Proverbios 15:30 - Dios Iwene

³⁰ Ja̧danö, ju'wibi yötawa: Jojodöma, o̧'wo̧ ösöwanö jo̧nö edö idödabi tjo̧'wo̧ ösöwanö tjö̧jobe. Ja̧danö, ju'wibi tjösödobe jojodöma: Jojodöma jelobe otiwanö baledina yötjawi̧ a̧ja̧kwö jwiinö ösödadö, tjo̧'wo̧ ösöwanö.

Proverbios 15:30 ပူးပေါင်းရင်းမြစ်များ

Proverbios 12:25

Ja̧danö, ju'wibi yötawa: O̧'wo̧ tjo̧bekwö jo̧ma ime'dawachobe. Ja̧danö, o̧'wo̧ tjo̧bekwö ime'dawachijayonö ömöledöma pjabatö yötja̧lena jo̧banö o̧'wo̧ tjo̧bekwö ö̧jelö o̧'wo ösöwachibanö pjatjatobe.

Proverbios 13:9

Ja̧danö, ju'wibi yötawa, wanedö: Dios wei̧ a̧ja̧kwö ju̧kwadöma dȩju̧wa'yu dewinö salöi̧danö dewinö ja̧dö, la'akatjöda tiibököwö̧. Jobekwö tjö̧jokobe sulabenö omukwatadöma. Jobadö sulabenö omukwatadöma dȩju̧wa'yu tiiba'yudanö tiibakwawö̧.

Proverbios 15:29

Ja̧danö, ju'wibi yötawa: Isabenö Jo̧ma ösödö a̧ja̧kwo̧ Dios wei̧ a̧ja̧kwadö atjeba̧li̧ma. Jo̧kwaijayonö a̧ja̧kwokobe sulabenö omukwatadö jo̧banö atjeba̧li̧ma.

Proverbios 15:31

Ja̧danö, ju'wibi yötawa: Ba̧kwo̧ jweinö omukwatadö jwebebö yötjawi̧ a̧ja̧kwo̧ma jweinö omukwatö ö̧jakwo̧.

Proverbios 17:22

Ja̧danö, ju'wibi yötawa: Bakwo̧, o̧'wo̧ ösöwanö ö̧jitjö̧ma otiwanö, 'dö̧bachökönö ö̧jena. Wanedö yötawa: O̧'wo̧ ösöwanö ö̧ji̧ma jowobu tjowi̧danö pjaati̧, 'dö̧bachökönö ö̧jobö. Jobekwö ö̧jokobe kabatökönö o̧'wo̧ tjo̧achö jo̧ma. Jo̧bama, kabatökönö o̧'wo̧ tjo̧achö ö̧jobetjö̧ 'dö̧achinöda jo̧.

Proverbios 25:25

Ja̧danö, ju'wibi yötawa: Jelobe ödötjö otiwanö baledina yötjawi̧ a̧ja̧kwö jwiinö dösödobe. Wanedö yötawa: Jwiinö ojwiyo o̧ti̧ lö̧a̧jabena ojwiyo tiyuwobu tjowi̧danö dösödobe ödötjö otiwanö baledina yötjawi̧ a̧ja̧kwö.

Proverbios 3:8

Jobekwö Isabenö Jo̧nö yebabinö omukwatö, suli̧ ja̧bökönö kwö̧jitjö̧ma otiwanö, kwujulunö kwö̧jakwo̧ja. Wanedö yötawakwö chitji̧: Jobekwö omukwatö kwö̧jitjö̧ma jowobu tjowi̧danö pjaatakobe ökwönö, kwujuluwachibanö, kwo̧'wo̧ ösöwanö kwö̧jobö.

Isaías 58:11

Ja̧danö ötjö Isabenö Jo̧ma ba̧kwelöjatebö ökwödönö jwebebö ötibakwo̧sa, ja̧danö kököemi kwö̧jaduwena, otiwanö jwiköbaduwi̧ chiyakwo̧sa, ja̧danö kwiwe'iju kwujuluwaduwachibanö pjatatakwo̧sa. Jobekwö otiwanö pjatatiawö̧, batjo otiwanö yoliwayudanö kwichejekwaduwakwedöja, ja̧danö ojwese'do la'akatjöda kököachibökö'dodanö kwichejekwaduwakwedöja.

Apocalipsis 21:23

Ja̧danö, 'yayi̧ Jerusalénnöma möle jawo̧bi yö̧te ja̧wo̧bi tjö̧lajokobe, detjobe. Dios ujulu dewinö idejati̧da dewobe jojodö tjedoböma. Ja̧danö, Obeja Itji̧danö Jo̧ma la̧pa̧la̧yu̧danö, dewinö idejati̧da dewo̧, 'yayi̧ Jerusalénnöma.

Apocalipsis 22:5

Ja̧danö, yö̧tebi jwiobe jobema, möledanö dewinö dejatobetjö̧. Ja̧danö, la̧pa̧la̧yu̧bi̧yabi jwiobe, dewinö dejatobetjö̧. Ja̧danö, ja̧wo̧bi idejatokobe, Duluwo̧ Diosda dewinö idejatobetjö̧. Jobe ju̧kwadöma la'aka luwedödanö webö tjö̧jobe, ba̧kwȩlö̧jatebö.