Mateo 17:20 - Dios Iwene

^20-21 Atjebökwe: —Ökwödöma otiwanö Dios ujulu kwösödaduwokobetjö̧ waekwadöja. Isabenö yötawaduwakwö, atebi̧danö ja̧obö isabenö juluwo̧ Diosma jö̧ba̧lö isabenö Dios ujulu kwösödaduwitjö̧ma, kwösödaduwi̧ ja'yuwijayonö, wanedö yötawa, mostazasade ja'yuwi̧danö kwösödaduwi̧ ja'yuwijayonö, jwaikwöda Dios yöawi̧ ösödö weköbaduwenama baibakobe. Ja̧danö, wanedö yötawa, bi'o mö'ösa'o weköbaduwena, yaikwö pjolachibi jö̧ba̧lö, ja̧danö pjolachibena. Jau chömöledö, isabenö atebi̧danö ja̧obö juluwo̧ Diosma jö̧ba̧lö otiwanö Dios ujulu kwösödaduwitjö̧ma, okobe jwiinö ja̧köbaduwobö kwujuluwaduwena— jö̧ba̧lö yöawinobe Jesúsma.

Mateo 17:20 ပူးပေါင်းရင်းမြစ်များ

Mateo 13:31

Jesúsma ju'wi wanedö yöawakwawabi yöawinobe, baikwö: —Baikwö wanedö yötawa Dios la'aka luwo̧ ö̧jakwa̧ jawama: Bakwo̧ batjo otido̧ma, mostaza ötjabi̧sade öbatjonö ödinobe.

Mateo 14:29

Yöa̧lökwe: —Jau, ichi— jö̧ba̧lö weinobe Jesúsma, jo̧kwajabetjö̧ Pedroma isowitjö labebö, o̧pesobu wamenö Jesús ö̧jobekwö otiwanö kwebachö i̧'yinobe.

Mateo 17:17

Jejenö yöa̧lökwe, Jesúsma yöa̧linobe: —Ökwödö babe möle ju̧kwadöma sulabenö omukwatadöja, ja̧danö Dios ujulu otiwanö ösödöködöja. ¿Dokwa lekwe ökwödökwö chö̧jakwa̧jö, otiwanö jweinö kwomukwataduwenanö kabatöma?— jö̧ba̧lö. Ikenama Jesúsma weinobe: —Tjemunö baikwö ichejebinö— jö̧ba̧lö.

Mateo 17:19

Ikenama, ju'wedö tja̧ja̧kwokonö Jesús öba̧ja̧di̧ waisachadöma ichö Jesúsnö abebö tja̧ja̧kwinobe: —Ökwödö o̧'wo̧ luwo̧nö sulabo̧nö a'dewö lodobö jö̧da̧laja̧ma, ¿tajawedö waekwaja̧da?— jö̧ba̧lö.

Mateo 17:9

Jemi ikenama, mö'ösa'obetjö yututjajenama, Jesúsma jobadönö weinobe: —Ja̧ kwedaduwaja̧ma, ju'wedönö yöbawökönaduwi, ötjö jojo baibanö jeminökwema wobajaletjö tjetachajenanö kabatö— jö̧ba̧lö.

Mateo 21:21

Atjebökwe, Jesúsma atadinobe: —Isabenö yötawaduwakwö chömöledö, Diosma isabenö atebi̧danö ja̧akwo̧ jö̧ba̧lö Dios ujulu ösödö, waekwena jö̧ba̧lö omukwatökönö Diosnö akebaduwitjö̧ma, towi kököbachibö woobö ja̧taja̧danö ja̧köbaduwena chömöledö, jo̧kwaijayonö ja̧damaökö. Jau chömöledö, jwaikwöda Dios ujulu ösödö bi'o mösa'o, Pjolachibö ojwe okwa babibi, jö̧ba̧lö weköbaduwitjö̧ma, weköbaduwaja̧danö baibakobe.

Mateo 8:26

Jejenö yötja̧lökwe, Jesúsma atadinobe: —¿Tajawedö Diosnö kwo̧'wo̧ wana̧lökönö yekabiduwobedaja̧?— jö̧ba̧lö. Ikenama, a̧laibö Jesúsma weinobe jwa̧lȩ'epjo yöachibobö, ja̧danö balawa loaja̧bi yöachibobö. Jejenö weenama, ja̧ jwiinö baibinobe, ja̧danö o̧pesobuma yöachibinobe.

Marcos 11:22

Ja̧danö, Jesús jö̧ba̧lijetö öba̧ja̧di̧ waisachadönöma: —Chömöledö, Diosnö kwo̧'wo̧ wana̧laduwi—jö̧ba̧lijetö—.

Marcos 11:23

Jejenö Diosnö kwo̧'wo̧ wana̧lö kwuju̧kwaduwo, Diosma okobe jwiinö juluwo̧, jö̧ba̧lö. Okobe jwiinö waiso̧, jö̧ba̧lö, omukwatö kwuju̧kwaduwo. Bakwo̧ jejenö omukwatö jo̧ma, Diosma okobe jwiinö waiso̧, okobe jwiinö juluwo̧, omukwatö jo̧ma Diosma pjaatakwo̧, aebi̧danö ja̧bö. Bakwo̧ jejenö omukwatö jo̧ma mö'ösa'o ja'oma 'ya̧nö ojwe nöödö okwa söibobö wei̧bi, Diosma jejenö baledinö ja̧akwo̧.

Marcos 4:31

Dios La'aka Luwo̧ ö̧jena tjuju̧kwi̧ma mostaza mikwi̧ okwa jawa odebiyadanö wanekwachobe. Böjȩnö ju̧kwi̧ma ja̧ jaye ödebiyama ju'wi ödebiyatjö o̧penönö pjei̧.

