Marcos 9:17 - Dios Iwene

¹⁷ Jejenö abebö a̧ja̧kwiökwe jelo̧ma jö̧ba̧lijetö: —Ba̧ja̧dakwawa jojo, ötjö chitji̧ma, o̧'wo̧ luwo̧nö sulabo̧ ö̧jökwenö chichejebatö, sulabo̧nö a'dewö loköbiotjö̧bö.

Marcos 9:17 ပူးပေါင်းရင်းမြစ်များ

Mateo 12:22

Jemi ikenama, ju'wedö bakwo̧ o̧'wo̧ luwo̧nö sulabo̧ ö̧jökwenö tjichejebinobe Jesús ö̧jobekwö, sulabo̧ ö̧jiökwe öbajale tjewawo̧, ja̧danö yöba̧lö̧kö̧. Jesúsma jo̧banö otidö loinobe, ja̧danö otidö loaja̧ ikenama edöbi edinobe, ja̧danö yöba̧löbi yöa̧linobe.

Mateo 17:15

—Chuluwo̧, chitji̧nö lȩlö̧jinö edö pjabati. Jo̧bama nöinö mebö bulukanö 'dö̧bachibö usula emawo̧, ja̧danö ju'wikwenama ökwölanöbi mebo̧, ja̧danö ju'wikwena ojwe okwa mebo̧ chitji̧ma.

Mateo 9:32

Jobadö Jesús ö̧jobetjö latjebenama, ju'wedö bakwo̧ yöba̧lö̧kö̧, o̧'wo̧ luwo̧nö sulabo̧ ö̧jökwenö tje'ewinobe Jesús ö̧jobekwö.

Marcos 10:13

Ju'wi möle jojodöma tji̧tji̧munö ichejebijadötö Jesús ö̧jobekwö. Tjemu tjuunö 'bibeba̧lö Diosnö aebobö, otiwanö pjaatobö ichejebijadötö jobadönöma. Tjichejebiawö̧ Jesús öba̧ja̧di̧ waisachadöma öpöjödijadötö, Tjemunöma kwichejebaduwa, jö̧ba̧lö.

Marcos 5:23

Jesúsnö abebijetö: —Chuluwo̧, ötjö chitjijuma jwiinö jö'wöchobe. Ida̧ökö ö'wö bajibakobe. Lȩlö̧jino edö pjabatitjö. Chejube ichi jobujunö maköbo jö'wöchi̧ jwiamachibobe 'yajibajinö— abebijetö.

Marcos 9:16

Jesúsma iteda öba̧ja̧di̧ waisachadönö abebö a̧ja̧kwijetö: —Ba̧ja̧dadökwö ¿tajawedö labinö atada̧lakwawö yöka̧lakwawaduwada?— abebö a̧ja̧kwijetö.

Marcos 9:18

O̧'wo̧ luwo̧nö sulabo̧ jo̧ma chitji̧nö sulabenö ja̧enama nijinö labinö meinö ja̧bö, ja̧danö, aanö tjeyu'wo laebinö, ja̧danö, o'yebi löinö, ja̧danö, buluka baibanö ja̧bo̧ chitji̧nö. Yelösöda sulabenö ja̧obe. Ja̧danö, bena ichibö kwöba̧ja̧di̧ waisachadönö wetatö, sulabo̧nö a'dewö lotjobö. Wetijayonö jobadöma tjöwaekwatö— jö̧ba̧lijetö.

Marcos 9:25

Ikenama Jesúsma ba̧jekwadö ö'öbakwawö tjichobe edö juluwanö webijetö tjemu o̧'wo̧ luwo̧nö sulabo̧nö jo̧batjö laebobö. Baikwö webijetö: —Ökwö sulabo̧, jojo a̧ja̧kwökönö yöa̧lökönö ja̧binanöma, babema ökwönö weta lakebobö bite tjemutjö, la'akatjöda yadakwödanö tekachibökönö—webijetö Jesúsma.

Lucas 11:14

Bakwo̧ öjinobe, o̧'wo̧ luwo̧nö sulabo̧ ö̧jobetjö̧ yöba̧lö̧kö̧ma. Ja̧danö, Jesúsma o̧'wo̧ luwo̧nö sulabo̧ jo̧nö a'dewö loinobe, ja̧danö a'dewö loaja̧ ikenama, jo̧ba yöba̧lö̧kö̧ma otiwanö yöa̧linobe. Jejenö baibiawö̧, edadötjö ba̧jekwadö tjöbajale jalaka baibanö tjedinobe, Isabenö bite Jesúsma juluwo̧, jö̧ba̧lö.

Lucas 9:38

Ja̧danö, jojodötjö bakwo̧ labinö Jesúsnö jwöinobe: —Ba̧ja̧dakwawa luwo̧, ökwönö budekwödanö ateba, chitji̧nö lȩlö̧jinö edö pjakatobö. Jau chuluwo̧, jo̧bama chitji̧ jo̧dawo̧, jo̧kwajabetjö̧ isabenö pjakatobö atebakwö.

Juan 4:47

Jo̧ba ö'wöcho̧ abe'doma, Jesús Judeatjö Galileabe ichaja̧ yötjawi̧ a̧ja̧kwö Jesús ö̧jobekwö 'ya̧jo̧ budekwö aebinobe Jesúsnöma itji̧nö otidö i̧'yobö, ö'wö baibapji jö̧ba̧lö.