Mateo 15:19 - Dios Iwene

¹⁹ Jau chömöledö, okobe jwiinö sulabenö tjomukwati̧ma, tjomajadetjö laebi̧, jojodönö kwabö lotjobö tjomukwati̧bi, tji̧lȩkwa̧muböködökwö sulabenö ja̧awa ja̧danö ju'wibi sulabenö 'da̧'da̧akwawa ja̧awa ja̧tjobö tjomukwati̧bi, tjönaukwobö tjomukwati̧bi, omöna yötja̧lobö tjomukwati̧bi, jojodönö sulabenö yötja̧lobö tjomukwati̧bi.

Mateo 15:19 ပူးပေါင်းရင်းမြစ်များ

Génesis 6:5

Jojodöma jwiinö sulabeda ja̧bö ju̧kwijadötö böjȩnö, ba̧kwelöjatebö. Tjomajadenö tjomukwati̧ma sulabeda omukwatijadötö, okobe jwiinö. Isabenö Jo̧ma jobadö jwiinö sulabenö ja̧bö tjuju̧kwobe edijetö.

Génesis 8:21

Ja̧danö, Isabenö Jo̧ Diosma Noé ujuwi̧ söinö 'dö̧ekwobe 'dö̧batö jö̧ba̧lijetö itedada: —Yemidanöma lȩbebö wetökakwo̧sa niji suli̧ waekwobö, jojodö sulabenö omukwatö tjö̧ji̧ balekwa mikwama. Chöwaisawö̧ jojodönöma. La'akatjöda, tjemu tjö̧jemitjö̧ damö batjibanö sulabenö omukwatö ja̧badö. Jejenö tjö̧jijayonö yemidanöma lȩbebö wetökakwo̧sa niji suli̧ waekwinö. Ja̧danö, yemidanöma söbeböbi lotökakwo̧sa babe söbebö lotinanöma, okobe deinö böjȩnö 'yaba̧ladönö söbebö lobö— jö̧ba̧lijetö Isabenö Jo̧ Diosma itedada, söinö 'dö̧ekwobe 'dö̧atena.

Proverbios 22:15

Ja̧danö, ju'wibi yötawa: Tjemuma otiwanö tjo̧mukwatobö ina wajwibadö, omukwatökönö ja̧dö. Jo̧kwaobetjö̧ kwi̧tji̧mu̧duwinö jwebebö kwabö yökawaduwobö jo̧be. Jobekwö kwi̧tji̧mu̧duwinö jwebebö kwabö yökawaduwitjö̧ma tjöwaisachibena, omukwatökönö tjö̧jaja̧ kabatibö otiwanö omukwatö tjö̧jakwedö.

Proverbios 24:9

Ja̧danö ju'wibi yötawa: Jweinö omukwatö̧kö̧ma sulabenö ja̧oböda omukwato̧. Ja̧danö, ju'wibi yötawa: Jojodöma jwiinö tjöpöjödobe ju'wedönö sulabenö edö obo̧nöma.

Proverbios 4:23

Ja̧danö, ju'wibi yötawakwö chitji̧: Kwomajadenö kwomukwati̧ma ö'wiyawakwawönö kwite'ada̧lakwawo sulabenö kwomukwatapji jö̧ba̧lö. Chitji̧, kwomajadenö otiwanö kwomukwatitjö̧ma otiwanö kwö̧jakwo̧ja. Jo̧kwaijayonö kwomajadenö sulabenö kwomukwatitjö̧ma sulabenö omukwatö kwö̧jakwo̧ja. Isabenö chitji̧, kwomajadenö kwomukwataja̧ma kwite'ada̧lobö jo̧be, otiwanö jweinö kwomukwatakobetjö̧.

Proverbios 6:14

Yelösöda, jo̧ba sulabenö omukwato̧ma sulabenö öwaedakwa̧da ajayinö omukwatö juno̧ o̧'wo̧ okwanö. Ja̧danö, jo̧bama ju'wedökwö wene tju̧juna̧loböda wene jwöbebo̧ ba̧kwȩlö̧jatebö.

Isaías 55:7

Sulabenö ja̧bö ju̧kwadöma, sulabenö ja̧bö tjö̧ji̧ma katjatibo, ja̧danö sulabedöma, sulabenö tjomukwati̧ katjatibo. Kabatibajadö, yemidanö dösödökwe Isabenö Jo̧ Dios ö̧jobekwö tjetjachajo, jobadönö lȩlöjinö edö, öpöjödökönö tjusula söbebö loakobetjö̧.

Isaías 59:7

Ökwödöma sulabenö ja̧köbaduwotö jö̧ba̧lö juluwanö ö'öbakwawadöja, juluwanö jojodö sulabenö ja̧böködönö kwabö lobadöja. Kwomukwataduwi̧ma, jwaikwöda sulabenö Dios öpöjödi̧ jawa omukwatadöja, ja̧danö kwekachaduwii̧tenia suli̧ waedadöja, kwekachaduwaja̧ okobe söbebö loawemida ji̧bi̧nö.

Mateo 15:20

Ja̧ jawama isabenö suli̧ ja̧i̧ chömöledö, jo̧kwaijayonö tjömamiju dichawökönö kwakwawa tjukwi̧ma suli̧ ja̧ökö ji̧— jö̧ba̧lö yöawinobe Jesúsma.

Mateo 5:28

Jo̧kwaijayonö babema jemi bajalekwönönö baikwö yötawaduwakwö ötjöma chömöledö: Sule kwi̧lȩkwa̧muböködökwö kwö̧jitjö̧damaökö, bakwo̧ ilekwobökujunö edö, Aaa, isujunö chö̧jowe, jö̧ba̧lö omukwatitjö̧ma, omajadenö ilekwobökujunö ida̧ökö ö̧jajabe.

Mateo 9:4

Jesúsma jobadö tjomukwati̧ öwaisinobe, jo̧kwajabetjö̧ jobadönö abebö a̧ja̧kwinobe: —¿Tajawedö kwomajadeduwinö sulabenö kwomukwataduwobeda?

Hechos 8:22

Sulabenö kwomukwati̧ kabatibö balewachö Duluwo̧nö budekwö abebi. Jejenö akebitjö̧ma Diosma söbebö loena sulabenö kwomukwataja̧ma.

Romanos 7:18

Jau chömöledö, biya̧ wene chöwaisa: Ötjö böjȩ jojoma, ja'yubebi otiwa jawa jwibo̧sa, jö̧ba̧lö. Ja̧danö, ötjö chujulunö otiwa jawa ja̧tobö chösödijayonö, waekwobe, sulabe jawada ja̧bo̧sa.