Marcos 7:19 - Dios Iwene

¹⁹ A̧ja̧kwaduwitjö. Jojodö kwakwawa tjukwenama tjomajade okwama a̧jibökö, tjö'yapiyunöda a̧jibi. Jemi ikenama lekwokobetjö jelobenöda labebö loi̧— jejenö jö̧ba̧lijetö Jesúsma jobadönöma. Jejenö jö̧ba̧lö, kwakwawama suli̧ jwöebökö, jö̧ba̧lijetö.

Marcos 7:19 ပူးပေါင်းရင်းမြစ်များ

Mateo 15:17

¿Kwakwawa tjukwi̧ wajwiköbaduwiji̧? Okobe jwiinö tjaanö a̧jibima, tjukwa'wo okwa a̧jibi̧, ja̧danö jemi ikenama yo'obö lotji̧, ¿jö̧tö?

Marcos 7:18

Jejenö abebö tja̧ja̧kwökwe Jesúsma jö̧ba̧lijetö jobadönöma: —Ökwödöbi ¿tajawedö kwa̧ja̧kwaduwököda? ¿Wajwiköbaduwaji̧ bakwo̧ kwakwawa ukwenama Dios öba a'otjö suli̧ jwöebökö, jö̧ba̧lö, yötawaja̧ma?

Lucas 11:41

Ökwödöma jwaikwöda kwujuna̧laduwotö jö̧ba̧lö omukwatadöja, ja̧danö jejenö omukwatö ja̧nö, okwanö yȩbadöja. Jo̧kwajabetjö̧ okwanö yȩi̧ kwidichawaduwakobetjö̧ kwujuna̧laduwi̧ a̧'dȩlökönö jwibadönö kwiyaduwo, wamenöbi okwanöbi kwidichawaduwakobetjö̧.

Hechos 10:15

Ikenama yemidanö Pedroma a̧ja̧kwijetö iwenema: — Pedro babema bidöma otiwadö jö̧ta̧la. Sulabedö jö̧ka̧la Pedro, Dios bidöma otiwadö, jö̧ba̧lö, kwukwobö weawö̧nöma— jö̧ba̧lö.

Hechos 11:9

Jejenö jö̧ta̧lijayonö yemidanö mölejȩbetjö iwene cha̧ja̧kwijatö, Pedro babema bidöma otiwadö jö̧ta̧la. Sulabedö jö̧ka̧la Pedro, Dios bidöma otiwadö, jö̧ba̧lö, kwukwobö weawö̧nöma, jö̧ba̧lö, cha̧ja̧kwijatö.

1 Corintios 6:13

Ja̧danö ju'wedö yötja̧lena, Aaa, kwakwawama dukwobö jo̧be, ja̧danö dukwa'woma, kwakwawa'woda jo̧be jö̧ba̧lö. Jau chömöledö, jejenö jo̧be, ja̧danö kwakwawabi, dukwa'wobi söbebö loakwo̧ Diosma. Jo̧kwaijayonö diteba'oma söbebö loökakwo̧ Diosma chömöledö. Duluwo̧ Jesús iteba'o woawatjö tjeachajinö ja̧inadanö, ökwödö diteba'obi woawatjö tjeachajinö ja̧akwo̧ Diosma iteda ujulunö. Ja̧danö, jejenöobetjö̧, omukwatökönaduwi, Aaa, putasujunö ja̧titjö̧ma chiteba'o jawadaobetjö̧ sulökena jö̧ba̧lö. Jau chömöledö, diteba'oma putabedönö ja̧do jö̧ba̧lö jö̧ka'o, Duluwo̧ ösödi̧danö ja̧do jö̧ba̧lö ja̧'o chömöledö, ja̧danö Duluwo̧ma diteba'o ite'ada̧lobe.

Colosenses 2:16

Jo̧kwajabetjö̧ ju'wedö kwakwawa jawa ja̧danö owawa jawa wetji̧ma, a̧ja̧kwökönaduwi, ja̧ jawa mikwawokobetjö̧. Ja̧danö wainö ji̧ möle pjiesta jawa wetji̧ma a̧ja̧kwökönaduwi, ja̧danö yö̧te jawo̧ pjiesta jawa wetji̧ a̧ja̧kwökönaduwi, ja̧danö otikwökö möle jawa wetji̧ma a̧ja̧kwökönaduwi.