Mateo 27:38 - Dios Iwene

³⁸ Ja̧danö Jesúskwö, ju'wedö naukwabidö du̧ju̧tajanöbi bȩbö tjöninobe, bakwo̧ Jesús öwaisobekwöchobe, ja̧danö jelo̧ Jesús wajwiobekwöchobe.

Mateo 27:38 ပူးပေါင်းရင်းမြစ်များ

Isaías 53:12

Jo̧kwajabetjö̧ ba̧jȩkwadönö jo̧banö chiyakwo̧sa, ömöayedö batjibanö. Ja̧danö juluwajo̧, inesö juluwadönö emakwo̧, iteda ömöayedö batjibanö. Jobekwö chiyocha chömöayo̧nö, öpöjödökönö, jo̧banö kwabö lotjobö iyawinobetjö̧. Jo̧banö tjomukwatinobe, —Bitebi Dios wei̧ a̧ja̧kwöködötjö bakwo̧, —jö̧ba̧lö, jo̧kwaijayonö jo̧bama ba̧jȩkwadö tjusula emawinobe, ja̧danö weti̧ a̧ja̧kwöködönö pjabatö aebinobe, jobadö tjö̧jibobö, jö̧ba̧lö yöa̧lobe Diosma, iteda ömöayo̧nö.

Mateo 27:37

Jesús uu wame wȩyukwöte bȩbebö tjöninobe: —Bite Jesúsma, judío jojodö la'aka tjuluwo̧obetjö̧, towisa'onö bȩbö dönökwe— jö̧ba̧lö.

Mateo 27:39

Jojodö jobe baledadöma Jesúsnö sulabenö obö tjuu löwö löwö ja̧bö Jesúsnö yötja̧linobe:

Mateo 27:44

Ja̧danö Jesús ipjeanö bȩbö tjujunaja̧wö̧ naukwabidöma ju'wedö Jesúsnö otjidanö jobadöbi Jesúsnö obö yötja̧linobe.

Marcos 15:27

Ja̧danö, ju'wedö, du̧ju̧taja naukwakwawa jojodönöma, Jesús ipjeanö towisa'ijunö bȩbö junijadötö, jelo̧nöma Jesús öwaisobekwöchobe jelo̧nöma wajwiobekwöchobe. Jejenö damötjö Dios yöawi̧ yöbawo̧ iwȩyudinadanö baledijetö, baikwö: Jojodöma jo̧banöma tjomukwatakobe, Itema sulabedödanö ichejekwo̧, jö̧ba̧lö.

Lucas 22:37

Jau chömöledö, ja̧ jawa isabenö kwekataduwobö ja̧kobe babema, juluwanö damötjö ötjönö tjiwȩyudina jawa badekwachakobetjö̧. Jau chömöledö, Dios iwene damötjö tjiwȩyudinama baikwö laebobe: Ja̧danö, jo̧banö öpöjödö lȩtjebinobe, Bitebi sulabenö ja̧bo̧ ju'wedö sulabenö ja̧badödanö, jö̧ba̧lö, laebobe, ja̧danö ja̧ ötjönö tjiwȩyudinama badekwachakobe. Jau chömöledö, okobe jwiinö ötjönö tjiwȩyudinadanö badekwachakobe, ja̧danö ja̧ tjiwȩyudinabi badekwachakobe, jo̧kwajabetjö̧ babema yöta̧laja̧danö kwekataduwobö jo̧be— jö̧ba̧lö yöawinobe Jesúsma.

Juan 19:18

Jobetjö Jesúsnö ösötenö bȩbajadö a̧lapedö tjujuninobe. Ja̧danö ju'wedönöbi, dujutajanö bȩbajadö a̧lapedö tjujuninobe. Jelo̧nöma Jesús öwaisobekwöchobe jelo̧nöma wajwiobekwöchobe bȩbajadö a̧lapedö tjujuninobe.