Mateo 14:8 - Dios Iwene

⁸ Jojo'do wejoko, Herodías jitjijuma Herodesnö ajebinobe: —Juan Ojwenö Bu̧dato̧ ötjabökwe uu bulatö, jo̧ba uu tjubulatajayu dȩja̧pa̧nö ötjönö kwiyobö chösöda— jö̧ba̧lö jatadinobe.

Mateo 14:8 ပူးပေါင်းရင်းမြစ်များ

1 Reyes 18:13

—Isabenö Diosnö ösödo̧sa chuluwo̧, ökwönö yötjawinökiji̧ Isabenö Jo̧ yöawi̧ yöbawadönö pjatatina wenema? Jezabel Isabenö Jo̧ yöawi̧ yöbawadönö kwabawö lojinenama, Dios yöawi̧ yöbawadö cienbedönö pjabatö, inawa ötöla bakwölanö cincuentabedönö chotojijatö, ja̧danö jelölanö cincuentabedönö chotojijatö, jadanö tojajo̧, kwakwawabi, ojwiyobi jobadönö iyö pjatatijatö, ja̧ wene ökwönö yötjawinökiji̧?

1 Reyes 18:4

Acab ilekwo Jezabelma okobe deinö Isabenö Jo̧ yöawi̧ yöbawadönö kwabawö lojobö jö̧ja̧linobe, ja̧danö jobadönö kwabö lojenama, Abdiasma Dios yöawi̧ yöbawadötjö cienbedönö otojinobe. Inawa ötöliyanö jobadönö otojinobe, bakwölanö cincuentabedönö, ja̧danö jelölanö cincuentabedönö. Ikenama, jobe tojö junajo̧, tju̧kwabi, ojwiyobi ichejebö iyinobe jobadönö, Isabenö Jo̧nö yebabinö ösödobetjö̧.

1 Reyes 19:2

Ja̧danö, yöawioko, Jezabelma yöjawi̧ yöbawo̧nö wejinobe Eliasnö, —Isabenö kwabö loköbajawö̧ Baal yöawi̧ yöbawadödanö bakibanö ja̧takwujusa, isabenö itekwai möle babedajenö, ida̧ökö kwabö lotakwo̧ kwö̧jakwo̧ja Elias, ja̧danö jejenö ökwönö kwabö lotökötjö̧ma, isabenö chösödawö̧ diosbedö ötjönö lȩtjebobö ja̧kobe, isabenö kwabö lotakwujusa ökwönöma, —jö̧ba̧lö yöbawo̧nö wejinobe.

2 Reyes 11:1

Jehu ajayinö Israel la'aka luwo̧ Joramnö kwabö loenama, Juda la'aka luwo̧ Ocoziasnöbi kwabö loinobe. Ja̧danö, Ocozias ojo'do Atalia jitji̧ ö'wö baibaja̧ jöwaisachibenama, isuda la'aka luwuju jö̧jobö jomukwatinobe. Jo̧kwajabetjö̧, okobe deinö jitji̧mine itji̧munö kwabö lojobö jisakwinobe, isudada la'aka luwuju jö̧jakobetjö̧.

Proverbios 1:16

Jobadöma kabatökönö ju'wedönö sulabenö tjöwaedoböda isakwadö. Sulabenö omukwatadö, ja̧danö jo̧kwada omukwatökönö jojonö kwabö lobadö. Jobadökwö pjabachibö kwi̧'yoko.

Proverbios 29:10

Ja̧danö, ju'wibi yötawa: Jojodönö kwabö lobadöma tjo̧'wo̧ sulinö tjedobe otiwanö omukwatö jo̧nöma. Jo̧kwaijayonö Dios wei̧ a̧ja̧kwadöma otiwanö omukwatö jo̧nöma tjöbeba̧lö ö̧jibanö pjatjatobe.

Mateo 14:11

Jejenö bulatajadö, dȩja̧pa̧nö tjichejebinobe Juan uuma, ja̧danö Herodías jitjijunö tjiyinobe. Tjiyajoko, isujuma jojo'donö jiyinobe.

Mateo 14:7

jobujunö yöbawö ujuninobe: —¿Taji ökwönöma chiyobö kwösödobeda? Okobe jwiinö akebi̧ma isabenö chiyocha— jö̧ba̧lö yöbawö ujuninobe.

Mateo 14:9

Jejenö ajebökwe, Herodesma o̧'wo̧ tjo̧achinobe, jo̧kwaijayonö pjiesta junadö tjöba a'otjö jobujunö yöbawö ujunajobetjö̧, ajebi̧danö ja̧bö weinobe,

Marcos 6:24

Ja̧danö, jejenö jö̧a̧loko, jobujuma labeibö, jojo'do jö̧jobekwö 'ya̧jaju jojo'donö abebö a̧ja̧kwijotö: —Chojo'do yöbawitjö. ¿Dakwö atebakwa̧da?— abebö ja̧ja̧kwoko atadijotö jojo'doma: —Chitjiju. Biya̧da abebajinö. Juan Ojwenö Bu̧dato̧ uu ubulatakwa̧yuda abebaji iyokwö—atadijotö.

Marcos 6:25

Jejenö jatadoko, Herodías jitjijuma omönanö, Herodes ö̧jobekwö tjebatajö jo̧banö abebijotö: —Biya̧da ateba ökwönöma. Juan Ojwenö Bu̧dato̧ uu ubulatakwa̧yuda ateba kwiyotjö, dȩja̧pa̧nö anibö—abebijotö.

Marcos 6:28

Bulatajo̧ uuma dȩja̧pa̧nö anibajo̧ ichejebijetö Herodías jitjijunö iyobö. Jobujunö iyajokoma iyijotö jojo'donö.