Marcos 8:25 - Dios Iwene

²⁵ Ikenama Jesúsma yemidanö ömamijunö 'bibebijetö tjewawökwe öbajalebiya wamenö. 'Bibebö kaatena jo̧ba öbajale tjewawajökwema edemi otiwanö öwawijetö okobe jwiinö öwawinö.

Marcos 8:25 ပူးပေါင်းရင်းမြစ်များ

Proverbios 4:18

Jobekwömaökö Dios wei̧ a̧ja̧kwadö tjö̧ji̧ma. Dios wei̧ a̧ja̧kwadöma sulabenö omukwatadö tjö̧ji̧danö jö̧kö̧dö. Wanedö yötawakwö chitji̧: Dewachenama, i̧ya̧nö deapjo dewachobe tjo̧'o̧manö, ja̧wo̧ laebaja̧ tupakwö jwiinö dewobe jweinö öjenanö. Jobekwö Dios wei̧ a̧ja̧kwadö kwetjachamanö dewinö dejatobe, ajayinö dejatemitjö̧ tupakwö jwiinö dewinö dejatobe, otiwanö edö, salöamanöda tji̧'yobö.

Mateo 13:12

Jau chömöledö, ida̧ökö waisadönöma, jemi tupakwö tjöwaisobö iyakwo̧ Diosma, nöinö otiwanö tjöwaisakobetjö̧. Jo̧kwaijayonö wajwibadöma tupakwö wajwitjakwedö, ja̧danö ja'yubeda tjöwaisi̧bi 'döebakobe Diosma.

Marcos 8:24

Jejenö abebö a̧ja̧kwökwe jo̧bama jobe eda̧lö, ja'yubeda edö atadijetö: —Jau, jojodönö cheda, towibiyadanö ichejekwadö kwetjachobe— atadijetö.

Marcos 8:26

Ikenama Jesúsma webijetö jo̧banö ejube ȩwa̧jobö. Webö jö̧ba̧lijetö: —Jweinö kwejubeda da̧ji comunidadbema 'yö̧könö—webijetö Jesúsma.

Hechos 1:10

Ikenama ina, Jesús öba̧ja̧di̧ waisachadöma mölejȩkwö tjeda̧lonö ju'wedö ömadö du̧ju̧taja öwawachö jamatijadötö tjipjeanö, tjökamisi dewi̧ 'dubawadö.

Hechos 14:9

Jo̧bama Pablo yöawobe ba̧nö a̧ja̧kwa̧lijetö. Ja̧danö, Pabloma jo̧banö jweinö edö omukwatijetö, Bitema jweinö omukwato̧, Dios ujulunö otiwanö batibakwo̧sa, jö̧ba̧lö.

Filipenses 1:6

Jau chömöledö, Diosda ökwödönö otiwa jawa kwo̧'wo̧ luwo̧duwi jawa jamatö otidinama, ¿jö̧tö? Ja̧danö chöwaisa, jamatö otidina jawama, Diosma okobe jwiinö otidö kaatakobe jö̧ba̧lö. Ja̧danö, Jesucristo yemidanö ichakwa̧ möle baibenama ja̧ okobe jwiinö kwo̧'wo̧ luwo̧duwinö otidi̧ma kaatakwawakobe chömöledö.

1 Pedro 2:9

Jo̧kwaijayonö jobadö Jesúsnö öpöjödö töbö metjijayonö, töböma meböködöja chömöledö, Dios omudawö ujuninawö̧ja, ja̧danö La'aka Duluwo̧ wei̧ otidadöja, ja̧danö mölejȩ jojodöja, ja̧danö Diosda ömöledöja chömöledö. Jau chömöledö, isabenö Dios wei̧ otidadö kwö̧jaduwobe. Diosma ökwödönöda 'da̧batö ujuninobe, jo̧ba inesö otiwanö pjaati̧ wene jojodönö yökawaduwobö. Jau chömöledö, Diosma isabenö otiwanö ökwödönö pjaatinobe, ökwödönö yȩa'wo okwatjö labeibö, iteda inesö idejatobekwö tekachaduwobö jwöinobe Diosma, ja̧danö jo̧ba inesö otiwanö pjaati̧ wene yökawaduwo jö̧ba̧lö, ökwödönö omudawö ujuninobe.

2 Pedro 3:18

Jau chömöledö, jobadö sulabenö yötjawi̧ ösödökönö, ökwödö Jesúsnö ösödadöma jo̧ba mikwa jwiinö iyi̧tjö kwöda̧peachaduwobö jo̧be, ja̧danö tupakwönönö Duluwo̧ dö̧jibinö pjabato̧ Jesucristonö döwaisachibobö jo̧be. Jo̧banöda otiwo̧ja jö̧ba̧lö dösödobö jo̧be chömöledö, babebi, ja̧danö ba̧kwȩlö̧jateböbi dösödobö jo̧be, jejenö otiwa. Biya̧da ötjö Simón Pedroma ökwödönö pjabatö wȩyudö wetaduwakwö chömöledö. Biya̧data.