Marcos 9:43 - Dios Iwene43-44 Ina jö̧ba̧lijetö: —Chömöledö wanedö yötawaduwakwö: Kwömamu Dios weökö jawa ja̧köbobö weitjöma ja̧mu bulatö loköbo. Jau chömöledö, bakwamuda jonö Dios La'aka Luwo̧ ö̧jobe kwi̧'yobema domulataja jonö ökwöla la'akatjöda tiibokolabe kwi̧'yemitjö o̧penönö otiwa. အခန်းကိုကြည့်ပါ။ |
Marcos 9:43
23 ပူးပေါင်းရင်းမြစ်များ
Ökwödötjö inesö juluwo̧bi ja̧danö, ökwöla tjönötedobö öjiya ji̧danö juluwö̧kö̧ baibakwo̧, ja̧danö otidina jawama ökwöla 'dö̧tekwajö juluwanö tiibi̧danö baibakobe. Ja̧danö, wanedö yöta̧la, Dios lȩebenama, o̧'wo jawa ösödo̧ juluwo̧nöbi, otidina jawabi, bakobe juwö loakokobe, ja̧danö jobekwö juwö loenama, bakwo̧bi Dios önötedajola tiebobö jwiakobe.
Jo̧kwaijayonö bidö jojodö ökwödönö tjöpöjödapji jö̧ba̧lö, o̧pesobube 'ya̧nö, ba̧i̧ lö̧'a̧waji. Ja̧danö, abönö do̧katajökwe ba̧i̧so̧ aa kwalebenama, baladasapi̧ kwöbadekwajakobe. Ja̧ baladasapi̧nö Dios eju jawa impuesto kwimido, ökwöbi, ötjöbi dimido jö̧da̧li̧ma— jö̧ba̧lö jö̧a̧linobe Jesúsma, Pedronö.
Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.
Jo̧kwaijayonö jemi bajalekwönönö baikwö yötawaduwakwö ötjöma chömöledö: Sule kwömöledöso̧nö kwabö loköbitjö̧damaökö, kwömöledöso̧nö kwölabitjö̧bi, lȩekwa jo̧be jö̧ba̧lö. Ja̧danö, kwömöledöso̧nö sulabenö yöka̧litjö̧ma, lȩekwa luwedö tjöba a'o kwö̧jena, ja̧danö kwömöledöso̧nö wajwibo̧ja, mikwawö̧kö̧ja jö̧ba̧lö yöka̧litjö̧ma, ökwöla nöolatjö Dios lȩebakwa̧tjö kwemena, jö̧ba̧lö yötawaduwakwö.
Jau chömöledöso̧, Dios ökwö kwa̧debaja̧ omukwatö ökwönö mölejȩbetjö iyobö kwösöditjö̧ma, jwibadönöda pjabatö kwa̧debo, balekwa mikwa ökwönö a̧deböködönöda. Jau chömöledöso̧, usula jojodönöbi, kwebachöködönöbi, 'wabadönöbi, tjöbajale tjewawadönöbi kwa̧debenama, ja̧ edö Diosma ösödena, Bitema otiwanö dösölö̧jinö jojodönö pjabato̧, jö̧ba̧lö. Ja̧danö, otiwanö ja̧köbiökwe balekwa mikwa mölejȩbetjö ökwönö otiwa jawa iyena Diosma, ¿jö̧tö?
Jejenö yötja̧liökwe, pjiesta luwo̧ ömöayo̧ma uluwo̧nö yöbawö ȩwa̧jinobe, ja̧danö tjichajiökökwe, ödameakwinobe ichajöködönö. Ja̧danö, pjiesta luwo̧ma iteda ömöayo̧nö weinobe: Juluwanö comunidad bakwameachibanö 'ya̧wi, ja̧danö jobetjö usula jojodönöbi, kwebachöködönöbi, tjöbajale tjewawadönöbi, 'wabadönöbi öbibö kwichejebo, jobadöda pjiesta tjukwobö, jö̧ba̧lö.
Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.
