Mateo 15:23 - Dios Iwene

²³ Jejenö jwöjeba̧lijayonö, Jesúsma atadinokobe. Ikenama, jwöjiawö̧, Jesús öba̧ja̧di̧ waisachadö öpöjödachibö Jesúsnö atjebinobe: —Jobujunö jȩwa̧jobö webijö. Ökwödö dökömanö aliawinö luba̧libö labinö jwöbeba̧luju— jö̧ba̧lö.

Mateo 15:23 ပူးပေါင်းရင်းမြစ်များ

Génesis 42:7

Ja̧danö, Joséma öpöedönö edö waisijetö, chöpöedö, jö̧ba̧lö. Jo̧kwaijayonö wajwiawö̧danö ji̧jetö, jobadö tjöwaisachibapji jö̧ba̧lö. Jobadönö labinö abebö a̧ja̧kwijetö: —Ökwödöma ¿detjö kwichaduwa?— abebö a̧ja̧kwawö̧: —Canaán nijitjö dichatö kwakwawa emö— atadijadötö.

Mateo 14:15

Yi̧benakwö baibenama, Jesús öba̧ja̧di̧ waisachadöma ichö jo̧banö yötja̧linobe: —Duluwo̧, ida̧ökö yi̧bena baiba, ja̧danö jojodö tjukwobö jo̧be. Jo̧kwaijayonö, baima jojodö deobe, ja̧danö kwakwawa tjememibi jwiobe. Jo̧kwajabetjö̧ jojodö tjȩwa̧jobö webi, comunidadtjö tju̧kwa kwakwawa tjemakobetjö̧— jö̧ba̧lö.

Mateo 15:22

Jobe kweachonö, bakwuju judío jojobökuju, cananea jojosuju jobe jö̧juma, Jesús ö̧jobekwö ichö jo̧banö jwöjinobe: —David itji̧ tupadanö jojo, lȩlö̧jinö edö pjakatobö ateba. Chitjijuma jo̧'wo̧ luwo̧nö sulabo̧ ö̧joko nöinö usula emawuju— jö̧ba̧lö jwöbeba̧lö ajebinobe.

Mateo 15:24

Jesúsma jobujunö yöa̧linobe: —Israel jojosujubökujuja ökwöma, ja̧danö ötjöma Israel jojodöböködönö pjatatoböma weökökwesa. Israel jojodötjö o̧bȩja̧dö le'dewadödanöbedönöda pjatatobö Dios weökwesa— jö̧ba̧lö.

Deuteronomio 8:2

Ja̧danö kwo̧'wo jwikibaduwoko chömöledö, kwuluwo̧duwi Isabenö Jo̧ Dios cuarenta o̧biya baledibanö jojodö deobe ökwödönö öibinama. Jejenö ökwödönö öibinobe chömöledö, ökwödönö ö̧ba̧ja̧dobö, –Juluwöködösa, Diosnö do̧'wo döwana̧lobö jö̧ba̧ladösa, –jö̧ba̧lö kwöwaisachibaduwakobetjö̧. Ja̧danö ju'wibi jejenö öibinobe, kwomajadeduwinö kwomukwataduwi̧ öwawakobetjö̧, isabenö jo̧ba wei̧ kwa̧ja̧kwaduwakwojobö, kwa̧ja̧kwaduwökakwojobö, jö̧ba̧lö.