Marcos 7:31 - Dios Iwene

³¹ Ikenama Jesúsma öba̧ja̧di̧ waisachadökwö Tiro comunidadtjö labebö Sidón comunidadbe 'yi̧jetö. Ikenama jobe Sidóntjö labebö Decápolis niji 'ya̧nö, o̧pesobunö ichibijetö, Galilea mikwobu lobe.

Marcos 7:31 ပူးပေါင်းရင်းမြစ်များ

Mateo 4:18

Jesús o̧pesobu Galilea mikwobu ö'öbönö kweachemi, ömadö du̧ju̧taja ba̧i̧ jwobadönö edinobe, Simón ju'wi imi Pedro mikwo̧nöbi, öjawo̧ Andrés mikwo̧nöbi. Jobadöma maya jwobö tjotidinobe, ja̧danö maya jwotjobe edinobe.

Mateo 4:25

Ja̧danö, ba̧jekwadö Jesús ökömanö lutjinobe, Galilea nijitjöbi, Decápolis nijitjöbi, Jerusalén comunidadtjöbi, Judea nijitjöbi, ja̧danö Jordán mikwödö tupakwö nijitjöbi.

Marcos 5:20

Jejenö weökwe, jo̧bama ȩwa̧jijetö. Ȩwa̧jö yöbawö 'yi̧jetö okobe jwiinö jojodö tjuju̧kwobe, diez comunidadesnö. Jobe yöbawijetö Jesús jwiinö otiwanö pjaataja̧ itenöda. Okobe deinö jo̧ba yöawi̧ a̧ja̧kwajadöma, ¡Ayö! ¿Dakwö otiwanö baibanö otidinökwejö? jö̧ba̧lö, omukwatijadötö.

Marcos 7:24

Ikenama Jesúsma öba̧ja̧di̧ waisachadökwö Galilea nijitjö labebö Tiro comunidad Sidón comunidad jobe 'yi̧jetö. Jobe ichibö idöda tjeju baibanö jejunö tebachö jukwawijetö Jesúsma, iteda ichaja̧ jojodö wajwitjo jö̧ba̧lö. Jo̧kwaijayonö ujukwawobö jwibijetö. Jobe ju̧kwadö ba̧jekwadö waisijadötö ichaja̧ma.

Marcos 7:30

Jejenö jö̧a̧loko ȩwa̧jijotö. Ichibö jitjijunö kamapjonö bu̧junö jedemi, jo̧'wo̧ luwo̧nö sulabo̧ma debuju ji̧jotö.