Marcos 9:26 - Dios Iwene

²⁶ Jejenö weökwe, o̧'wo̧ luwo̧ sulabo̧ma jwöeba̧lobö ja̧bijetö tjemunö, buluka baibanö. Jejenö ja̧bö labebajijetö o̧'wo̧ luwo̧nö sulabo̧ma. Laebajabe okobe tjemuma ö'wö babibajo̧danö ichejekwiawö̧ ba̧jekwadö yöba̧lakwawijadötö, Ö'wö baibajabe, jö̧ba̧lö.

Marcos 9:26 ပူးပေါင်းရင်းမြစ်များ

Éxodo 5:23

Ökwö atebobö weköbina faraónnö atebaja̧ baikwöma jwiinö inia tjö̧tjinö baledinö weobe bidö kwömöledönöma. Ja̧danö, ja'yubebi tjö̧jibinö pjabatö̧kö̧ja— jöba̧lijetö Moisésma Isabenö Jo̧nöma.

Mateo 15:22

Jobe kweachonö, bakwuju judío jojobökuju, cananea jojosuju jobe jö̧juma, Jesús ö̧jobekwö ichö jo̧banö jwöjinobe: —David itji̧ tupadanö jojo, lȩlö̧jinö edö pjakatobö ateba. Chitjijuma jo̧'wo̧ luwo̧nö sulabo̧ ö̧joko nöinö usula emawuju— jö̧ba̧lö jwöbeba̧lö ajebinobe.

Marcos 1:26

Ikenama, omönanö o̧'wo̧ luwo̧nö sulabo̧ma jojonö tjö̧awibanö labinö ja̧bibö, jwöbeba̧libö labebajijetö.

Marcos 9:18

O̧'wo̧ luwo̧nö sulabo̧ jo̧ma chitji̧nö sulabenö ja̧enama nijinö labinö meinö ja̧bö, ja̧danö, aanö tjeyu'wo laebinö, ja̧danö, o'yebi löinö, ja̧danö, buluka baibanö ja̧bo̧ chitji̧nö. Yelösöda sulabenö ja̧obe. Ja̧danö, bena ichibö kwöba̧ja̧di̧ waisachadönö wetatö, sulabo̧nö a'dewö lotjobö. Wetijayonö jobadöma tjöwaekwatö— jö̧ba̧lijetö.

Marcos 9:20

Jejenö weawö̧ tjemunö ichejebijadötö. Ikenama jo̧ba o̧'wo̧ luwo̧nö sulabo̧ jo̧ma, Jesúsnö edö tjemunö ja̧bijetö buluka baibanö. Bulukanö babibö nijinö labinö mebö pelebijetö aanö tjeyu'wonö.

Marcos 9:25

Ikenama Jesúsma ba̧jekwadö ö'öbakwawö tjichobe edö juluwanö webijetö tjemu o̧'wo̧ luwo̧nö sulabo̧nö jo̧batjö laebobö. Baikwö webijetö: —Ökwö sulabo̧, jojo a̧ja̧kwökönö yöa̧lökönö ja̧binanöma, babema ökwönö weta lakebobö bite tjemutjö, la'akatjöda yadakwödanö tekachibökönö—webijetö Jesúsma.

Marcos 9:27

Jo̧kwaijayonö Jesúsma tjemu ömamunö do̧batö a̧lapedijetö. A̧lapedökwe otiwanö ji̧jetö, sulabo̧ma jwibo̧.

Apocalipsis 12:12

Ja̧danö, Awetjanö tjujuluwinobetjö̧ ökwödö mölejȩnö ju̧kwadöma, otiwanö, kwo̧'wo̧duwi ösöwanö ju̧kwaduwi, jobema deobe Awetjama. Jo̧kwaijayonö jejenömaökö böjȩnö ju̧kwadöma. Yelösöda kwo̧'wo̧duwi ösöwanöma kwö̧jaduwokobe. Böjȩkwö jatjajökwema, yelösöda ölakwabikwawobe ökwödönöma. Jo̧bama öwaisa, Tjo̧wi̧, chö̧ji̧ma 'dö̧ibaja, lekwökö, jö̧ba̧lö. Jo̧kwaobetjö̧ ökwödönö labinö, inia tjököbaduwinö ja̧obö omukwato̧— jejenö mölejȩbetjö iwene yöawi̧ cha̧ja̧kwijatö.