Marcos 9:21 - Dios Iwene

²¹ Ikenama Jesúsma abebö a̧ja̧kwijetö tjemu abe'donö: —¿Dokwa lekwe bejenöma ö̧jinada?— jö̧ba̧lö. Jejenö abebö a̧ja̧kwökwe tjemu abe'doma atadijetö: —Ina tjemuayi—atadijetö —.

Marcos 9:21 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 14:1

Tupakwö yöa̧linobe Jobma: —Ökwödö jojodö, dojo'dodö tjeminawö̧ma, lekwe möle jö̧ködösa, ja̧danö ina 'ya̧dalayi, ba̧kwelöjatebö wene juna̧lakwawadösa.

Diosnö ösödo̧ Job mikwo̧ usula emawina jawa 5:7

Baikwö wanedö yötawa bö̧je jojodö wene tjujuna̧li̧ma: Ökwöla ubenama, ökwöla ubö kaami̧ jawa ba̧kwelöjatebö möakwö kaamobe, jö̧tö? Ja̧danö, tjojo'do jeminelö, ö'wö batjibenanö kabatö, bö̧je jojodöma ba̧kwelöjatebö wene ju̧na̧ladö, bö̧je jojodötjobetjö̧, —jö̧ba̧lö yöa̧linobe.

Marcos 5:25

Ja̧danö tji̧'yobe jelujubi 'yi̧jotö. Ja'yubeda yöta̧la, jobuju jö̧jinama. Jobujuma iwo suli̧ waekwabinö ö'wöchö ji̧abijotö, jökwösobu nöinö meobe. Lekwe o̧biya a̧li̧nösamutjö döbölatajanö ö'wöchijotö.

Marcos 9:20

Jejenö weawö̧ tjemunö ichejebijadötö. Ikenama jo̧ba o̧'wo̧ luwo̧nö sulabo̧ jo̧ma, Jesúsnö edö tjemunö ja̧bijetö buluka baibanö. Bulukanö babibö nijinö labinö mebö pelebijetö aanö tjeyu'wonö.

Marcos 9:22

O̧'wo̧ luwo̧ sulabo̧ jo̧ma chitji̧nö kwabö lootö jö̧ba̧lö kabatökönö ökwölanö meoböbi, ja̧danö, ojwe okwa mebö oibanö ja̧oböbi ja̧ökwe. Jo̧kwabetjö̧ ökwönö ateba: Chitji̧nö lȩlö̧jino edö pjabati. O̧'wo̧ luwo̧nö sulabo̧nö a'dewö lobi, a'dewö loawama kwöwaisitjö̧ma—abebijetö tjemu abe'doma Jesúsnöma.

Lucas 13:16

Ja̧danö kwa̧jwi̧muduwinö jejenö otikwökö möle kwejataduwobö ji̧tjöma, bisu Abraham itjiju tupadanö jojosujunö ¿jö'wöchi̧tjö chejatobö jwienaji̧? Isabenö jo̧be. Bisuma Awetja nu'yö loiniokoda a̧li̧nösamu jelemutjö wa̧pötakwa o̧biya itukobuju usula jemawajabeta, ja̧danö kwa̧jwi̧munö otikwökö möle kwejataduwobö ji̧tjö̧ma, isabenö bisu kwa̧jwi̧muduwitjö bajalekwönönö mikwawujunö otikwökö möle chejatobö jo̧be— jö̧ba̧lö yöawinobe Jesúsma.

Lucas 8:43

Ja̧danö, Jesúskwö 'ya̧jadötjö bakwuju a̧li̧nösamutjö döbalataja o̧biya ku̧kwinö usula emawujubi ji̧'yinobe. Jobujuma lekwe o̧biya usula jemawinobe, ja̧danö okobe jwiinö jitea balada 'dö̧jibajenanö kabatö ba̧jekwadö dötölödönö pjatjatobö jimidinobe, jo̧kwaijayonö, waekwinobe. Jwaikwöda ku̧kwi̧nö usula jemawinobe.

Juan 9:1

Jemi ikenama, Jesúsma iteda öba̧ja̧di̧ waisachadökwö kweachemi öbajale tjewawökwenö edinobe. Jo̧bama la'akatjöda öbajale tjewawökwe ji̧na.

Hechos 14:8

Jobe, Listranö bakwo̧, ömasapiya 'wabo̧ma ji̧jetö. Jo̧bama la'akatjöda ömasapiya sulina, la'akatjöda kwebachinö̧kö̧.

Hechos 3:2

Tjichena ju'wedöma bakwo̧nö, kwebachö̧kö̧nö e'ewö ichejebijadötö. Jo̧ba kwebachö̧kö̧ma, la'akatjöda ömasapiya sulina. Ja̧danö, ju'wi möle jwiinö ju'wedöma jo̧banö ichejebiabijadötö Dios eju tjöekwemi apjude a'o ö̧bobö. Jade apjudema, otiwade, mikwade. Jena ba̧nö jo̧ba kwebachö̧kö̧ma Dios eju tjöekwemi okwa tebachadönö balada abeba̧lö bi̧abijetö.

Hechos 9:33

bakwo̧nö, Eneas mikwo̧nö, edijetö. Jo̧bama kwebachiabinö̧kö̧. Ja̧danö, lekwe jelemutjö wa̧pötakwa o̧biya kwebachiabinö̧kö̧. Kamapjonöda bo̧, a̧laibökönö.