Jau chömöledö, suli̧ ömöayedödanö ju̧kwadöma, wotjakwedö chömöledö. Jo̧kwaijayonö, Dios O̧'wo̧ Luwo̧ ömöayedödanö ju̧kwadöma, wotjökakwedö. Jobadöma, Dios O̧'wo̧ Luwo̧ pjaatobetjö̧, sulabe tjösödi̧ma kabatibadö. Ja̧danö sulabe tjösödi̧ kabatibö, sulabenö tjösödi̧ma kwabö lotjobedanö jo̧be, sulabe tjösödi̧ jawa katjatibobetjö̧. Ja̧danö, jobadöma ba̧kwȩlöjateböda tjuju̧kwakwedö.
Jo̧kwajabetjö̧, ajayinö kwösödinaduwa jawa kakatibaduwo chömöledö. Wanedö yötawa: Sulabenö kwösödaduwi̧bi, sulabenö ja̧köbaduwi̧bi kwabö loköbaduwo chömöledö. Jau chömöledö, kwi̧lȩkwa̧muböködökwö ja̧awabi, ja̧danö sulabenö alewakwawabi, ja̧danö sulabenö 'da̧'da̧akwawa kwösödaduwi̧bi, ja̧danö sulabe jawa kwösödaduwi̧bi, kakatibaduwo chömöledö. Ja̧danö ökwöda kwemotö jö̧ba̧lö ösödakwawabi kakatibaduwo chömöledö, ökwöda kwemotö jö̧ba̧lö ösödakwawama, o̧'wo̧ jawa ösödakwawi̧danö ichejekwobetjö̧.
Ja̧danö, ja̧ Dios mikwa jwiinö otiwa jawa iyi̧ma ökwödönö ba̧ja̧dobe Diosnö öpöjödö ja̧kwawama kadatibobö, ja̧danö böjȩ jojodö sulabe dösödi̧ jawa ja̧bökönö kabatibö ja̧dobö. Ja̧danö, tupakwö ba̧ja̧dobe ökwödönö, Dios mikwa jwiinö otiwa jawa iyi̧ma, obökönö dö̧jobö, ja̧danö sulabenö ja̧bökönö dö̧jobö, ja̧danö Diosnö ösödö dö̧jobö ina böjȩnö dö̧jayi.
Jo̧kwaobetjö̧ chömöledö, jobadö da'dödömine Diosnöda tjo̧'wo̧ wana̧lö tjö̧jina edö domukwatobö jo̧be, Ökwödöbi jejenö Diosnöda do̧'wo̧ wana̧lö di̧'yaduwo, jö̧ba̧lö. Ja̧danö, babe ökwödö dö̧ji̧ma jobadöma ba̧jekwadö ökwödö böjȩnö dö̧jobekwö tjeda̧lobe, böjȩnö Dioskwö di̧'yobe eda̧lö. Wanedö yötawaduwakwö, ö'öa̧lakwawa jawanö wanedö: Ökwödö böjȩnö di̧'yi̧ma ö'öa̧lakwawadanö wanekwachobe. Ja̧danö da'dödöminema, ba̧jekwadö, ö'öba̧ladönö ösödö eda̧lö tjö̧bi̧danö, ökwödö böjȩnö ö'öda̧lobe eda̧ladö, Otiwanö ö'ököba̧laduwi, jö̧ba̧lö. Jo̧kwaobetjö̧ chömöledö, otiwanö di̧'yaduwo, da'dödömine Diosnö omukwata̧lö tji̧'yinadanö. Döwaisa. Ö'öba̧ladöma ömöki̧ jawama kalekwö lobadö, juluwanö, jwaikwöda ö'ötjakwawobö. Ja̧danö, ökwödöbi ö'öba̧ladö ömöki̧ jawa kalekwö lotji̧danö lodaduwo pjaatökö jawa, ökwödö jwaikwöda di̧'yobö. Ja̧danö, suli̧ ja̧awatjö 'da̧bachibö jwaikwöda di̧'yobö jo̧be chömöledö. Jwibö, ejeinö ö'ötja̧li̧danö jwaikwöda di̧'yaduwo chömöledö, me'dawachibökönö, Diosnö omukwata̧lö.
ကြော်ငြာတွေ