Mateo 27:35 - Dios Iwene

³⁵ Ikenama Jesúsnö towisa'onö bȩbö tjöninobe, ja̧danö nönajadö inawiya pjei̧ öwiya ikwawö alewö ja̧tjinobe, Jesús ökamijido̧ ti emojobö jö̧ba̧lö tjalewinobe.

Mateo 27:35 ပူးပေါင်းရင်းမြစ်များ

Lucas 23:34

Jejenö bȩtjiökwe, Jesúsma Diosnö aebinobe: —Chabe'do, bidö ötjönö bȩtji̧ omukwatökönö kwösödodönö, ja̧tji̧ma wajwibö sulabenö ja̧tjobetjö̧— jö̧ba̧lö. Ja̧danö, Jesúsnö towisa'onö bȩbajadö, guardia jojodöma inawiya pjei̧ öwiya ikwawö alewö ja̧tjinobe, Jesús ökamijido̧ ti emojobö jö̧ba̧lö tjalewinobe.

Juan 20:20

Jejenö jö̧a̧laja̧ ikena jobadönö i̧sekwinobe ömamijunö bȩtjinabi, ometupanö dotjinabi. Ja̧ edinö waisachibö tjo̧'wo̧ ösöwanö tjösödinobe, Duluwo̧ja, jö̧ba̧lö.

Juan 20:25

Ömöledöma jo̧banö, Jesúsnö dedijatö, jö̧ba̧lö, yötjawiökwe: —Ötjöma wajwita. Jo̧ba ömamiju, bȩtjinemida edö, jemi chötö'a 'yutebö cheditjö̧da, Jo̧bada, jö̧ta̧lena. Ja̧danö, ometupa doinemi chömamunö 'dawebö cheditjö̧da, Jo̧bada, jö̧ta̧lena— jö̧a̧linobe Tomásma.

Juan 20:27

Ikenama Tomásnö jö̧a̧linobe: —Tomás chömamijunö bȩtjina kwötö'anö 'yutebö edi. Ötjödasa. Ja̧danö, chometupanö dotjinabi 'dawebö edi. Ötjödasa. Ja̧danö, omukwatökönuwi, Jesúsma deobe, ö'wöchinena, jö̧ba̧lö. Jejenöma omukwatökönö, Jesús ina 'yaba̧lo̧, jö̧ba̧lö, jweinö omukwati, Tomás— jö̧a̧linobe Jesúsma Tomásnö.

Hechos 2:23

Ina yöbawijetö: —Ökwödöma sulabedönö weköbaduwijatö ösötenö bȩtjobö Jesúsnöma, ö'wöchinö baibanö. Ja̧ weköbinaduwima Diosma la'akatjöda waisijetö. Diosma la'akatjöda Jesúsnö baledakwa̧ waisö, omukwatö junijetö Jesúsnöma.

Hechos 4:10

Jejenö akebaduwitjö̧ yötawa ökwödönöbi, okobe deinö israel jojodönöbi kwöwaisachibaduwobö. Jesucristo, Nazaretnö da̧peachina ujulunöda otiwanö baibinobe jo̧ba kwebachö̧kö̧nöma. Ökwödö bȩbö tjujunobö weköbaduwinökwe ö'wöchajo̧ yemidanö 'yabibajina, jo̧ba ujulunöda baibinobe— atadijetö—.