Marcos 9:18 - Dios Iwene

¹⁸ O̧'wo̧ luwo̧nö sulabo̧ jo̧ma chitji̧nö sulabenö ja̧enama nijinö labinö meinö ja̧bö, ja̧danö, aanö tjeyu'wo laebinö, ja̧danö, o'yebi löinö, ja̧danö, buluka baibanö ja̧bo̧ chitji̧nö. Yelösöda sulabenö ja̧obe. Ja̧danö, bena ichibö kwöba̧ja̧di̧ waisachadönö wetatö, sulabo̧nö a'dewö lotjobö. Wetijayonö jobadöma tjöwaekwatö— jö̧ba̧lijetö.

Marcos 9:18 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 16:9

Isabenö ötjönö ödameakwajabe Diosma ichejekwa, wanedö yötawa: Tebonö jo̧ ötjönö lubö, o'yenö ötjönö yö̧yö̧bö seebajabe ichejekwa, ja̧danö chöpöjojo ja̧nö, labinö ötjönö suli̧ öwaedotö jö̧ba̧lö eda̧lobedanö ichejekwa.

Mateo 15:22

Jobe kweachonö, bakwuju judío jojobökuju, cananea jojosuju jobe jö̧juma, Jesús ö̧jobekwö ichö jo̧banö jwöjinobe: —David itji̧ tupadanö jojo, lȩlö̧jinö edö pjakatobö ateba. Chitjijuma jo̧'wo̧ luwo̧nö sulabo̧ ö̧joko nöinö usula emawuju— jö̧ba̧lö jwöbeba̧lö ajebinobe.

Mateo 17:16

Jejenö ö'wöchobetjö̧ jo̧banö ichejebö, kwöba̧ja̧di̧ waisachadönö pjatjatobö atebijayonö, waekwatö, jo̧banö pjatjatoböma tjujuluwökötö. ¿Ökwöma pjakatakwa̧ji̧?— jö̧ba̧lö aebinobe Jesúsnö.

Mateo 8:12

Jo̧kwaijayonö jobadö jelobetjö ichajadö mesasötenö tjöbamatijayonö, jobe tjöbamato jö̧ba̧linadö Israel jojodötjöma ba̧jekwadönö 'da̧batö loakobe Diosma, yȩa'wo okwa ba̧nö budekwabinö tjo'ye kikiso ja̧bö usula tjemawobö— jö̧ba̧lö yöawinobe Jesúsma.

Marcos 11:23

Jejenö Diosnö kwo̧'wo̧ wana̧lö kwuju̧kwaduwo, Diosma okobe jwiinö juluwo̧, jö̧ba̧lö. Okobe jwiinö waiso̧, jö̧ba̧lö, omukwatö kwuju̧kwaduwo. Bakwo̧ jejenö omukwatö jo̧ma, Diosma okobe jwiinö waiso̧, okobe jwiinö juluwo̧, omukwatö jo̧ma Diosma pjaatakwo̧, aebi̧danö ja̧bö. Bakwo̧ jejenö omukwatö jo̧ma mö'ösa'o ja'oma 'ya̧nö ojwe nöödö okwa söibobö wei̧bi, Diosma jejenö baledinö ja̧akwo̧.

Marcos 9:17

Jejenö abebö a̧ja̧kwiökwe jelo̧ma jö̧ba̧lijetö: —Ba̧ja̧dakwawa jojo, ötjö chitji̧ma, o̧'wo̧ luwo̧nö sulabo̧ ö̧jökwenö chichejebatö, sulabo̧nö a'dewö loköbiotjö̧bö.

Marcos 9:19

Jejenö jö̧a̧lökwe Jesúsma okobe deinö jö̧ba̧lijetö: —Ökwödö babe möle ju̧kwadöma isabenö ötjönö kwo̧'wo̧duwi wana̧löködöja. ¿Dokwa lekwe ja̧nö yemidanö, yemidanö yötawakwa̧jö kwo̧'wo̧duwi kwöwana̧laduwenanö baibanöma? Ökwödökwö lekwe chö̧jijayonö ina tjölakiyu a̧ja̧kwöködödanö ichejekwadöja. ¿Dokwa lekwe ja̧nö yötawakwa̧jö kwöwaisachibaduwenanö baibanöma?—jö̧ba̧lijetö— Tjemunö ichejebaduwitjö— webijetö Jesúsma.

Marcos 9:20

Jejenö weawö̧ tjemunö ichejebijadötö. Ikenama jo̧ba o̧'wo̧ luwo̧nö sulabo̧ jo̧ma, Jesúsnö edö tjemunö ja̧bijetö buluka baibanö. Bulukanö babibö nijinö labinö mebö pelebijetö aanö tjeyu'wonö.

Marcos 9:26

Jejenö weökwe, o̧'wo̧ luwo̧ sulabo̧ma jwöeba̧lobö ja̧bijetö tjemunö, buluka baibanö. Jejenö ja̧bö labebajijetö o̧'wo̧ luwo̧nö sulabo̧ma. Laebajabe okobe tjemuma ö'wö babibajo̧danö ichejekwiawö̧ ba̧jekwadö yöba̧lakwawijadötö, Ö'wö baibajabe, jö̧ba̧lö.

Hechos 7:54

Jejenö yöawiawö̧ judío jojodötjö la'aka luwedöma jwiinö labijadötö, tjo'yebiya kikiso ja̧bö.

Judas 1:13

Ju'wibi yötawa jobadönö: Jobadöma taba jwiinö jojodö tjöba a'otjö sulabenö ja̧tji̧ tji̧sebobe, baikwö wanedö yötawa: Balawa inawanö loenama, itjei'wo dewinö öwawinö loobe, okobe deinö tjedobö, ¿jö̧tö? Ja̧danö, bidöbi okobe deinö tjöba a'otjö taba jwiinö sulabenö ja̧tjobe, okobe deinö tjedobö. Chömöledö, Dios yöawi̧ yöbawadöma jweinö jojodönö ötjibobö jo̧be, öbibö yötja̧wi̧ a̧ja̧kwö, Dios ösödi̧danö ja̧bö tjö̧jakobetjö̧, ¿jö̧tö? Jo̧kwaijayonö bidöma Dios yöawi̧ yöbawadösa jö̧tja̧lijayonö, Dios ösödi̧danö ja̧bö tjö̧joböma öbiböködö. Ötjibo jö̧tja̧li̧tjö 'da̧bachibö, sulabenö Dios öpöjödi̧danö ja̧bö tjö̧jobö öbibadö. Ja̧danö, jejenö ja̧bö tjö̧jiökwe Diosma omukwatö ujunajabe, inesö yȩa'wo okwa ba̧kwȩlö̧jatebö tjö̧bobö.