Mateo 18:24 - Dios Iwene

²⁴ Ja̧danö, tjumusidi̧ jamatö ko̧ko̧dö ba̧ja̧dö edenama, jo̧ba ömöayedötjö bakwo̧ nöinö musido̧nö tjichejebinobe, ba̧ja̧dökenanö nöinö musido̧nö.

Mateo 18:24 ပူးပေါင်းရင်းမြစ်များ

Génesis 44:10

Jejenö jö̧tja̧lökwe: —Jau kwatjö̧ma, yöka̧laduwidanö. Jo̧kwaijayonö owawa'do̧ juna̧lo̧nö chöbadekwajitjö̧ma ötjö chömöayo̧ baibanö ö̧jakwo̧. Ökwödö ju'wedöma ȩwa̧jö kwuju̧kwibaduwakwedöja—jö̧ba̧lijetö José ömöayo̧ma.

1 Crónicas 29:7

Tjiyina wȩyukwa'yema, baikwö laebobe: Dios eju jawa otikwa baibanö, oro jawatjö ciento sesenta y cinco mil kilo jenanöbi, oro ö̧pibiya diez mil ö̧pibiyabi tjiyinobe, ja̧danö plata jawatjö, tresciento treinta mil kilo jenanö tjiyinobe, ja̧danö bronce jawatjö seiscientos mil kilos jenanö tjiyinobe, ja̧danö 'dii jawatjö tres millones trescientos mil kilos jenanö tjiyinobe.

Mateo 18:23

Jau chömöledö, baikwö wanedö yötawa Dios la'aka luwo̧ ö̧jakwa̧ jawama: Bakwo̧ la'aka luwo̧ ö̧jinobe, ja̧danö ju'wi möle iteda ömöayedötjö jo̧banö musidadö tjumusidi̧ tjimidobö weinobe.

Mateo 18:25

Jo̧bama umusidi̧ imidobö jwiinobe, jo̧kwajabetjö̧ la'aka luwo̧ma weinobe, jo̧banöbi, ilekwonöbi, i̧tji̧munöbi ju'wedö tjömöayedö batjibanö mikwanö iyö lotjobö, ja̧danö okobe jwiinö tjujuna̧li̧ iyö lotjobö, ja̧ baladanö tjumusidaja̧ma tjimidawobö.

Mateo 25:15

Jobadönö bakwo̧nökwena weinobe, tjotidobö tjöwaisi̧danö. Bakwo̧nö iteda emi̧ baladatjö oro ö̧pi̧biya cinco mil ö̧pi̧biya iyinobe, ite'ada̧lobö, ja̧danö jelo̧nö dos mil oro ö̧pi̧biya iyinobe, ja̧danö jelo̧nö mil oro ö̧pi̧biya iyinobe. Jejenö iyajo̧, jelobe kwebachö i̧'yinobe la'aka luwo̧ma.

Mateo 25:16

Jo̧ba ömöayedötjö cinco mil iyajökwema, ja̧ baladanö otidö midö eminobe, ja̧danö mikwanö iyinobe. Waisanö ja̧ baladanö otidobetjö̧, cinco milda ajayinö ujuna̧linatjö, diez mil baibanö otidinobe.

Mateo 25:20

Ja̧danö, cinco mil oro ö̧pi̧biya iyinökwema, ichö yöawinobe: Chuluwo̧, cinco mil ö̧pi̧biya kwiyinobe, ja̧danö edi, cinco mil kwiyinatjö, diez mil baibanö chotidajabe, jö̧ba̧lö.

Mateo 25:22

Ja̧danö dos mil iyinökwebi ichö uluwo̧nö yöawinobe: Chuluwo̧, dos mil oro ö̧pi̧biya kwiyinobe ötjönö, ja̧danö edi, dos milnö kwiyinatjö, cuatro mil baibanö chotidajabe, jö̧ba̧lö.

Mateo 25:24

Jemi ikenama mil iyinökwebi ichö, iteda uluwo̧nö yöawinobe: Chuluwo̧, ökwönö chöwaisijatö, isabenö labinö webo̧ja jö̧ba̧lö. Jau chuluwo̧, ökwönö chöwaisijatö, batjo kwotidinököyutjö, wa̧ji̧ emo̧ja jö̧ba̧lö, ja̧danö trigosade kwikwinököyutjö, trigo wa̧ji̧ emo̧ja jö̧ba̧lö chöwaisijatö.

Lucas 13:4

Ja̧danö, belö Jerusaléntjö a̧li̧nösamu jelemutjö wa̧medukwa jojodönö mösaka Siloé mikwakama kwaibinobe, ja̧danö jobadönö kwabö loinobe, ¿jö̧tö? ¿Tajawedö jobadönö kwaibinada chömöledö? ¿Ju'wedö Jerusalénnö ju̧kwadötjö bajalekwönönö sulabedötjobetjö̧ jejenö kwaibinaji̧ jakama? Sulabedötjinökötjö̧ma, ¿jejenö baledoko jö̧a̧linenaji̧?

Lucas 16:5

Ja̧danö, jejenö omukwatajo̧, uluwo̧nö musidadönö bakwo̧nökwena jwöinobe, tjichobö, ja̧danö jobadötjö abönö ichajo̧nö abebö a̧ja̧kwinobe: Chuluwo̧nö ¿dokwa nöinö kwumusidobeda? jö̧ba̧lö.

Lucas 16:7

Ikenama ikena musido̧nö abebö a̧ja̧kwinobe: ¿Dokwa nöinö chuluwo̧nö kwumusidobeda? jö̧ba̧lö. Abebö a̧ja̧kwökwe atadinobe: Ötjöma trigosa'wo ciennö tuda'wiju chumusidobe, jö̧ba̧lö. Atadökwe te'ada̧lakwawa luwo̧ma weinobe: Kwatjö̧ma kwumusiditjö ja'önöda söbebö lotakwö. Kwumusidi̧söjanö ochentada lödi, jö̧ba̧lö weinobe.