Proverbios 23:16 - Dios Iwene

¹⁶ Isabenö, ökwö jweinö omukwatö yökawi̧ a̧ja̧kwö cho̧'wo̧ jwiinö ösöwachibanö chö̧jakwo̧sa, chitji̧ma jweinö omukwato̧, jö̧ba̧lö.

Proverbios 23:16 ပူးပေါင်းရင်းမြစ်များ

Proverbios 23:17

Jemi ikena jweinö omukwatadö yötjawina, bakwo̧ iteda itji̧nö yöawinadanö baikwö laebobe: Chitji̧, sulabenö ja̧badöma nöinö tju̧juna̧lena, sulabenö ja̧tji̧tjö tjȩminama ¿jö̧tö̧? Chitji̧, jobadönö edö ö'wöyabinö kwedoko, otiwanö tjö̧jobe, ötjöbi jobekwö chö̧jobö jö̧ta̧la, jö̧ba̧lö. Jobekwö omukwatö kwedoko jobadö sulabenö ja̧badönöma. Isabenö Jo̧nöda yebabinö kwomukwato chitji̧, ba̧kwȩlö̧jatebö.

Proverbios 8:6

Ötjö yötawi̧ma jwiinö mikwawobetjö̧ ¡a̧ja̧kwaduwitjö! Jweinöda yöbawujusa.

Efesios 4:29

Ja̧danö, sulabema yöka̧laduwa chömöledö. Pjabatö yöa̧lakwawada yöka̧laduwo, bakwo̧ o̧'wo̧ tjo̧bekwö jo̧nö pjabatö. Jejenö yöka̧laduwi̧ a̧ja̧kwadönö pjakataduwakobe, tjo̧'wo̧ luwo̧ ösöwachibawö̧ jö̧tja̧lobö, Bidöma otiwanö pjabatö yöba̧ladö, jö̧ba̧lö.

Efesios 5:4

Ja̧danö, ju'wi taba̧lö̧ji jawabi yöka̧laduwa, ja̧danö pjaatakwawökö jawabi, mikwawökö jawabi, yöka̧laduwa. Ja̧ jawama ¿tajawedö yöka̧laduwobö ökwödö Dios ömöledö babibinadöma? Ökwödöma Dios ömöledö babibinadöma jo̧banö otiwanö ösödöda yöda̧laduwo, Diosma otiwanö pjabato̧, jö̧ba̧löda.