Mateo 18:31 - Dios Iwene

³¹ Jejenö baledobe edö, ju'wedö la'aka luwo̧ ömöayedöma tjo̧'wo̧ tjo̧achinobe, ja̧danö la'aka luwo̧nö yötjawinobe, Umusidi̧ söbebö loköbajökwema, jelo̧nö lȩlö̧jinöma edokobe, jö̧ba̧lö.

Mateo 18:31 ပူးပေါင်းရင်းမြစ်များ

Génesis 37:2

Baikwö laeba Jacob, Jacob i̧tji̧mu jobe Canaán nijinö tjö̧jinama: Jacob itji̧ José, diecisiete a̧yo bo̧ma abe'do a̧jwi̧mu o̧bȩja̧dönö, chi̧wo̧dönö te'ada̧lö otidijetö öpöedökwö, jobadönö pjabatö. Jobadö öpöedöma abe'do ömöayedö, tjilekwamu batjibanö eminadö Bilhá, Zilpa tji̧tji̧mu. Ja̧danö ju'wikwenama Joséma öpöedö sulabenö ja̧tja̧ja̧ yöbawijetö abe'donö.

Mateo 14:9

Jejenö ajebökwe, Herodesma o̧'wo̧ tjo̧achinobe, jo̧kwaijayonö pjiesta junadö tjöba a'otjö jobujunö yöbawö ujunajobetjö̧, ajebi̧danö ja̧bö weinobe,

Mateo 18:28

Ikenama, umusidi̧ söbebö loajökwema uluwo̧ ö̧jelö labebajo̧, iteda uluwo̧ ömöayedötjö jelo̧nö edinobe, umusidi̧ söbebö loajökwenö ja'yubeda balada musido̧nö. Jo̧banö edö, do̧atinobe, ja̧danö u̧lume'anö do̧batö, Babeda ötjönö kwumusidi̧ miditjö, jö̧ba̧lö weinobe uluwo̧ umusidi̧ söbebö loajökwema.

Mateo 18:30

Jejenö aebijayonö, öpöjödinobe, ja̧danö lȩlö̧jinö edökönö, jo̧banö ka̧lena tjödobö weinobe, okobe jwiinö imidenanö kabatö.

Mateo 18:32

Yötjawökwe, la'aka luwo̧ma ömöayo̧nö jwöinobe, ichobö. Ichajo̧nö la'aka luwo̧ma yöawinobe: ¡Ökwöma isabenö chömöayedötjö mikwawö̧kö̧ja! jö̧ba̧lö. Ötjönö akebobetjö̧, okobe jwiinö kwumusidina söbebö lotatö,

Marcos 3:5

Jesúsma jobadönö edö laböbi labijetö. O̧'wo̧ tjo̧bekwöbi o̧'wo̧ tjo̧bekwijetö, Bidöma yelösöda tjuu 'dibadö, jö̧ba̧lö. Ikenama webijetö ömamu 'wabo̧nö: —Kwömamu debati— webijetö. Jejenö weökwe, ömamu 'wabo̧ma ömamu deatemi otiwanö babibijetö.

Lucas 14:21

Jejenö yötja̧liökwe, pjiesta luwo̧ ömöayo̧ma uluwo̧nö yöbawö ȩwa̧jinobe, ja̧danö tjichajiökökwe, ödameakwinobe ichajöködönö. Ja̧danö, pjiesta luwo̧ma iteda ömöayo̧nö weinobe: Juluwanö comunidad bakwameachibanö 'ya̧wi, ja̧danö jobetjö usula jojodönöbi, kwebachöködönöbi, tjöbajale tjewawadönöbi, 'wabadönöbi öbibö kwichejebo, jobadöda pjiesta tjukwobö, jö̧ba̧lö.

Lucas 19:41

Ja̧danö, Jerusalén comunidad yöneawobe ichibö, comunidad edenama, Jesúsma Jerusalénnö ju̧kwadönö o̧'wo̧ tjo̧achö ubudekwinobe, baikwö yöba̧lö:

Romanos 12:15

Ja̧danö ju'wedö tjo̧'wo̧ ösöwanö tjö̧jenama, jobadökwö kwo̧'wo̧ ösöwanö ösödö kwö̧jaduwo, ja̧danö ju'wedö o̧'wo̧ tjo̧achö tjubudekwenama, jobadökwö kwubudekwaduwo.

