Proverbios 21:31 - Dios Iwene

³¹ Ja̧danö, ju'wibi yötawa: Isabenö Jo̧da ökwödönö pjabato̧ma, döpöjojodönö dujuluwobö. Isabenö ¿dakwö dujuluwobö Isabenö Jo̧ma ökwödökwö pjabatö ö̧jökötjö̧ma? Juluwöködösa. Wanedö yötawa: Guardia jojodöma tja̧jwi̧mu̧ ka̧ba̧yu̧dönö otidadö, tjöpöjojodö tjö̧jobekwö ölakwabikwawö tji̧'yakwa̧ abönö. Isabenö yötawa: Jobekwö ka̧ba̧yu̧dönö otidö, juluwadönö wa̧matö tji̧'yijayonö Isabenö Jo̧da tjujuluwobö pjabato̧ma.

Proverbios 21:31 ပူးပေါင်းရင်းမြစ်များ

2 Samuel 23:12

Jo̧kwaijayonö, ju'wedö dötjibajayonö, Jo̧ba Samama jayunö 'diinö ja̧nö ölakwabikwawinobe, tju̧kwa tjönaukwapji jö̧ba̧lö, ja̧danö tjönaukwo jö̧ba̧ladö filisteo jojodönö kwabawö loinobe. Jejenö Isabenö Jo̧ma jo̧banötjö̧ filisteo jojodönö tjujuluwobö pjaatinobe.

Isaías 31:1

Ayö, isabenö usula tjemawakwedö, Egipto niji jojodö pjatjatakwa̧ tjo̧'wo wana̧ladöma. Jobadöma Egipto nijibe 'ya̧dö, —Isabenö otiwanö pjatjatakwedö Egipto jojodöma, —jö̧ba̧lö. Ja̧danö ju'wibi kabayudönö tjo̧'wo wana̧lö tjö̧jobe, —Egipto jojodöma nöinö ölakwabikwawa jawa kolukiya tjujuna̧lobetjö̧, ja̧danö jobadötjö kabayudönö wa̧nö ölakwabikwawadöma juluwadötjobetjö̧, dö̧jibinö pjatjatakwedö, —jö̧ba̧lö tjomukwatobe. Isabenö tjo̧'wo tjöwana̧lo jö̧tja̧lökwema, Israel jojodö tjösödökwe Sulabe Jwibo̧ Diosda. Abebö tja̧ja̧kwo jö̧tja̧lökwema, Isabenö Jo̧ Diosda, jo̧kwaijayonö jo̧banö omukwatökönö, wajwibö Egipto jojodönöda tjo̧'wo wana̧ladö, sulabenö.

1 Corintios 15:57

Jo̧kwaijayonö Duluwo̧ Jesucristonötjö Diosma dujuluwobö pjaatinobe chömöledö. Ja̧danö, jejenö pjaatinobetjö̧, jo̧banö chösöda, otiwanö pjabato̧ja̧ jö̧ba̧lö.