Proverbios 19:28 - Dios Iwene

²⁸ Ja̧danö, ju'wibi yötawaduwakwö chömöledö: Bakwo̧ lȩekwa yöbawo̧nö edina jawa yöa̧lobö atjebitjö̧ma jweinö yöa̧lobö jo̧be. Jweinö yöa̧litjö̧ma lȩekwa yöbawo̧ma öwaisakwo̧ jelo̧nö lȩebojobö, lȩebokojobö jö̧ba̧lö. Edina yöba̧lo̧ma lȩekwa yöbawo̧nö ö'öbönö yöawitjö̧ma ¿dakwö öwaisoböda? Jweinö lȩeboböma jwiena jo̧banö yöba̧lo̧ma jweinö yöa̧lokobetjö̧. Isabenö, jo̧ba omöna yöba̧lo̧ma jweinö lȩekwa yöawakwawama sulabenö obo̧, lȩekwa yöbawo̧ma jweinö yöawi̧ma mikwawökö jö̧ba̧lö. Ja̧danö ju'wibi yötawa: Sulabenö ja̧bo̧ma iteda sulabenö ja̧i̧ma ösödo̧. Isabenö, söi̧ kwakwawa ukwobö ösödi̧danö ösödobe iteda sulabenö ja̧i̧ma.

Proverbios 19:28 ပူးပေါင်းရင်းမြစ်များ

1 Reyes 16:27

Jobekwö ja'yubenö laebobe Omri webö ö̧jina wenema. Ju'wibi nöinö ja̧bö ö̧jinobe Omrima, jadanö ja̧ otidina wenebi, ujulu i̧sȩbina wenebi, Israel jojodö la'aka tjuluwedö tjö̧jina wȩyukwa'ye mikwa'yenö laebobe.

1 Reyes 21:10

Ikenama, jo̧ba a'o duju̧taja sulabedönö weköbaduwo, jo̧banö omöna yötja̧lakobetjö̧, –Bite sulabenö yöa̧laja̧ da̧ja̧kwijatö, Diosnöbi jwiinö sulabenö yöa̧linobe, ja̧danö inesö la'aka duluwo̧nöbi jwiinö sulabenö yöa̧linobe, –jö̧ba̧lö omöna yötja̧lobö weköbaduwo. Ikenama, jo̧ba sulabenö ja̧ina jobekwö yötjawobetjö̧, jo̧banö lȩbebö, inawiya ikwawö kwabö loköbaduwonö, —jö̧ba̧lö laebobe Jezabel ji̧wȩyudinama.

1 Reyes 21:13

Ikenama du̧ju̧taja sulabedöma ichibö, öba a'o tjöbamatinobe, jadanö jojodö tjöba a'o yötja̧linobe Nabotnö, —Bite Nabotma jwiinö sulabenö yöa̧linobe Diosnöbi, inesö la'aka duluwo̧nöbi, —jö̧ba̧lö omöna yötjalinobe. Ikenama, Nabotnö tjötjebinobe comunidad apjude a'obe, ja̧danö comunidadtjö labebajadö, inawiya ikwawö lotjinobe Nabotnö.

Diosnö ösödo̧ Job mikwo̧ usula emawina jawa 15:16

Ja̧danö, jobadö angeledönö jejenö omukwatitjö̧ma, bö̧je jojodötjö bakwo̧nö, –Wene jwibo̧, –jö̧ba̧lö omukwatenaji̧? Ja̧maökö Job, bö̧jenö ju̧kwadöma isabenö sulabedö yȩbekwadösa, ja̧danö ojwiyo o̧ti̧tjö ojwiyo dowobö dösödi̧danö, sulabenö ja̧dobö ösödadösa ökwödö bö̧jȩ jojodöma.

Diosnö ösödo̧ Job mikwo̧ usula emawina jawa 34:7

Bakwo̧bi Job yöa̧li̧danö yöba̧lo̧ma ö̧jenaji̧? Bakwo̧bi Job sulabenö Diosnö yöa̧li̧danö yöba̧lo̧ma ö̧jenaji̧? Kabatökönö jejenö sulabenö yöa̧lobö ösödo̧ ichejekwa, –Sulabenö ja̧tököjayonö, Dios sulabenö usula chemawinö weökwesa, –jö̧ba̧lö.

Proverbios 15:14

Ja̧danö, ju'wibi yötawa: Bakwo̧, di̧ya sulojobö jö̧ba̧lö di̧ya otiwojobö jö̧ba̧lö waiso̧ma ju'wi jawabi ju'wi jawa öwaisachibobö isakwo̧. Jo̧bama ba̧kwȩlö̧jatebö öwaisachibakwo̧, ajayi öwaisinatjö̧ jemi tupakwö bajalekwönönö öwaisachibakwo̧. Jobekwö öwaisachibokobe jweinö omukwatö̧kö̧ma. Jweinö omukwatö̧kö̧ma ju'wi jawabi ju'wi jawa öwaisachobö öpöjödo̧. Jo̧bama ba̧kwelö̧jatebö omukwatökönöda ö̧jakwo̧, jo̧kwada chö̧ja, jö̧ba̧lö.

Proverbios 16:27

Ja̧danö, ju'wibi yötawa: Sulabenöda omukwato̧ma ju'wedönö wene jwöeboböda omukwato̧. Wanedö yötawa: Ökwöla ubola jwale'ewö jelobekwö emibi̧danö sulabenö omukwato̧ yöa̧li̧ma okobe jwiinö ubi̧, nöinö wene jwöbebö.

Proverbios 19:27

Ja̧danö, ju'wibi yötawa, chitji̧nö yötawinadanö: —Chitji̧, a̧ja̧kwitjö: Ba̧kwȩlö̧jatebö kwa̧ja̧kwo ökwönö jwebebö yötawinama, kabatibökönö. Jao chitji̧, kwo̧'wo̧ jwikiboko di̧ya sulojobö jö̧ba̧lö, di̧ya otiwojobö jö̧ba̧lö yötawinama jelobekwö kwomukwatapji jö̧ba̧lö— jobekwö baledobe chitji̧nö yötawina.