2 Corintios 11:21

Jejenö ökwödönö sulabenö ja̧badönö ösödadöja chömöledö, ja̧danö jobadö ja̧tji̧danö ja̧awa isabenö otiwitjö̧ma, tabakwö yöta̧lo jö̧ta̧lena, jobadötjö baikwönönöbo̧sa jö̧ba̧lö. Jau chömöledö, jobadö ja̧tji̧danö isabenö otiwitjö̧ma, otiwanö yöbawo̧ chö̧joböma jwitena, ötjöma jejenö ökwödönö sulabenö ja̧tobö jwitobetjö̧, ja̧danö sulabenö yöbawo̧sa jö̧ba̧lö tabakwö chö̧jo jö̧ta̧lena, ¿jö̧tö? Jo̧kwaijayonö, jobadö ja̧tji̧danö ja̧awama otiwökö chömöledö, jo̧kwajabetjö̧ taba jwiinö yötawaduwakwö, isabenö otiwanö yöbawo̧sa̧ jö̧ba̧lö chömöledö. Chömöledö, isabenö yötawi̧ kwa̧ja̧kwaduwobö jo̧be, yötawi̧ma isabenö nöinö mikwawobetjö̧. Ötjöma isabenö ökwödönö yöbawadötjö ja'yubebi baikwönönöbö̧kö̧sa chömöledö, baikwö yötawa: Jobadötjö bakwo̧ ju'wijayetjö, Aaa, otiwo̧sa jö̧a̧lobö jö̧a̧litjö̧ma, wame jawa omukwatadö yötja̧li̧danö ötjöbi jejenö yöta̧locha, ötjöbi bakwainö otiwo̧sa jö̧ba̧lö. Jau chömöledö, kwomukwataduwobö ötjöbi jobadö yötja̧li̧danö wame jawa yöba̧lö yöta̧locha, otiwo̧sa jö̧ba̧lö.

Hebreos 13:17

Ju'wi jawabi chömöledö. Dios iwene yöawakwawa jojodönö yötjawi̧ a̧ja̧kwö kwuju̧kwaduwo, Bidöma waisanö te'ada̧ladö do̧'wo̧ luwo̧nö da̧peachö di̧'yobö, jö̧ba̧lö. Chömöledö, bajaleapo möle baibena Diosma jobadönö yöawakobe, tjite'ada̧linawö̧nö otiwanö tjite'ada̧linojobö, otiwanö tjite'ada̧linokojobö, jö̧ba̧lö. Jo̧kwaobetjö̧ ökwödönö otiwanö te'ada̧lö pjatjatobö jö̧tja̧lobe. Jo̧kwaijayonö yötjawi̧ öpöjödö kwa̧ja̧kwaduwökötjö̧ma jobadö ökwödönö otiwanö pjatjatobö, kwöda̧peachaduwobö pjatjatoböma jwiena chömöledö. Jo̧kwaobetjö̧ jobadö yötjawi̧ a̧ja̧kwö kwuju̧kwaduwo chömöledö.

Hebreos 13:3

Ja̧danö, kwö̧ja̧wo̧döduwi ka̧lena ba̧kwawejunö ba̧jadönö pjakataduwo. Jobadönö kwo̧'wo̧duwi tjo̧bekwö edö, Ökwödöbi domajade okwanö jobadökwö bakobe usula emawö tjö̧baji̧danö ka̧lena ba̧kwawejunö ba̧jadösa, jö̧ba̧lö. Ja̧danö, ju'wedö usula emawadönöbi jejenö kwomukwataduwo, Jobadökwö bakobe usula tjemawi̧danö usula emawadösa domajade okwanö, jö̧ba̧lö. Chömöledö, ökwödöbi jojodököbaduwobetjö̧ kwöwaisaduwa, ja̧ usula emawakwawama jwiinö nii̧, jö̧ba̧lö.