Proverbios 21:17 - Dios Iwene

¹⁷ Ja̧danö, ju'wibi yötawa, wanedö: Bakwo̧ma iteda ösödi̧ jawa, o̧'wo̧ ösöwanö ösödi̧ ju'wi jawa ju'wi jawabi ba̧kwȩlö̧jatebö midö emobe. Isabenö, jo̧bama ju'winö balada jwibo̧da ö̧jakwo̧, ba̧kwȩlö̧jatebö ösödi̧ jawa midö emobetjö̧. Ja̧danö, bakwȩmiinö bakwo̧ ubasobu o'do̧bubi, ja̧danö nöinö mikwawi̧ kwakwawabi emö 'dö̧bekwo̧ma la'akatjöda balada luwo̧ma ö̧jö̧kakwo̧.

Proverbios 21:17 ပူးပေါင်းရင်းမြစ်များ

Proverbios 21:18

Ja̧danö, ju'wibi yötawa: Sulabenö ja̧bo̧ma Dios wei̧ a̧ja̧kwo̧nö usula emawobö isakwo̧. Jobekwö isakwijayonö itedada usula emawakwo̧, balekwa mikwa baibanö. Jao, Diosnö öpöjödo̧ma otiwanö omukwato̧nö usula emawobö isakwijayonö itedada usula emawakwo̧, balekwa mikwa baibanö.

Proverbios 21:20

Ja̧danö, ju'wibi yötawa: Jweinö omukwato̧ma itea jwiinö mikwawi̧ jawa, ja̧danö o̧tesobubi jwiinö mikwawobu eju okwa wa̧nö te'ada̧lo̧. Jobekwödanö ite'ada̧lokobe jweinö omukwatö̧kö̧ma. Jo̧ba jweinö omukwatö̧kö̧ma okobe jwiinö ujuna̧li̧ma, iteabi, kwakwawabi juluwanö 'dö̧ibajökwe.

Proverbios 23:20

Ju'wi jawabi jwebebö yötawakwö chitji̧: Owa̧ladökwö pjakacha̧loko. Ja̧danö, yemidanö yemidanöbi nöinö kwakwawa kwadökwöbi pjakacha̧loko.

Proverbios 23:21

Isabenö, jobadödanö ja̧döma, owa̧ladöbi, nöinö kwakwawa kwadöbi aba̧löda tjaba̧lobetjö̧ jwibadöda tjö̧jobe, kamisibi kȩlȩbö'ye 'dölachi̧da 'dubawö. Jo̧kwaobetjö̧ jwebebö yötawakwö: Jobadökwö pjakacha̧loko.

1 Timoteo 5:6

Jo̧kwaijayonö, jilekwe wobekwinuju Diosnö jo̧'wo̧ wana̧lökönö jwaikwöda jösödi̧da isakwujuma, ina 'yaba̧luju jö̧jijayonö, jo̧'wo̧ luwo̧nö wobinujudanö jichejekwa, ja̧danö Dios ömöledö jobujujayedönö tjite'ada̧loböma jwiobe.

2 Timoteo 3:4

Ja̧danö, tjömöledönö iyö lotjakobe tjöpöjojodönö, ja̧danö baledakwa̧ omukwatökönö idöda tjösödi̧da juluwanö ja̧tjakobe, ja̧danö nöinö mikwawadösa jö̧ba̧lö omukwatö tjö̧jakobe, ja̧danö Diosnö ösödökönö, jwaikwöda tjo̧'wo̧ ösöwachibobö ji̧ jawada tjösödakobe.