Mateo 19:14 - Dios Iwene

¹⁴ Jejenö wetjiökwe, Jesúsma öpöjödinobe, ja̧danö weinobe: —¡Tjökeba̧laduwa! Tjemuma wainö chö̧jobekwö tjichakwedö. Jau chömöledö, tjemu tjomukwati̧danö omukwatadöda Dios la'aka luwo̧ ö̧jena tjö̧jakwedö, jo̧kwajabetjö̧ tjichoko jö̧ba̧lö webökönaduwi— jö̧ba̧lö.

Mateo 19:14 ပူးပေါင်းရင်းမြစ်များ

Génesis 21:4

Ja̧danö, itji̧nö jemaja̧ tupakwö jelemutjö wa̧pötakwa möle baledibajena Abrahamma itji̧ ötade bajale sa̧do̧ 'wibebö lobijetö, Dios weinadanö.

Mateo 11:25

Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.

Mateo 18:3

Jejenö junajo̧, jojodönö yöawinobe: —Isabenö yötawaduwakwö, kwomukwataduwi̧ balewachö, bidö tjemu tjomukwati̧danö omukwatadö bakibaduwökötjö̧ma, la'akatjöda Dios la'aka luwo̧ ö̧jakwa̧ tekachaduwökena.

Mateo 19:15

Ja̧danö, Jesúsma tjemunö ömamu 'bibeba̧lö, Diosnö aebinobe jobadönö. Ikenama, jobetjö laebinobe Jesúsma.

Mateo 5:10

Otiwanö ja̧bö tjö̧jobetjö̧ ju'wedö usula tjemawinö ja̧tjawö̧ma, isabenö tjo̧'wo̧ ösöwanö tjö̧jakwedö, Dios la'aka luwo̧ ö̧jakwa̧ tjö̧jakobetjö̧— jö̧ba̧lö yöawinobe Jesúsma.

Mateo 5:3

—Do̧'wo̧ luwo̧nö usulasedösa jö̧ba̧lö omukwatadöma, isabenö tjo̧'wo̧ ösöwanö tjö̧jakwedö, Dios la'aka luwo̧ ö̧jakwa̧ tjö̧jakobetjö̧.

Marcos 10:14

Jejenö jö̧tja̧liökwe Jesúsma öpöjödijetö. Jo̧bama tjemunö tjichejebi̧ma ösödobetjö̧ jö̧ba̧lijetö öba̧ja̧di̧ waisachadönö: —¿Tajawedö tjichejebökönö jö̧ka̧laduwa? Webaduwidönö chö̧jobekwö tjicho. Omukwataduwi. Tjemuma bakwayi̧da omukwatö Diosnö ösödö ichadö. Yöta̧laduwakwö: Dios La'aka Luwo̧ ö̧jobekwö tetjachakwedöma bidö tjemu Diosnö tjösödi̧danö ösödö ju̧kwadöda.

Marcos 10:15

Isabenö yöta̧laduwakwö: Bakwo̧, tjemu Diosnö tjösödi̧danö ösödö jö̧kö̧ma, Dios La'aka Luwo̧ ö̧jobekwö teachökakwo̧—jö̧ba̧lijetö Jesúsma iteda öba̧ja̧di̧ waisachadönöma.

1 Corintios 14:20

Chömöledö, biya̧ yötawaja̧ jawa wajwibö kwomukwataduwa, tjemu wajwitji̧danö. Suli̧ jawa wajwiköbaduwobö chösöda chömöledö, bakwainö otiwi̧da kwomukwataduwo jö̧ba̧lö, jo̧kwaijayonö biya̧ yötawaja̧ jawa tjo̧'wo̧ luwo̧nö da̧peachadö tjomukwati̧danö jweinö kwomukwataduwobö chösöda.

Jueces 13:7

Jo̧kwaijayonö yöawi̧ma baikwö yöawatö, –Metu'wo babibaju, kwitji̧nö kwemakwujuja, Dios wei̧ otidobö 'da̧batö junawökwenö, jo̧kwajabetjö̧ ubasobu o̧'do̧bubi, ju'wi 'dukwachinö owawabi owökönui, ja̧danö yȩekwi̧ ji̧ kwakwawa jawa kwökönui, —jö̧ba̧lö yöjawinobe jilekwenö.

1 Samuel 1:11

Ja̧danö Diosnö abebö isabenö ja̧jakwa̧ wene yöbawö jujuninobe, baikwö: —Chuluwo̧ Isabenö Jo̧ okobe jwiinö juluwo̧ Dios, usula chemawi̧ kwedobö atebakwö, ja̧danö usula chemawi̧ omukwatö, chitji̧nö 'yatebobö atebakwö. Isabenö yöbawö chujunakwö, jejenö chitji̧nö 'yatebobö weköbitjö̧ma, kwiyajökwenö 'da̧batö chujunocha, ba̧kwȩlöjatebö ina 'ya̧alayi ökwö weköbi̧da otido̧ baibanö, ja̧danö ökwöda weköbi̧ otido̧ ö̧jakobetjö̧, öwö'ye la'akatjöda 'witjökakwo̧, —jö̧ba̧lö ajebinobe Anama Isabenö Jo̧nö .

1 Samuel 1:22

Jo̧kwaijayonö, ju'wedö tji̧'yonö, Anama ji̧'yinokobe. Jilekwenö baikwö yöja̧linobe: —Ina chitji̧nö öbibö chi̧'yökö, ina tjemu o̧do̧'bi̧ owobetjö̧. Tupakwöda, o̧do̧'bi 'dötebaja̧ ikenada chi̧'yocha. Jemi ikenama, o̧do̧'bi̧ 'dötebaja̧ ikena, chitji̧nö öbibö chi̧'yocha, Isabenö Jo̧ öba a'otjö yötawinadanö chujunobö, ja̧danö jobe ja̧nö, ba̧kwelöjatebö Dios öba a'o ö̧jobö.

1 Samuel 1:24

Ja̧danö, o̧do̧'bi̧ 'döjebaja̧ ikena, yemidanö Diosnö iyö tji̧'yena, yöja̧linadanö Anama jitji̧ ina ja'yuwo̧nö öbibö ji̧'yinobe Isabenö Jo̧ ejube Silo Comunidadbe. Ju'wibi pakayaso̧ wapötakwa o̧ba junalo̧nöbi öbibö, tuda'wo nueve kilo harinaso̧pjasa'wobi e'ewö, ubasobu o̧'do̧busapja̧bi e'ewö tji̧'yinobe.

1 Samuel 2:18

Samuelma, ina tjemu bo̧, Dios öba a'otjö otidö ö̧jinobe, tjö'da̧de pjabatadö 'dutjawi̧danö pjewö̧ka̧do̧ linotjö otikwa̧do̧ otiwa̧do 'dubawö.