Mateo 26:17 - Dios Iwene

¹⁷ Pan ye'yeachökö kwakwawa pjiesta abönö möle baibenama, Jesús öba̧ja̧di̧ waisachadö ichö jo̧banö abebö tja̧ja̧kwinobe: —Duluwo̧, ¿detjö dotidakwa̧da, Dios mönö öbaledina omukwatö pjiesta dukwakwa̧ jawama?— jö̧ba̧lö.

Mateo 26:17 ပူးပေါင်းရင်းမြစ်များ

Éxodo 12:6

Jobadö 'da̧batö kwujunaja̧duwawö̧ma ö̧dö̧lö̧jinö kwite'ada̧laduwo 'da̧batö kwujunaduwemi möletjö̧ a̧li̧tjö̧samutjö̧ ö'wejemu möle baibenanö. Ja̧ möle yi̧bena baibena okobe deinö Israel jojodö yöne kwömöledökwenama kukwaduwakwawö̧nö kwabö, tjö̧kwö̧la̧ 'wibebö loköbaduwo.

Mateo 26:16

Jo̧kwajabetjö̧, jemi tupakwö Judasma omukwatö isakwinobe, ¿dianö Jesúsnö jobadönö iyö lotakwa̧jö? jö̧ba̧lö.

Mateo 26:19

Jesús öba̧ja̧di̧ waisachadöma Jesús weaja̧danö ja̧tjinobe, ja̧danö Dios mönö öbaledina omukwatö pjiesta kwakwawa tjukwakwa̧ tjotidinobe.

Mateo 3:15

Jejenö aebökwe, Jesúsma atadinobe: —Diosma ötjönöbi ojwenö bu̧datakwawa weobe, jo̧kwajabetjö̧ ötjönöbi ojwenö kwubu̧datobö jo̧be, okobe jwiinö Dios wei̧danö ja̧dobö— jö̧ba̧lö atadinobe Jesúsma. Jejenö atadökwe, Jesúsnö ojwenö ubu̧datinobe Juanma.