Marcos 9:20 - Dios Iwene20 Jejenö weawö̧ tjemunö ichejebijadötö. Ikenama jo̧ba o̧'wo̧ luwo̧nö sulabo̧ jo̧ma, Jesúsnö edö tjemunö ja̧bijetö buluka baibanö. Bulukanö babibö nijinö labinö mebö pelebijetö aanö tjeyu'wonö. အခန်းကိုကြည့်ပါ။ |
O̧'wo̧ luwo̧nö sulabo̧ jo̧ma chitji̧nö sulabenö ja̧enama nijinö labinö meinö ja̧bö, ja̧danö, aanö tjeyu'wo laebinö, ja̧danö, o'yebi löinö, ja̧danö, buluka baibanö ja̧bo̧ chitji̧nö. Yelösöda sulabenö ja̧obe. Ja̧danö, bena ichibö kwöba̧ja̧di̧ waisachadönö wetatö, sulabo̧nö a'dewö lotjobö. Wetijayonö jobadöma tjöwaekwatö— jö̧ba̧lijetö.
Jejenö jö̧a̧lökwe Jesúsma okobe deinö jö̧ba̧lijetö: —Ökwödö babe möle ju̧kwadöma isabenö ötjönö kwo̧'wo̧duwi wana̧löködöja. ¿Dokwa lekwe ja̧nö yemidanö, yemidanö yötawakwa̧jö kwo̧'wo̧duwi kwöwana̧laduwenanö baibanöma? Ökwödökwö lekwe chö̧jijayonö ina tjölakiyu a̧ja̧kwöködödanö ichejekwadöja. ¿Dokwa lekwe ja̧nö yötawakwa̧jö kwöwaisachibaduwenanö baibanöma?—jö̧ba̧lijetö— Tjemunö ichejebaduwitjö— webijetö Jesúsma.
Chitji̧ma isabenö usula emawo̧, o̧'wo̧ luwo̧nö sulabo̧ ö̧jobetjö̧. Jejenö ö̧jökwe, kabatökönö usula emawobe chitji̧ma, usula emawi̧tjö chitji̧ jwöeba̧linö. Isabenö chitji̧nö usula emawinö ja̧bo̧ o̧'wo̧ luwo̧nö sulabo̧ma, bulukanö 'dö̧bachibö usula emawobö ja̧bo̧, aasobu itjei'wonö ja̧bö. Jo̧banö kwakwaobedanö jo̧be, ja̧danö kabatökönö chitji̧ usula emawinö ja̧obe, sule ju'wikwenada usula emawökönö.
Ökwödö kwabe'doduwima Awetjada. Ökwödö ösödö kwö̧jaduwi̧ma Awetja ösödi̧danö ösödö kwö̧jaduwobe. Jo̧bama jojodönö kwabö lobo̧, ajayitjöda babe baibanö. Ja̧danö, isabenö jawa yöbawö̧kö̧, omönada yöbawo̧. Jo̧ba omajade okwa sule omönada a̧jobetjö̧ omönada yöbawo̧. Ja̧danö, isabenö yöawakwawama öpöjödo̧. Jo̧bama ajayinö omöna yöbawina. Ja̧danö, jojodönö tjo̧'wo̧ luwo̧nö öibobe omönada yötjawobö.
Jweinö omukwatö eda̧lö kwö̧jaduwo chömöledö, kwöpöjojo Awetjama, ökwödönö suli̧ öwaedobö isakwobetjö̧. Kwöpöjojonö baikwö wanedö yötawa chömöledö: Didiba nöbo̧ma tulubö kwebacho̧, ukwakwo̧nö isakwö, ¿jö̧tö? Ja̧danö, Awetjama ökwödönö suli̧ öwaedobö isakwo̧ chömöledö, jo̧kwajabetjö̧ jweinö omukwatö eda̧lö kwö̧jaduwobö jo̧be.