Proverbios 15:29 - Dios Iwene

²⁹ Ja̧danö, ju'wibi yötawa: Isabenö Jo̧ma ösödö a̧ja̧kwo̧ Dios wei̧ a̧ja̧kwadö atjeba̧li̧ma. Jo̧kwaijayonö a̧ja̧kwokobe sulabenö omukwatadö jo̧banö atjeba̧li̧ma.

Proverbios 15:29 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 35:13

Jau Job, Diosnö ösödökönö jwötjeba̧liökwe, jobadönö a̧ja̧kwö̧kö̧, Okobe Jwiinö Juluwo̧ Diosma a̧ja̧kwö̧ pjabatö̧kö̧.

Proverbios 1:28

Ja̧danö, ja̧ labi jawa ökwödönö ichena yebaibö ötjönö jwökeba̧laduwakobe, ökwödönö pjabati, jö̧ba̧lö. Jobekwö jwökeba̧la̧duwijayonö la'akatjöda cha̧ja̧kwökakobe. Ja̧danö, ötjönö kwisakwaduwijayonö kwöbadekwajaduwökakobe ötjönöma— jobekwö yöbawö jwöbuju, jweinö omukwatö ja̧kwawa wanekwachujuma.

Proverbios 15:30

Ja̧danö, ju'wibi yötawa: Jojodöma, o̧'wo̧ ösöwanö jo̧nö edö idödabi tjo̧'wo̧ ösöwanö tjö̧jobe. Ja̧danö, ju'wibi tjösödobe jojodöma: Jojodöma jelobe otiwanö baledina yötjawi̧ a̧ja̧kwö jwiinö ösödadö, tjo̧'wo̧ ösöwanö.

Proverbios 15:8

Ja̧danö, ju'wibi yötawa: Isabenö Jo̧ma jwiinö öpöjödo̧ sulabenö omukwatadö tjö̧ji̧ma. Jobadö jo̧banö kwabö juwö tjiyi̧bi edö jwiinö öpöjödo̧ Isabenö Jo̧ma, sulabenöda omukwatö tjö̧jobetjö̧. Jobekwö öpöjödokobe Isabenö Jo̧ma, Dios wei̧ a̧ja̧kwö ju̧kwadönöma. Isabenö Jo̧ma Dios wei̧ a̧ja̧kwö ju̧kwadönö jwiinö ösödo̧. Jobadö Diosnö atjebi̧ma a̧ja̧kwö jwiinö ösödo̧. Jobadöma ba̧kwȩlö̧jatebö Dios wei̧ a̧ja̧kwö tjö̧jobö isakwadötjobetjö̧ Isabenö Jo̧ma jwiinö ösödobe jobadönöma.

Isaías 59:2

Ökwödönö pjabatökönö ö̧ji̧ma, baikwö labebö lobö yötawaduwakwö chömöledö: Ökwödö sulabenö ja̧bö kwö̧jaduwi̧ma, tjöekwemidanö ji̧, Diostjö 'da̧bachibö kwö̧jaduwakobetjö̧. Ja̧danö sulabenö ja̧bö kwö̧jaduwiökwe, kwö̧jaduwelö jelobekwö öjalachibajabe Diosma, ja̧danö akebaduwi̧ a̧ja̧kwö̧kö̧.

Mateo 25:46

Ikenama, jobadö sulabedöma ökwöla nöolabe tji̧'yakwedö, jobetjö Dios lȩebi̧tjö ba̧kwȩlö̧jatebö usula tjemawobö, jo̧kwaijayonö otiwadöma ba̧kwȩlö̧jatebö ja̧kwawobe ja̧nö tji̧'yakwedö— jö̧ba̧lö yöawinobe Jesúsma.

Juan 9:31

Ökwödöma döwaisa, sulabenö omukwatö jo̧ aebi̧ma a̧ja̧kwokobe Diosma. Jo̧kwaijayonö, bakwo̧, Diosnö ösödo̧, Dios wei̧ a̧ja̧kwö jo̧ aebi̧ma a̧ja̧kwobe Diosma.

1 Pedro 3:12

Jejenö ja̧obö jo̧be, Duluwo̧ma otiwanö ja̧badönö te'ada̧lö edo̧obetjö̧, ja̧danö jobadö atjebi̧ a̧ja̧kwobetjö̧. Jo̧kwaijayonö sulabenö ja̧badönö, Duluwo̧ma ölakwabikwawö ö̧jobe, jö̧ba̧lö laebobe Dios iwene. Jo̧kwajabetjö̧ chömöledö, isabenö otiwanö ja̧bö kwö̧jaduwobö jo̧be, Dabe'do Dios jejenö ja̧bö dö̧jobö weobetjö̧.