Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mateo 7:17 - Dios Iwene

17 Jau chömöledö, otiwowinö wa̧ji̧ma otiwa jawa wa̧jowi, jo̧kwaijayonö sulabowinö wa̧ji̧ma, suli̧ jawa wa̧jowi, ¿jö̧tö?

အခန်းကိုကြည့်ပါ။ ကော်ပီ




Mateo 7:17
15 ပူးပေါင်းရင်းမြစ်များ  

Jau, okobe deinö Jerusalen comunidadtjö budekwadönö, ökwölaso̧pja tjuunö tjöwanajelö, balekwaka o̧bubiyatjö otikwaka butjawaka tjubutjawobö chiyobö weökwesa, ja̧danö tjubudesobu ji̧nemi, balekwobu o̧'wo ösöwachibakwawa o̧te chiyobö weinökwesa, ja̧danö budekwadö 'dutjawa̧do̧ 'dutjawajemi, balekwa̧do̧ tjo̧'wo ösöwachibanö Diosnö ösödadö 'dutjawa̧do̧ chiyobö weinökwesa. Ja̧ möle 'diinö ja̧nö Dios wei̧ a̧ja̧kwö tjö̧jobetjö̧, —Isabenö Jo̧ wei̧ a̧ja̧kwi̧owi encina towibiya, —jö̧ba̧lö ötjabikwawö̧. Jobekwö 'diinö tjö̧jobö ujunakwo̧ Diosma, jobadönö edö, jo̧banö otiwanö omukwatö tjösödakobetjö̧.


Otiwowima, suli̧ jawa wa̧jobö jwiowi, ja̧danö sulabowima, otiwa jawa wa̧jobö jwiowi, ¿jö̧tö?


Ja̧danö, Duluwo̧ dewinö idejatena kwekachaduwobetjö̧ otiwanö omukwatö kwö̧jaduwobe, jweinö yöba̧lö, Dios öba a'otjö otiwanö ja̧bö.


Duluwo̧ ömöledö tjö̧jo jö̧tja̧li̧danö kwö̧jaduwo jö̧ba̧lö. Jau chömöledö, Duluwo̧ ösödi̧danö ja̧bö kwö̧jaduwobö dösöda, ja̧danö okobe jwiinö otiwanö ja̧awa jwaikwöda ja̧bö kwö̧jaduwobö dösöda, ja̧danö tupakwö Diosnö kwöwaisaduwobö dösöda.


Jobadönö baikwö yötawa: Wamenö otiwadödanö ichejekwö, jobadöma Duluwo̧ Jesúsnö omukwatö pjiesta bakobe ökwödökwö tjujunobe, jo̧kwaijayonö wamenö otiwadödanö tjichejekwijayonö, isabenö suli̧ waedadö tjö̧jobe. Baikwö wanedö yötawa: Ojwe teebe ba̧wa inawa, isowi töbö meajobö suli̧ waedawadanöbedö, jojodönö suli̧ waedö. Jau chömöledö, ökwödökwö pjiesta junö, taba jwiinö idöda tjö̧ji̧ jawada isakwadö, ju'wedönö omukwatökönö. Jojodönö otiwanö pjabatadösa jö̧ba̧lö yötja̧lijayonö, pjabatöködö. Wanedö yötawa: Ojwiyo'wo o̧bo jö̧a̧laja̧ waekwa'wo, o̧bökönö jelobekwö jwa̧lȩ'epjo e'ewa'wodanö ichejekwadö, ja'yubebi pjatjatokobetjö̧. Isabenö mikwawöködö tjö̧jobe, baikwö wanedö yötawa: Towinö wa̧ji̧ emö tjukwobö baibena, towi ina wa̧jökötjö̧ma mikwawokowi, ¿jö̧tö? Jejenö wa̧jokowidanö mikwawöködö, jo̧kwaijayonö jemi bajalekwönönöbi mikwawöködö, baikwö yötawa: Towi babe wa̧jokowi, tupakwö wa̧jitjö̧ma ina mikwawena, ¿jö̧tö? Jo̧kwaijayonö 'yebö töbebö lotjitjö̧ma la'akatjöda mikwawökawowi, ¿jö̧tö? Jejenöbedö ökwödönö sulabenö yöbawadöma chömöledö, dötölatajanö mikwawöködö. Towi wa̧jokowidanö mikwawöködö, ja̧danö jemi bajalekwönönö towi 'yebö töbebö lotjinowidanö bakobenö mikwawöködö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