Ja̧danö, José yöawaja̧danö baledijetö wa̧pötakwa möle baibena. Ja̧ mölema faraón cumpleaños möleobetjö̧ fiesta nöinö junijadötö, faraón ömöayedö tjukwobö. Ja̧danö, ömöayo̧ owa'do̧ iyawa jojonöbi, ja̧danö ömöayo̧ pan otikwa jojonöbi ka̧lela tjöba̧jelö latjebobö webijetö. Labebö tjichejebobö webijetö, faraón ömöayedö fiesta tjukwobekwö.
Mateo 14:6 - Dios Iwene6 Jemi ikenama, Herodes cumpleaños möle baibenama, Herodesma pjiesta ujuninobe, ja̧danö ilekwo Herodías jitjijuma pjiesta junadö tjöba a'otjö baile döjinobe. Herodesma edö baile döjobe jwiinö ösödobetjö̧, အခန်းကိုကြည့်ပါ။ |
Mateo 14:6
21 ပူးပေါင်းရင်းမြစ်များ
Baikwö baledinobe ja̧ Juan ö'wö baibina wenema: Herodesma iteda öjawo̧ Felipe mikwo̧ ilekwonö Herodías mikwujunö eminobe. Ja̧danö jejenö emiökwe, Juanma Herodesnö yöawinobe, Sulabenö ja̧bo̧ja, Moisés iwȩyudina laeböködanö ja̧bo̧ja, jö̧ba̧lö. Jejenö yöa̧lökwe Herodesma ödameakwinobe, ja̧danö Juannö do̧tjatobö, ja̧danö jo̧banö tjunu'yobö, ja̧danö ka̧lena tjödobö weinobe.
Ja̧danö Galilea jojodö tjuluwo̧ Herodes mikwo̧ma, jojodö Jesús otidina yötja̧lakwawi̧ma a̧ja̧kwijetö, ba̧jekwadö Jesús otidina wene yötja̧lakwawobetjö̧. Ju'wedöma yöba̧lakwawijadötö: —Bite Jesúsma, Juan Ojwenö Bu̧dato̧ ji̧nadaena. Jo̧bama yemidanö 'yabibajö Jesúsda baibinena. Jejenö yemidanö 'yaibajinobetjö̧ Dios ujulu i̧sebena— yöba̧lakwawijadötö.
Ja̧danö, baikwö baledijetö, ajayinö Herodesnö Juannö baledina wene: Herodesma emijetö öjawo̧ Felipe ilekwonö, Herodías mikwujunö, iteda ilekwo baibanö. Jejenö eminiökwe Juan Ojwenö Bu̧dato̧ma jö̧ba̧lijetö Herodesnö, Sulabenö kweminobe kwilekwonö. Moisés iwȩyudina wene weokobe jejenö kwöjawo̧ ilekwonö kwilekwo baibanö kwemoböma, jö̧ba̧lö. Jejenö jö̧a̧liökwe Herodesma webijetö Juannö do̧batö tjödobö ka̧lena ba̧kwaweju okwa.
Abebö a̧ja̧kwawö̧ yötjawinobe: —Jau, Galilea niji jojo— jö̧ba̧lö. Jejenö yötjawiökwe, Pilatoma öwaisachibinobe, Aaa, bitema Galilea niji ju̧kwadö tjuluwo̧ Herodes mikwo̧ itebo jojo— jö̧ba̧lö. Ja̧danö, ja̧ mölema Herodesbi Jerusalénnö ö̧jinobe, jo̧kwajabetjö̧ Jesúsma Herodes itebo jojo jö̧ba̧lö yötjawiökwe, Herodes öba a'o tjujunobö weinobe Pilatoma, Herodesda iteda itebo jojonö lȩekwa yöawobö.
Baikwö laebobe Zacarías itji̧, Ojwenö Bu̧dato̧ ötjabökwe Juan mikwo̧ yöbawö otidina wene: Juan jamatö yöawenama, romano jojodötjö inesö la'aka luwo̧ emperador Tiberio mikwo̧ma ida̧ökö a̧li̧nösamutjö bakwamu o̧biya baledibanö yöbawö weinobe. Ja̧danö ju'wedö jo̧ba ömöayedö la'aka luwedöma bidö: Poncio Pilatoma Judea nijitjö gobernador ö̧jinobe, ja̧danö Herodesma Galilea nijitjö la'aka luwo̧ ö̧jinobe, ja̧danö Herodes öjawo̧ Filipema Iturea nijitjöbi, Traconítide nijitjöbi la'aka luwo̧ ö̧jinobe, ja̧danö Lisaniasma Abilinia nijitjö la'aka luwo̧ ö̧jinobe.
Ju'wibi, Juanma la'aka luwo̧ Herodes mikwo̧nö yöawinobe, Sulabenö ja̧köba, jö̧ba̧lö. Jo̧ba Herodesma nöinö sulabenö ja̧bö ö̧jinobe. Öjawo̧ ilekwo Herodías mikwujunö sulabenö eminobebi, ja̧danö ju'wi jayebi sulabenö ja̧inobe, ja̧danö jejenö sulabenö ja̧iökwe, Juanma jo̧banö jweinö yöawinobe, Ja̧köbi̧ma isabenö sula, jö̧ba̧lö.
Ja̧danö, Juana mikwujubi Jesúskwö kwejachinobe. Jobuju Juanama, la'aka luwo̧ Herodes ömöayo̧ Chuza mikwo̧ ilekwo. Jo̧ba Chuzama okobe deinö Herodes eju otidadötjö tjuluwo̧ ö̧jinobe. Ja̧danö Susana mukwujubi, Jesúskwö kwejachinobe. Jobadö María Magdalenabi, Juanabi, Susanabi, ju'wedö ya̧döbi Jesúskwö kwebachö, idöda tjujuna̧li̧tjö tjiyinobe, Jesúsbi Jesús webawedöbi kwakwawa tjukwobö. Jejenö iyö otiwanö pjatjatinobe Jesúsnö, ja̧ niji bakwameachibanö yöbawö kweachonö.
Ina abebijadötö: —Dios, döwaisa ja̧ yökawinama tjo̧wi̧ baledinobe. La'aka luwedöma, Herodes mikwo̧, Pilato mikwo̧ benada tjoko̧ko̧kwinobe israel jojodökwöbi, israel jojodöböködökwöbi. Jobadöma Jesúsnö kwabö loawa wetjobö ko̧ko̧kwa̧lö tjomukwata̧linobe. Ökwö weköbina ja̧bo̧nö, suli̧ jwibo̧nö, ökwö yöbawö kwujuninökwe Jesúsnö kwabö loawa wetjobö ko̧ko̧kwa̧lö tjomukwata̧linobe jobadöma.
ကြော်ငြာတွေ