Mateo 8:27 - Dios Iwene

²⁷ Jejenö balediawö̧, Jesús öba̧ja̧di̧ waisachadöma tjöbajale jalaka baibanö yötja̧linobe: —Ayö, bitema ¿ditejayo̧jö? Jwa̧lȩ'epjobi, balawabi bite wei̧ a̧ja̧kwobe— jö̧ba̧lö.

Mateo 8:27 ပူးပေါင်းရင်းမြစ်များ

Mateo 14:33

ja̧danö jejenö balediawö̧, Jesús öba̧ja̧di̧ waisachadöma Jesúsnö ösödö yötja̧linobe: —Isabenö ökwöma Dios itji̧köba— jö̧ba̧lö yötja̧linobe.

Mateo 15:31

Jojodö tjöbajale jalaka baibanö yöba̧löködö yötja̧lobe tja̧ja̧kwinobe, ja̧danö 'delacha̧ladö otiwanö babibajadönö tjedinobe, ja̧danö kwebachöködö kwetjachobe tjedinobe, ja̧danö tjöbajale tjewawadö otiwanö tjedobe tjedinobe. Jejenö edö, Israel jojodö tjuluwo̧ Diosnö tjösödinobe, otiwanö pjabato̧ja jö̧ba̧lö.

Mateo 8:10

Jejenö yöa̧liökwe, Jesúsma jo̧bakwö ichajadönö yöawinobe: —Ayö, bitema Israel jojobö̧kö̧jayonö isabenö otiwanö chujulu ösödo̧. Okobe jwiinö Israel niji ju̧kwadötjö bakwo̧bi bite chujulu ösödi̧danö ösödo̧nö chöbadekwajokobe. Bitema isabenö otiwanö omukwato̧.

Mateo 8:26

Jejenö yötja̧lökwe, Jesúsma atadinobe: —¿Tajawedö Diosnö kwo̧'wo̧ wana̧lökönö yekabiduwobedaja̧?— jö̧ba̧lö. Ikenama, a̧laibö Jesúsma weinobe jwa̧lȩ'epjo yöachibobö, ja̧danö balawa loaja̧bi yöachibobö. Jejenö weenama, ja̧ jwiinö baibinobe, ja̧danö o̧pesobuma yöachibinobe.

Mateo 8:28

Jesúsma o̧pesobu bakwachobe ichibinobe, gadarenos niji ötjabobe. Jobe ichibenama, du̧ju̧taja tjo̧'wo̧ luwo̧nö sulabedönö juna̧ladöma i̧lȩdi̧ju wobiako i̧lȩdi̧jutjö latjebinobe. Jobadöma wobiakonö tjö̧jinobe, ja̧danö okobe deinö yetjabiwö̧ tjö̧jinobe, okobe deinö jobe baledadönö labinö metjiba̧lobetjö̧.

Marcos 1:27

Laebajobe okobe deinö edajadöma, yöba̧lakwawijadötö idödada: —¡Ayö!¿Tajijö? Abönö da̧ja̧kwemi bitema wainö jawadanö ba̧ja̧do̧, iteda waisinö ujulunö öba̧ja̧di̧ma. Ikena iteda ujulunö o̧'wo̧ luwo̧nö sulabo̧nö a'dewö loajabe. ¡Ayö! Sulabo̧bi jo̧ba wei̧ma a̧ja̧kwo̧— yöba̧lakwawijadötö.

Marcos 6:51

Ikenama Jesúsma isowinö a̧jibijetö jobadökwö. A̧jibemi jwa̧lȩ'epjo jwa̧lȩ'ewaja̧ma jwa̧lȩ'ewijökötö. Jejenö baibiawö̧ öba̧ja̧di̧ waisachadöma: —¡Ayö! ¿Dakwö baibajö?—jö̧ba̧lö, omukwatijadötö.

Marcos 7:37

Ja̧danö, ju'wedöma ja̧ yötja̧li̧ a̧ja̧kwö: —¡Ayö! Jo̧ba okobe jwiinö otidi̧ma otiwanö otido̧. A̧ja̧kwöködönöbi tja̧ja̧kwinö otidö lobo̧. Yöba̧löködönöbi yötja̧linö otidö lobo̧— jö̧ba̧lijadötö.