Marcos 9:23

Jejenö jö̧a̧lökwe Jesúsma jö̧ba̧lijetö: —¿Tajawedö jejenö jö̧ka̧la, Kwöwaisitjö̧ma, jö̧ba̧lö? Wajwiena, jö̧ba̧lö, ¿kwomukwatiji̧? A̧ja̧kwitjö, bakwo̧ ötjönö o̧'wo̧ wana̧lo̧ma baikwö waisachibo̧: Jesúsma okobe jwiinö jo̧banö atebi̧ma, isabenö atebi̧danö ja̧awa waiso̧, jö̧ba̧lö, waisachibo̧—jö̧ba̧lijetö Jesúsma.

Lucas 1:37

Jau María, ¿dakwö chitji̧nö chemoböjö? jö̧ba̧lö wajwiköbijayonö, omukwatökönuwi, jejenö baibobö jwiena jö̧ba̧löma. Dios otidobö jwii̧ma, ¿ju'wi jayebi jȩnaji̧? Isabenö ju'wi jayebi jwiobe Dios otidobö jwii̧ma. Isabenö okobe jwiinö otidobö juluwo̧ Diosma. Jo̧kwajabetjö̧ metu'wo bakibobö jwiena jö̧ba̧lö ichejekwijayonö, isabenö Dios ujulunö metu'wo kwö̧jakwujuja— jö̧ba̧lö yöawinobe ángelma.

Lucas 17:6

Atjebökwe Jesúsma atadinobe: —Otiwanö kwösödaduwo jö̧ka̧laduwi̧ma, jwaikwöda wainö omukwatökönö Dios yöawi̧ kwösödaduwobö jo̧be, isabenö Dios yöawaja̧danö baledakobe jö̧ba̧lö. Mostazasadedanöbedö kwö̧jaduwo chömöledö. Baikwö wanedö yötawa: Mostazasadema jwiinö ja'yuwadejayonö, Dios pokwobö wei̧ jwaikwöda ösödobedanö ichejekwa, ja̧danö jejenö ösödö ja'yuwadejayonö nöowi baibanö pokwobe, ¿jö̧tö? Ökwödöbi ja̧danö chömöledö, jwaikwöda Dios yöawi̧ kwösödaduwobö jo̧be, ja'yubebi wainö omukwatökönö. Jau chömöledö, wanedö yötawa: Kwöwaisaduwena, Diosma bowi yeawajobö weobö jö̧a̧la, ja̧danö ötjönötjö jowi yeawajobö weobö jö̧alobe jö̧ba̧lö kwöwaisaduwena. Jejenö kwöwaisaduwitjö̧ma, jowi yeawajobö weköbaduwobö jȩna, Aaa, yeawajökena, jö̧ba̧lö ja'yubebi omukwatökönö. Ja̧danö chömöledö, jejenö Dios yöawi̧ ösödö, isabenö Dios weti̧danö ja̧akwo̧ jö̧ba̧lö kwösödaduwitjö̧ma, isabenö weköbaduwi̧danö baledakobe, towi 'diinö ji̧jayonö, weköbaja̧danö towi yebawajö, ojwe okwa doibajakobe— jö̧ba̧lö atadinobe Jesúsma.

Lucas 18:27

Atjebökwe, Jesúsma atadinobe: —Jojodö tjujulunö tjö̧jiboböma jwiobe, jo̧kwaijayonö okobe jwiinö ja̧obö juluwo̧ Diosma. Ja̧danö jojodö tjujulunö ji̧kwa jwiijayonö Dios pjaatitjö̧ma ji̧kwa jo̧be— jö̧ba̧lö atadinobe Jesúsma.

Juan 11:40

Jo̧kwaijayonö Jesúsma atadinobe jobujunö: —¿Ökwönö yötawi̧, Otiwanö kwo̧'wo̧ kwöwana̧litjö̧ma Dios ujulu i̧sebi̧ kwedakobe, jö̧ba̧lö, yötawi̧ma kwa̧ja̧kwajökiji̧?— jö̧a̧linobe Jesúsma Martanöma.

1 Corintios 12:9

Ja̧danö, Dios O̧'wo̧ Luwo̧ma bakwo̧dajayonö, bakwo̧nö iyena jwaikwöda Dios yöawi̧ ösödo jö̧ba̧lö. Ja̧danö jelo̧nö ujulu iyena, ö'wöchadönö otidö loo jö̧ba̧lö.

1 Corintios 13:2

Ja̧danö, otiwanö Dios yöawi̧ yötawobö chöwaisena, ja̧danö okobe jwiinö chöwaisena, jojodö wajwitji̧ jawabi chöwaisena. Ja̧danö, jwaikwöda Diosnö chösödena, okobe jwiinö juluwo̧ jö̧ba̧lö. Jau chömöledö, mö'ösa'iju pjolachibinö weto jö̧ba̧lö Diosnö chösödena, Diosma mö'ösa'iju pjolachibinö ja̧obö juluwo̧ jö̧ba̧lö. Jo̧kwaijayonö, ju'wedönö ösödakwabikwawökönö chö̧jitjö̧ma, mikwawö̧kö̧sa chömöledö.

Hebreos 3:19

Jo̧kwaobetjö̧ chömöledö jobadö tjö̧jinama ökwödönö baikwö wajuwanö i̧sebobe: Da'dödöminema, Dios wei̧ öpöjödö tja̧ja̧kwokobetjö̧ Dios jobadönö lȩbebö weinokobe Canaán niji tetjachobö, iteda iyemima. Jejenö jobadö Dioskwö do̧'wo̧ luwo̧nö ö'wachö tjöbamatobö jwiinobe. Chömöledö jobadö Diosnö öpöjödö tjö̧jinadanöma kwuju̧kwaduwoko.