Proverbios 20:20 - Dios Iwene

²⁰ Ja̧danö, ju'wibi yötawa: Isabenö, tjȩmu̧ma abe'donöbi ojo'dönöbi o̧'wo̧ sulinö edö, mikwawöködö jö̧ba̧lö yötja̧loböma jwiyobe. Ja̧danö, bakwo̧ iteda abe'donö, ojo'donö o̧'wo̧ sulinö editjö̧ma isabenö debö i̧'yakwo̧. Wanedö yötawa: Jo̧bama dȩju̧wa̧'yu tiibi̧danö ö̧ji̧ma tiibökwe, tjabe'donö, tjojo'donö mikwawöködö jö̧ba̧lö tjo̧'wo̧ sulinö edobetjö̧.

Proverbios 20:20 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 18:18

Jo̧banö dewi̧ jȩmitjö a'dewö lotjakwo̧, inesö yȩa'wo jȩmi nijinöda ö̧jobö, bakobenö jojodö tjujukwemitjö a'dewö lotjakwo̧ jo̧banöma.

Éxodo 20:12

Ja̧danö, ju'wibi wetaduwakwö: Kwabe'donö, kwojo'donö otiwanö omukwatö yebabinö kwö̧jaduwo. Jejenö otiwanö kwomukwataduwo lekwe kwuju̧kwaduwakobetjö̧ niji chiyakwemi ja̧nö, ötjö Isabenö Jo̧, Kwösödaduwökwe Dios kwiteboduwi baibanö chiyakwemima.

Éxodo 21:17

Ja̧danö, ju'wi wanedö yötawa: Bakwo̧ abe'donöbi ojo'donöbi sulabenö yebabökönö jwöeba̧litjö̧ma jo̧banö kwabö loköbaduwobö jo̧be— webijetö Isabenö Jo̧ma Moisésnöma. Ja̧ weawa wene ujunobö webijetö Isabenö Jo̧ma Moisésnöma, Israel jojodönö weawa wenema.

Proverbios 13:9

Ja̧danö, ju'wibi yötawa, wanedö: Dios wei̧ a̧ja̧kwö ju̧kwadöma dȩju̧wa'yu dewinö salöi̧danö dewinö ja̧dö, la'akatjöda tiibököwö̧. Jobekwö tjö̧jokobe sulabenö omukwatadöma. Jobadö sulabenö omukwatadöma dȩju̧wa'yu tiiba'yudanö tiibakwawö̧.

Proverbios 20:21

Ja̧danö, ju'wibi yötawa: Bakwo̧ iteda abe'do debö i̧'yaja̧ okobema abe'do iteatjö, abe'do ajayinö emobö yöbawö ujuninama, emobö jo̧be. Jobekwö ji̧jayonö abe'do ina 'yaa̧layi emoböma jwiyobe, Diosma öpöjödapji jö̧ba̧lö, bitema pjatatökakwo̧ jö̧ba̧lö. Isabenö, Diosma pjaatokobe abe'do iteatjö abönö emo̧nöma.

Proverbios 24:20

Jobekwö kwomukwatoko chitji̧, jobadönö bajaliyanöma sulabenö baledakwawö̧tjobetjö̧. Wanedö yötawa: Jobadöma deju̧wa'yu tjewawa'yu omönanö tiibayudanö tiibakwawö̧, debö tji̧'yinö.

Proverbios 30:11

Ja̧danö, ju'wibi yöawinobe Agurma, ö'wejemu jawa, jojodö sulabenö omukwatö tjö̧ji̧ jawama: Jojodötjö ju'wedöma tjabe'donöbi, tjojo'donöbi tjo̧'wo̧ sulinö edö yöba̧ladö.

Proverbios 30:17

Ja̧danö, ju'wibi yötawa: Abe'donö obo̧ma, ja̧danö ojo'do weji̧ a̧ja̧kwö̧kö̧ma jwiinö sulabenö omukwato̧. Jo̧bama debö i̧'yobö jo̧be, ja̧danö wobajo̧nö yȩbadö pji̧yu̧ öbajalenö dodotjobö jo̧be, ja̧danö okobe jwiinö itebiyabi bo̧lö̧ tjukwökwe, sulabenö abe'donö obö, ojo'do weji̧ a̧ja̧kwökönö ö̧jobetjö̧.

Mateo 15:4

Dios weinama baikwö laebobe: Kwabe'doduwinöbi, kwojo'doduwinöbi otiwanö omukwatö kwö̧jaduwo, jö̧ba̧lö. Ja̧danö, ju'wibi laebobe baikwö: Ökwödötjö bakwo̧ iteda abe'donöbi, iteda ojo'donöbi öpöjödö sulabenö yöa̧litjö̧ma, jo̧ba sulabenö yöba̧lo̧nö kwabö lotjobö jo̧be, jö̧ba̧lö laebobe Dios weinama, ¿jö̧tö?

Mateo 22:13

Ikenama, la'aka luwo̧ma iteda ömöayedönö weinobe, Bite sulabo̧nö ömamijubi, ömasapiyabi nu'yibö, a̧petube ikwö lobaduwinö, yȩa'wo okwa ba̧nö, budekwabinö o'ye kikiso ja̧bö usula emawo, jö̧ba̧lö weinobe.

Mateo 25:8

Jejenö ja̧tjenama, waisanö omukwatöködöma waisanö omukwatadönö atjebinobe: Ayö, dejuwa'yu̧sobu jwiobetjö̧ ditea'yu̧ tjo̧wi̧ tiibobe, dejuwa'yu̧sobu kwujuna̧laduwi̧tjö 'da̧batö iyaduwi ökwödönö, tiibapji jö̧ba̧lö, atjebinobe.

Deuteronomio 27:16

Ja̧danö, –Bakwo̧ iteda abe'donöbi, ojo'donöbi otiwanö omukwatökönö, sulabenö ja̧itjö̧ma, Dios lȩebakwo̧ jo̧banöma, –jö̧ba̧lö Levisaso jojodö labinö yötjawobö ja̧kobe, ja̧danö yötjawiawö̧, –Jau, amen, –jö̧ba̧lö okobe deinö jojodö tjatadobö jo̧be.

Judas 1:13

Ju'wibi yötawa jobadönö: Jobadöma taba jwiinö jojodö tjöba a'otjö sulabenö ja̧tji̧ tji̧sebobe, baikwö wanedö yötawa: Balawa inawanö loenama, itjei'wo dewinö öwawinö loobe, okobe deinö tjedobö, ¿jö̧tö? Ja̧danö, bidöbi okobe deinö tjöba a'otjö taba jwiinö sulabenö ja̧tjobe, okobe deinö tjedobö. Chömöledö, Dios yöawi̧ yöbawadöma jweinö jojodönö ötjibobö jo̧be, öbibö yötja̧wi̧ a̧ja̧kwö, Dios ösödi̧danö ja̧bö tjö̧jakobetjö̧, ¿jö̧tö? Jo̧kwaijayonö bidöma Dios yöawi̧ yöbawadösa jö̧tja̧lijayonö, Dios ösödi̧danö ja̧bö tjö̧joböma öbiböködö. Ötjibo jö̧tja̧li̧tjö 'da̧bachibö, sulabenö Dios öpöjödi̧danö ja̧bö tjö̧jobö öbibadö. Ja̧danö, jejenö ja̧bö tjö̧jiökwe Diosma omukwatö ujunajabe, inesö yȩa'wo okwa ba̧kwȩlö̧jatebö tjö̧bobö.