Mateo 5:39 - Dios Iwene

³⁹ Jo̧kwaijayonö, wainö wetaduwakwö chömöledö baikwö: Sulabenö ja̧badönö kwölabikwawaduwoko jö̧ba̧lö. Jelo̧ kwibekasa'wonö 'bȩitjö̧ma, jalachibi bakwachobesa'wobi 'bȩobö, balekwa mikwama jo̧banö 'bȩköboko.

Mateo 5:39 ပူးပေါင်းရင်းမြစ်များ

1 Reyes 22:24

Yöa̧liökwe, Sedequiasma yöne ichibö, Micaiasnö 'bȩinobe ibekasa'wonö, ja̧danö Micaiasnö yöa̧linobe: —Omöna. Isabenö Jo̧ yöawi̧ yöbawo̧sa, kwedemi ötjötjö labebö, ökwönöda yöawobeji̧, Isabenö Jo̧ o̧'wo luwo̧ma? Ömöna yöka̧la, —jö̧ba̧lö.

Diosnö ösödo̧ Job mikwo̧ usula emawina jawa 16:10

—Jejenö balediawö̧, jojodöma ötjönö edö obadö, ötjönö obö, chibekasa'wo 'bȩtjajabe, –Bite Jobma sulabo̧, –jö̧ba̧lö. Jau, ötjönö tjölakwabikwawotö jö̧ba̧lö, chöba a'o ko̧ko̧kwö tjö̧jobe ichejekwa.

Proverbios 20:22

Ja̧danö, ju'wibi yötawa: Balekwa mikwa ja̧awama mikwawokobe. Jo̧kwaobetjö̧ yöka̧loko, Ötjönö sulabenö ja̧binanöma balekwa mikwa sulabenö ja̧tocha, jö̧ba̧lö. Jobekwö kwomukwatoko, Isabenö Jo̧nö kwo̧'wo̧ wa̧na̧lö kwite'ada̧lo, jo̧bada ökwönö pjaatobö.

Proverbios 24:29

Isabenö yötawa: Kwömöledöso̧nö, ökwönö sulabenö ja̧inajayonö kwomukwatoko, ötjönö sulabenö ja̧inadanö ja̧tocha jo̧banöma, jö̧ba̧lö. Chitji̧ jobekwö kwomukwatoko, ötjönö sulabenö ja̧ina balekwa mikwa ja̧tocha, jö̧ba̧lö.

Isaías 50:6

Ja̧danö öpöjödadö ötjönö kwakwatjenema, yayonö katatibijökötö, jwaikwöda Dios wei̧ a̧ja̧kwö ja̧nö, wainö chibeka kwakwatjobö chi̧sȩbijatö. Ja̧danö cha̧jȩsa'ye 'yetjobö jö̧tja̧lenama, öpöjödökönö cha̧jȩ chi̧sebijatö, wainö 'yetakobetjö̧. Ötjönö otjenabi, ötjönö sutjenabi, yayonö tabatjö chöbama ju̧kwawö̧kö̧sa.

Mateo 5:40

Ja̧danö, jelo̧ lȩekwa luwo̧ öba a'otjö kwökamisi 'döebobö isakwitjö̧ma, ja̧bi, wamesado̧bi kwiyonö.

Lucas 22:64

Kamijido̧nö Jesús öba di̧batajadö, Jesúsnö kwatjinobe, ja̧danö Jesúsnö 'bȩbö obö yötja̧linobe: —Isabenö Dios yöawi̧ yöbawo̧köbitjö̧ma, yöbawi, ti ökwönö 'bȩaja̧da— jö̧ba̧lö Jesúsnö otjinobe.

Lucas 6:7

Jejenö ö̧jiawö̧, Moisés iwȩyudina ba̧ja̧dadöbi, fariseo jojodöbi Jesúsnö tjeda̧linobe, otikwökö möle jo̧banö otidö loojobö jö̧ba̧lö. Jejenö tjeda̧linobe, jo̧banö Jesús otidö loenama, Jesúsma sulabenö otikwökö möle otido̧, jö̧ba̧lö, Jesúsnö wanedö yötja̧lakobetjö̧.

