Proverbios 17:17 - Dios Iwene

¹⁷ Ja̧danö, ju'wibi yötawa: Isabenö, bakwo̧ iteda ömöledöso̧ma jo̧banö ba̧kwȩlöjatebö ile niebobe. Ja̧danö, ju'wibi yötawa: Bakwo̧ iteda yö̧ne ömöledöma jo̧banö pjaatjatakwedö wene baledena jo̧banöma.

Proverbios 17:17 ပူးပေါင်းရင်းမြစ်များ

2 Samuel 1:26

Isabenö cho̧'wo tjoachobe ökwönö yö̧ne chömöledöso̧ Jonatan, isabenö ile nitebökweja Jonatan. Isabenö otiwanö ötjönö ile nikebinobe Jonatan, ile nikebinama, ya̧dö ile nitjȩbi̧tjö bajalekwönönö otiwanö ile nibebinaja.

2 Samuel 15:21

Yöa̧lökwe, Itayma la'aka luwo̧ Davidnö atadinobe, —Ja̧maökö chuluwo̧ la'aka luwo̧, Isabenö Jo̧ ö̧ji̧ wene ji̧danö, ja̧danö ökwö inesö la'aka chuluwo̧ kwö̧ji̧ wenedanö, isabenö yötawakwö, okobe jwiinö kwekachi̧teniama, ötjöbi ökwökwö chichocha. Jau chuluwo̧, ö'wö batibitjö̧bi, ina 'yaba̧lo̧ chö̧jitjö̧bi, bakwaiobe, ötjö kwömöyo̧ma ökwökwö chi̧chakwo̧sa, —jö̧ba̧lö.

Proverbios 16:28

Ja̧danö, ju'wibi yötawa: Sulabenö omukwatö jo̧ma wene jwöbebo̧ jojodö tjölakwabikwawinö. Ja̧danö, ju'wibi yötawa: Bakwo̧ ju'wedönö yö̧ne tjö̧möledöso̧nöma omöna yöa̧liawö̧ tjö̧möledöso̧tjö̧ 'da̧bachibö tjö̧ja̧kwedö.

Proverbios 18:24

Ja̧danö, ju'wibi yötawa: Bakwo̧ma yö̧a̧lena ökwönö, chömöledöso̧, jö̧ba̧lö. Jobekwö yöa̧lijayonö omöna yöba̧lo̧, isabenö kwömöledöso̧bö̧kö̧. Jo̧kwaijayonö jelo̧ma isabenö kwömöledöso̧ ö̧jobe. Jo̧ba isabenö kwömöledöso̧ma yö̧ne kwömöledö pjatjati̧tjö bajalekwönönö pjabato̧ ökwönöma ba̧kwȩlö̧jatebö.

Proverbios 19:13

Ja̧danö, ju'wibi yötawa: Isabenö, bakwo̧ itji̧ma, jweinö omukwatökönö ö̧jobetjö̧ abe'doma ba̧kwȩlö̧jatebö usula emawö jo̧. Ja̧danö, ju'wibi yötawa, wanedö: Bakwoma ilekwo ba̧kwȩlö̧jatebö jo̧banö jwöbeba̧lujukwö ö̧jobe. Isabenö yötawa: Jobuju ba̧kwȩlö̧jatebö jwöbeba̧lujuma jeju okwa mötjö̧ ba̧kwȩlö̧jatebö toi̧danö ba̧kwȩlö̧jatebö jwöbeba̧lö juju.

Proverbios 19:7

Ja̧danö, ju'wibi yötawa: Isabenö, okobe deinö tjöpöjödobe jwibo̧nö, yö̧ne ömöledöbi. Ja̧danö, jo̧ba yö̧ne ömöledöbi tjöpöjöditjö̧ma ¿dakwö tjösödoböda yö̧ne ömöledöböködöma? Tjöpöjödobe jo̧ba jwibo̧nöma jo̧ba ö̧jobekwö 'yö̧könö. Ja̧danö, jwibo̧ma ömöledönö yöa̧lobö isakwijayonö deobe jo̧banö ösödo̧ma.

Hebreos 2:11

Isabenö chömöledö, Jesús Abe'do, ja̧danö ökwödö, Dios ju'wedö i̧tji̧mubi mölejȩbe Dabe'doma bakwo̧da. Jo̧kwaobetjö̧ Diosma ajayinöma otiwanö badedö ujuninobe iteda i̧tji̧muma bakobe dö̧jobö Dios jwiinö otiwi̧ ö̧jobema, okobe deinö, Jesúsbi, ökwödö Dios ju'wedö i̧tji̧mubi. Ja̧danö chömöledö, ökwödöda ju'wedö Dios i̧tji̧muma, Jesúsnö ösödadö. Ja̧danö, ökwödö mölejȩbe Dabe'dobi Jesús Abe'dobi bakwo̧da, Diosda. Isabenö chömöledö, Jesús, ökwödö dusuli̧ dichö lobinabi, ja̧danö ökwödö dichö loinawö̧bi Dabe'doma bakwo̧da. Ja̧danö, Dabe'do bakwo̧daobetjö̧ Jesúsma o̧'wo̧ ösöwanö, tabakwökönö öabobe ökwödönö, Chö̧ja̧wo̧dö, jö̧ba̧lö.

1 Samuel 18:3

Ja̧danö, Jonatanma Davidkwö isabenö otiwanö ösödabikwawö tjö̧jakwa̧ wene yöbawö tjujuninobe, —Ba̧kwelöjatebö, yö̧ne dömöledö ja̧nö ösödabikwawö dö̧jakwedösa, —jö̧ba̧lö.

1 Samuel 19:2

Jo̧kwajabetjö̧ Jonatanma Davidnö yöawinobe, —Chabe'do Saulma ökwönö kwabö loobö isakwobe, jo̧kwajabetjö̧ ö'wiyakwawönö kwöjo. Itekwai yȩayi, jelobe ka̧putjö ju̧kwawö kwö̧jo.

1 Samuel 19:3

Ja̧danö, kwuju̧kwawajena yö̧neawinö, chabe'donö öbibö chi̧'yocha, ja̧danö jobe ja̧nö chabe'donö yöta̧locha ökwönö. Ja̧danö, okobe jwiinö chabe'do yöa̧li̧, ökwönö yötawocha, —jö̧ba̧lö yöa̧linobe Jonatan, Davidnö. Yöa̧lökwe, Jonatan yöa̧laja̧danö uju̧kwawinobe Davidma.

1 Samuel 20:17

Ja̧danö Jonatan jwiinö iteda ösödakwawi̧danö Davidnö ösödobetjö̧, Davidbi isabenö dösölö̧jinö ösödabikwawö ö̧jakwa̧ wene yöbawö ujunobö aebinobe, Jonatannöbi, i̧tji̧mu tupadanö jojodönöbi ösödabikwawö ö̧jakwa̧ wenema, ja̧danö aeba̧ja̧danö Davidbi yöbawö ujuninobe.

1 Samuel 23:16

Ja̧danö, Horesnö ö̧jono, Saul itji̧ Jonatanma David ö̧jobekwö Davidnö edö i̧'yinobe, ja̧danö jo̧banö ujuluwachibanö pjaatinobe, —Isabenö Diosma ökwönö pjaatakobe, —jö̧ba̧lö.