa̧ma ö'wöyakwawönö kwomukwato otiwanö, jwaikwöda kwi̧'yobö.

Proverbios 23:19 ပူးပေါင်းရင်းမြစ်များ

Proverbios 23:12

Jemi ikena jweinö omukwatadö yötjawinama baikwö laebobe: Jweinö omukwatadö jwebebö yötjawi̧ma ö'wiyawakwawönö kwa̧ja̧kwo, chöwaisachibobö jo̧be jö̧ba̧lö. Ju'wi jawabi ju'wi jawa waisadötjobetjö jobadö jweinö omukwatadö yötjawi kwa̧ja̧kwobö jo̧be.

Proverbios 23:26

Jemi ikena jweinö omukwatadö yötjawinama baikwö laebobe, bakwo̧ iteda itji̧nö yöawi̧danö: Chitji̧, ötjö yötawi̧ma ö'wöyawakwawönö omukwatö kwö̧jo. Ja̧danö, ötjö chö̧ji̧ edö kwösödo, ötjöbi chabe'do ö̧ji̧danö chö̧jo, jö̧ba̧lö.

Proverbios 4:26

Ja̧danö, kwi̧'yenama ö'wiyawakwawönö omukwatö kwi̧'yobö jo̧be. Jobekwö ö'wiyawakwawönö kwomukwatitjö̧ma jweinöda eda̧lö kwi̧'yena.

Proverbios 6:6

Salomón 'du̧wekwo̧nö yöawina baikwö laebobe: —'Du̧wekwo̧ ötjö yötawi̧ma a̧ja̧kwi. ‘Du̧wekwökönö kwö̧jo. Wanedö yötawa kwöwaisachibobö, wöbadönö wanedö: Wöbadöma kabatökönö mananö kwebachö 'debadö, jö̧tö̧? Yötawakwö: Jobadö wöbadönö eda̧lö kwöwaisachibobö jo̧be, jweinö omukwatö kwö̧jobö.

Proverbios 9:6

Ja̧danö, duluwuju jweinö omukwatö ja̧kwawa jojosujuma ökwödönö baikwö jwebebö yöbawuju: —Ökwödö ajayinö wajwibö kwö̧jinaduwa kabatibö kwöbalewachaduwo otiwanö kwö̧jaduwakobetjö̧. Jobekwö kwö̧jaduwo kwöwaisaduwakobetjö̧ di̧ya sulojobö jö̧ba̧lö, di̧ya otiwojobö jö̧ba̧lö — jobekwö jwebebö yöbawuju jweinö omukwatö ja̧kwawa jojosujuma ökwödönöma, ichaduwi tekachaduwo jö̧ba̧lö— jobekwö yötjawinobe jweinö omukwatö ja̧kwawa wanekwachuju jömöayedö ya̧döma.

Deuteronomio 21:20

Ja̧danö, ichibajadö jo̧ba ö̧jemi comunidad luwedönö yötjawobö ja̧kobe, baikwö: –Duluwedö, bite ditji̧ma uu 'dibo̧, ja̧danö wedi̧ a̧ja̧kwökönö sulabenö ja̧bö jo̧. Jo̧banö wedijayonö, wedi̧ a̧ja̧kwökönö, jwaikwöda iteda nöinö ukwotö jö̧ba̧lö isakwo̧, ja̧danö 'dukwachökwe jo̧, –jö̧ba̧lö comunidad luwedönö yötjawobö ja̧kobe.

Deuteronomio 4:9

Tupakwö yöawinobe Moisesma, israel jojodönö: —Teada̧lönö kwö̧jaduwo chömöledö, ökwödö kwedinaduwa jawama kwo̧'wo jwikibaduwapji jö̧ba̧lö. Jau chömöledö, ba̧kwelöjatebö kwo̧'woduwi jwibibökönö, ina kwö̧jaduwayi ja̧ jawa omukwatö kwö̧jaduwobö jo̧be, ja̧danö kwitji̧muduwinöbi, kwö̧'dödöduwinöbi yökawaduwobö jo̧be, jobadöbi ba̧kwȩlöjatebö omukwatö tjö̧jakobetjö̧.