Mateo 18:33 - Dios Iwene

³³ ja̧danö ökwöma bakwainö ökwönö musido̧nö lȩlö̧jinö kwedo jö̧ka̧lajabe, ökwönö lȩlö̧jinö chedaja̧danö.

Mateo 18:33 ပူးပေါင်းရင်းမြစ်များ

Mateo 18:32

Yötjawökwe, la'aka luwo̧ma ömöayo̧nö jwöinobe, ichobö. Ichajo̧nö la'aka luwo̧ma yöawinobe: ¡Ökwöma isabenö chömöayedötjö mikwawö̧kö̧ja! jö̧ba̧lö. Ötjönö akebobetjö̧, okobe jwiinö kwumusidina söbebö lotatö,

Mateo 18:34

Ja̧danö, jwiinö dameakwö, la'aka luwo̧ma jo̧ba ömöayo̧bajo̧nö weinobe, ka̧lena ö̧bobö, okobe jwiinö umusidi̧ imidenanö kabatö— jö̧ba̧lö wanedö yöawinobe Jesúsma.

Mateo 5:7

Jojodönö lȩlö̧jinö edadöma, isabenö tjo̧'wo̧ ösöwanö tjö̧jakwedö, Diosma jobadönö lȩlö̧jinö edakobetjö̧.

Mateo 6:12

Ja̧danö, ökwödönö sulabenö ja̧bajadö sulabenö ja̧tjaja̧ omukwatökönö, jobadönö dösödi̧danö, sulabenö ja̧daja̧ omukwatökönö kwösödo ökwödönö.

Efesios 4:32

Chömöledö, kwömöledöduwinö otiwanö ja̧böda ja̧duwi. Kwömöledöduwinö ösödöda ja̧duwi. Jau chömöledö, Diosma ökwödö kwusuladuwi̧ omukwatökönö söbebö loinobe ¿jö̧tö? Ja̧danö, ökwödöbi kwömöledöduwi sulabenö ja̧tji̧ma kwomukwataduwoko, kwo̧'wo̧ söbibö ju̧kwö.

Colosenses 3:13

Kwömöledöduwi ja̧tji̧ma öpöjödökönö kwo̧'wo̧ 'dibachibö kwö̧jaduwo, ja̧danö ökwödönö sulabenö ja̧tji̧ma, kwo̧'wo̧ 'dibachibö dameakwökönö ja̧nö, ja̧tji̧ omukwatökönö kwösödaduwodönö. Jau chömöledö, ökwödönö ösödö Duluwo̧ma ökwödö sulabenö ja̧di̧ söbebö loinobe, ja̧danö ökwödöbi kwömöledöduwinö ösödö, ökwödönö sulabenö ja̧tji̧ omukwatökönö kwösödaduwodönö.