Juan 18:23

Jejenö jö̧a̧liökwe: —Jweinö yöta̧lajabe. Omöna yöta̧liökwe kwaköbitjö̧ma otiwanö kwaköbena, Bitema omöna yöba̧lo̧, jö̧ba̧lö. Jo̧kwaijayonö jweinö yöta̧lena ¿tajawedö kwaköbenada ötjönöma?— jö̧a̧linobe Jesúsma.

1 Corintios 6:7

Jau chömöledö, Jesúsnö öpöjödadötjö lȩekwa jojodö tjöba a'otjö ja̧nö ökwödö Jesúsnö ösödadö jawa wene yökawaduwenama, kwi̧sebaduwobe, waekwadöja jö̧ba̧lö, Dios ömöledö ja̧bö tjö̧jo jö̧tja̧li̧danö ja̧bö kwö̧jaduwokobetjö̧. Jau chömöledö, kwömöledöso̧ Jesúsnö ösödo̧ ökwönö sulabenö ja̧ijayonö, jo̧kwada jö̧ba̧lö kwo̧'wo̧ 'dibachibö Jesúsnö öpöjödadötjö lȩekwa jojodönö yöbawökönö kwö̧jitjö̧ma, babe ja̧köbi̧tjö o̧penönö otiwo jö̧a̧lena. Ja̧danö, ökwönötjö önaukwijayonö, jo̧kwada jö̧ba̧lö kwo̧'wo̧ 'dibachibö Jesúsnö öpöjödadötjö lȩekwa jojodönö yöbawökönö kwö̧jitjö̧ma, babe ja̧köbaduwi̧tjö o̧penönö otiwo jö̧a̧lena.

1 Tesalonicenses 5:15

Ja̧danö, ökwödönö sulabe baibenama, kwite'ada̧laduwo, ökwödötjö bakwo̧bi balekwa mikwa sulabenö ja̧apji jö̧ba̧lö. Kabatökönö otiwanö ja̧bö kwö̧jaduwobö kwisakwaduwo, kwömöledöduwi Jesúsnö ösödadönöbi, ju'wedö jojodönöbi.

Hebreos 12:4

Ja̧danö chömöledö, yötawaduwakwö. Ökwödöma Jesús usula emawi̧danö usula kwemawinaduwokobe. Chömöledö, Jesúsma Diosnö o̧'wo̧ wana̧lö ö̧jiawö̧ jo̧banö kwabö lotjinobe. Jo̧kwaijayonö ökwödö Diosnö kwo̧'wo̧ kwöwana̧laduwijayonö ina kwabö lotjinokobe. Jo̧kwaobetjö̧ kwomukwataduwoko, ¡Ayö, sula, usula emawakwawawe! jö̧ba̧lö. Chömöledö, labi̧ jawa ökwödönö baledena tupakwö kwi̧'yaduwo, kwo̧'wo̧ luwo̧duwinö juluwachibanö.

Santiago 5:6

Ja̧danö, ökwödö juna̧ladöma yelösöda sulabenö omukwatö ja̧köbinaduwobe ju'wedönö, ökwödönö sulabenö omukwatöködönöma. Ja̧danö, jobadö otiwanö omukwatö ju̧kwadönö jwökeba̧linaduwobe böjȩnö lȩbebö yöbawo̧nöma, Sulabenö ja̧tjinobe, jö̧ba̧lö. Ja̧danö, ju'wedönö kwabö lotjobö weköbinaduwobe. Isabenö, ökwödö sulabenö ja̧badöma, sulabenö ja̧böködönö kwabö loköbinaduwobe. Biya̧da yötawa ökwödö juna̧ladönöma. A̧ja̧kwaduwitjö. Isabenö, ju'wi möle usula kwemaduwakwedöja.

1 Pedro 3:9

Ju'wedö ökwödönö sulabenö ja̧tjenama, balekwa mikwa sulabenöma ja̧köbaduwoko, ja̧danö ökwödönö sulabenö yötja̧lenama, balekwa mikwa jobadönö sulabenöma kwatadaduwoko. Jau chömöledö, jobadönö balekwa mikwa sulabenöma ja̧bökönö, Diosnö akebaduwo, jobadönö pjaatobö. Jau chömöledö, Diosma ökwödönö jwöinobe, okwödönö dösölö̧jinö pjaatobö, ja̧danö Dios ökwödönö jejenö pjaatobetjö̧, ja̧ omukwatö ju'wedönö pjabatö Diosnö akebaduwobö jo̧be.