Mateo 27:22 - Dios Iwene

²² Tjatadökwe: —¿Jo̧kwajabetjö̧ dakwö ja̧takwa̧da bite Jesucristo ötjabökwenö?— jö̧ba̧lö Pilato abebö a̧ja̧kwinobe. Aebawö̧, okobe deinö tjatadinobe: —Towisa'onö bȩbö kwabö loköbonö— jö̧ba̧lö.

Mateo 27:22 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 31:31

—Isabenö otiwanö pjabato̧sa jojodönö chömöledö. Isabenö sulabenö pjabatökönö chöjinatjö̧ma, chömöayedöma yötjawobö jȩna, –Sulabenö pjabatö̧kö̧ Jobma, –jö̧ba̧lö. Jo̧kwaijayonö otiwanö pjatatinada edinadö chömöayedöma, ja̧danö yötjawobö jo̧be, –Dululuwo̧ Jobma isabenö otiwanö jojodönö pjabatö jo̧, –jö̧ba̧lö. Jau, jelobetjö ichajadö chejube tjichibenama, la'akatjöda a̧petutjöda tjabobö webö̧kö̧sa, ba̧kwelöjatebö jobadönö tebato̧sa, chejunö otiwanö tjabobö. Ja̧danö la'akatjöda chu̧kwa kwakwawa a̧'dȩlö̧kö̧sa, okobe deinö jojodönö a̧'dȩlökönö iyo̧sa, otiwanö tjukwobö, chömöayedöbi ja̧ wene edö waisadö chömöledö.

Isaías 49:7

Isabenö Jo̧, Israel jojodönö tjöbeba̧lö pjabato̧, tjösödökwe suli̧ jwibo̧ma, baikwö yöa̧lobe tjitebotenia jojodö tjöpöjödökwe, ajayinö mikwawö̧kö̧ jö̧ba̧lö tjomukwatökwe la'aka luwedö tjö̧möayo̧nö: Ötjö ba̧kwelöjatebö yötawi̧danö ja̧bö jo̧ Isabenö Jo̧, Israel jojodö tjösödökwe Suli̧ Jwibo̧ Diosma ökwönö omudawö chujuninökweja, ötjöda chömöayo̧ bakibanö. Jo̧kwajabetjö̧, ju'winö inesö la'aka luwedöma ökwönö edö, kwöba a'o a̧la̧ibö tjöjamatakwedö, –Ökwöma mikwawo̧ja, –jö̧ba̧lö, ja̧danö ju'wedö luwedö kwöba a'o bȩbachibö tjö̧jakwedö, jö̧ba̧lö yöa̧lobe Diosma, iteda ömöayo̧nö.

Mateo 1:16

Jacobma José mikwo̧ abe'doinobe, ja̧danö Joséma María mikwujunö eminobe, ilekwo bajibanö. Jobuju Maríama jitji̧ Jesúsnö jeminobe, ja̧danö Jesúsma, Cristo jö̧ba̧lö ötjabökwe, Dios weakwo̧ jö̧a̧linökwe jö̧ba̧lö.

Mateo 27:17

Pilatoma Jesúsnö öwaisinobe, sulabenöma ja̧binö̧kö̧ jö̧ba̧lö, sule judío jojodö tjuluwedö tjo̧'wo̧ sulinö tjedökwe jö̧ba̧lö. Jo̧kwajabetjö̧, ka̧lena ba̧jadötjö bakwo̧nö atjebobö jojodö tjoko̧ko̧kwachenama, Pilatoma jobadönö abebö a̧ja̧kwinobe: —¿Ditenö ejatö latebobö kwösödaduwobeda, Barrabásnöena, Jesús Dios weakwo̧ jö̧a̧linökwe ötjabökwenöena?— jö̧ba̧lö.

Mateo 27:21

Jo̧kwajabetjö̧ Pilato yemidanö ditenö ejatö latebakwa̧da jö̧ba̧lö aebenama: —Barrabásnö ejatö labebi— jö̧ba̧lö tjatadinobe.

Mateo 27:23

Yötja̧lökwe, Pilatoma abebö a̧ja̧kwinobe: —¿Tajawedö jo̧banö towisa'onö bȩtjobö? ¿Taji sulabenö ja̧aja̧da?— jö̧ba̧lö. Jo̧kwaijayonö atadökönö ajayitjö bajalekwönönö labinö jwötjeba̧linobe: —Towisa'onö bȩbinö— jö̧ba̧lö jwötjeba̧linobe.

Marcos 14:55

Ja̧danö, jeju okwatjö Diostjö jojodötjö ö'weje pjabatadö tjuluwedöma ju'wedö judío jojodö tjuluwedökwö jojodönö abeba̧lakwawijadötö. Jesúsnö kwabö loawa wetjotö jö̧ba̧lö, abeba̧lakwawijadötö, jelo̧nöbi, jelo̧nöbi. Isakwijadötö Jesúsnö jwöbeba̧ladönö, Jo̧ba Jesús sulabenö ja̧bo̧, jö̧ba̧lö, jwöbeba̧ladönö. Jejenö jwöbeba̧ladö tjö̧jijayonö jwötjeba̧li̧ma waekwijetö.

Juan 4:25

Ikenama, jobujuma jö̧ja̧linobe Jesúsnö: —Ötjöma chöwaisa, Dios weakobe dö̧jibinö otido̧nö, jö̧ba̧lö. Jo̧ba, Dios weakwo̧ma ichakobe. Jo̧bama Cristo, jö̧ba̧lö, ötjabökwe. Jo̧ba ichenama okobe jwiinö i̧sebakobe ökwödö döwaisachibanö— jö̧ja̧linobe.

Hechos 13:28

Jau, jobadöma, Jerusalénnö ju̧kwadöma, Jesús woo jö̧ba̧löma jwiijayonö Pilatonö abebijadötö, Jesúsnö kwabö loköbaduwo, jö̧ba̧lö.

Hechos 13:38

Jweinö yöta̧la chömöledö, kwöwaisachibaduwobö. Jo̧bada, Dios yemidanö tjeachajinö ja̧inökweda jojodö tjo̧'wo̧ luwo̧nö tjusuli̧ söbebö lobo̧ma— yöbawijetö Pabloma.