Mateo 25:43 - Dios Iwene

⁴³ ja̧danö jelobetjö chichenama, kwejuduwinö tekatinaduwokobe, ja̧danö kamijido̧ jwibö chö̧jenama, 'dukatinaduwokobe, ja̧danö chö'wöchenabi, ka̧lena chö̧benabi ötjönö kwite'ada̧linaduwokobe, jö̧ba̧lö.

Mateo 25:43 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 31:19

—Ju'wibi, usulasedö kamisi jwibö, tiyuwi̧tjö tjime'dawobe edajo̧, ja̧danö usulaso̧ wamesa̧do̧ jwibö ö̧ji̧ edajo̧,

Mateo 25:36

ja̧danö kamijido̧ jwibö chö̧jenama, ötjönö kamijido̧ 'dukatinaduwobe, ja̧danö chö'wöchenama, ötjönö kwite'ada̧linaduwobe, ja̧danö ka̧lena chö̧benama, ötjönö edö kwichinaduwobe, jö̧ba̧lö.

Mateo 25:42

Ökwödöma ötjönö pjabatinöködöja. A̧wi̧chi̧lö̧jökwe chö̧jenama, kwakwawa kwiyinaduwokobe, ja̧danö ojwiyo o̧ti̧ tjötenama, chowoböma kwiyinaduwokobe,

Mateo 25:44

Jö̧ta̧lawö̧, tjatadakwedö: Duluwo̧, ¿dianö ökwönöma a̧wi̧chi̧lö̧jökwenö edöma pjadatinöködaja? Ja̧danö, ¿dianö ökwönöma ojwiyo o̧ti̧ tjököbobe edöma pjadatinöködaja? Ja̧danö, ¿dianö ökwönöma jelobetjö ichajo̧, ja̧danö kamijido̧ jwibo̧, ja̧danö ö'wöcho̧, ja̧danö ka̧lena bo̧nö edöma pjadatinöködaja? jö̧ba̧lö.

Hechos 15:36

Ikenama obukwobeda lekwina ikena Pabloma jö̧ba̧lijetö Bernabénö: —Ajayinö yödawinobekwö dedajo, jobe ju̧kwadö Jesúsnö ösödadönö otiwanö tjuju̧kwojobö—jö̧ba̧lijetö Pabloma.

Hebreos 13:2

Ja̧danö, jelobetjö ichadönöma otiwanö te'ada̧lö tekataduwo, tjukwa iyö, tjabemibi webö. Ja̧danö damötjö ji̧nadötjö ju'wedöma, Jojodönöda pjabatö tedata, jö̧ba̧lö, tjomukwatijayonö ángelesdönöda tjetjatinobe. Jo̧kwaobetjö̧ chömöledö, Bidö jelobetjö ichadönö pjadatawö̧ma ángelesdöena, jö̧ba̧lö, otiwanö pjabatö kwite'ada̧laduwo.

Hebreos 13:3

Ja̧danö, kwö̧ja̧wo̧döduwi ka̧lena ba̧kwawejunö ba̧jadönö pjakataduwo. Jobadönö kwo̧'wo̧duwi tjo̧bekwö edö, Ökwödöbi domajade okwanö jobadökwö bakobe usula emawö tjö̧baji̧danö ka̧lena ba̧kwawejunö ba̧jadösa, jö̧ba̧lö. Ja̧danö, ju'wedö usula emawadönöbi jejenö kwomukwataduwo, Jobadökwö bakobe usula tjemawi̧danö usula emawadösa domajade okwanö, jö̧ba̧lö. Chömöledö, ökwödöbi jojodököbaduwobetjö̧ kwöwaisaduwa, ja̧ usula emawakwawama jwiinö nii̧, jö̧ba̧lö.

Jueces 19:15

Jo̧kwajabetjö̧, yi̧ibobetjö̧, Guibea comunidad tebachö, jojodö ö'wachö tjö̧ba̧jemi ichibö tjö̧bamatinobe. Ja̧danö, jojodö tjöba a'o tjöbaledijayonö, bakwo̧bi a̧debinokobe, eju tebachö tjabobö.