Marcos 9:22 - Dios Iwene

²² O̧'wo̧ luwo̧ sulabo̧ jo̧ma chitji̧nö kwabö lootö jö̧ba̧lö kabatökönö ökwölanö meoböbi, ja̧danö, ojwe okwa mebö oibanö ja̧oböbi ja̧ökwe. Jo̧kwabetjö̧ ökwönö ateba: Chitji̧nö lȩlö̧jino edö pjabati. O̧'wo̧ luwo̧nö sulabo̧nö a'dewö lobi, a'dewö loawama kwöwaisitjö̧ma—abebijetö tjemu abe'doma Jesúsnöma.

Marcos 9:22 ပူးပေါင်းရင်းမြစ်များ

Mateo 14:31

Jesúsma juluwanö Pedronö do̧atinobe ojwiyo okwa meapji jö̧ba̧lö, ja̧danö jo̧banö yöa̧linobe: —Ja'yubeda chujulu ösödo̧ja Pedro. ¿Tajawedö ujuluwökena jö̧ba̧lö kwomukwataja̧da?— jö̧ba̧lö yöa̧linobe Jesúsma Pedronö.

Mateo 17:15

—Chuluwo̧, chitji̧nö lȩlö̧jinö edö pjabati. Jo̧bama nöinö mebö bulukanö 'dö̧bachibö usula emawo̧, ja̧danö ju'wikwenama ökwölanöbi mebo̧, ja̧danö ju'wikwena ojwe okwa mebo̧ chitji̧ma.

Mateo 20:34

Atjebökwe, Jesúsma jobadönö lȩlö̧jinö edinobe, ja̧danö tjöbajale mabö, tjöbajale otiwanö baibanö pjaatinobe. Tjöbajale maenama, juluwanö otiwanö tjedinobe, ja̧danö jemi ikenama jobadöbi Jesús ökömanö tji̧'yinobe.

Mateo 8:2

Ja̧danö, bakwo̧ i̧sȩdo̧ sulabo̧ma ichö, Jesús öba a'o bȩbachibö aebinobe: —Chuluwo̧, kwösöditjö̧ma, chi̧sȩdo̧ suli̧ waekwi̧ otiwanö baibobö pjakatena— jö̧ba̧lö.

Mateo 9:28

Jesús o̧do okwa teachenama, jobadöbi ökömanö tetjachinobe, ja̧danö jejenö tetjachiökwe, Jesúsma jobadönö abebö a̧ja̧kwinobe: —¿Chujulu kwösödaduwiji̧, isabenö ökwödönö yemidanö edadö badibanö otidö loobö juluwo̧ Jesúsma jö̧ba̧lö?— Jejenö aebawö̧, tjatadinobe: —Jau Duluwo̧, dedemi isabenö juluwo̧ja— jö̧ba̧lö.

Marcos 5:19

Jejenö aebijayonö öbibijökötö Jesúsma, jo̧ba itekwö ȩwa̧jobö. Jo̧banöma jö̧ba̧lijetö: —A̧ja̧kwitjö. Kwömöledö tjuju̧kwobe da̧ji okobe deinö yökawo Duluwo̧ Dios otiwanö, lȩlö̧jino edö otidaja̧ ökwönö— webijetö.

Marcos 9:21

Ikenama Jesúsma abebö a̧ja̧kwijetö tjemu abe'donö: —¿Dokwa lekwe bejenöma ö̧jinada?— jö̧ba̧lö. Jejenö abebö a̧ja̧kwökwe tjemu abe'doma atadijetö: —Ina tjemuayi—atadijetö —.

Marcos 9:23

Jejenö jö̧a̧lökwe Jesúsma jö̧ba̧lijetö: —¿Tajawedö jejenö jö̧ka̧la, Kwöwaisitjö̧ma, jö̧ba̧lö? Wajwiena, jö̧ba̧lö, ¿kwomukwatiji̧? A̧ja̧kwitjö, bakwo̧ ötjönö o̧'wo̧ wana̧lo̧ma baikwö waisachibo̧: Jesúsma okobe jwiinö jo̧banö atebi̧ma, isabenö atebi̧danö ja̧awa waiso̧, jö̧ba̧lö, waisachibo̧—jö̧ba̧lijetö Jesúsma.

Lucas 7:13

Ja̧danö, Jesús wobajo̧ ojo'donö edenama, jobujunö lȩlö̧jinö edinobe, ja̧danö jobujunö: —Budekwökönuwi— jö̧ba̧lö yöa̧linobe.