Marcos 6:56 - Dios Iwene

⁵⁶ Ja̧danö, Jesús okobe jwiinö i̧'yobema, comunidad ja'yuwemibi, ba̧jekwadö tjuju̧kwemibi, comunidad ö'wejenö lödijadötö ö'wöchadönöma. Mananöda i̧'yobebi, jojodoma ö'wöchadönö lödijadötö. Lödajadöma Jesúsnö abebijadötö ö'wöchadönö tjichejebobö jo̧ba ökamijido̧ bajaledo̧nö matjobö. Ja̧danö, bakwo̧ Jesús ökamijido̧ bajaledo̧nö mabo̧ma ö'wöchi̧ma jwiinö baibijetö.

Marcos 6:56 ပူးပေါင်းရင်းမြစ်များ

2 Reyes 13:21

Ja̧danö, ju'winö bakwo̧ ö'wö babibajo̧nö o̧tjö tjö̧jemi ja'ötjö, ödötjö tjedinobe, Moabitas jojodötjö naukwabidö tjichobema. Jobekwö edajadö, juluwanö dötjibajotö jö̧ba̧lö, jojo iteba'o tjikwinobe, Eliseonö tjo̧tjinemi. Ja̧danö, jo̧ba iteba'o Eliseo iwe'ijukwö pöaibenama, 'yaibajinobe jojoma, ja̧danö 'yabibajo̧ ömasapiyanö öjamatinobe.

Mateo 14:36

ja̧danö Jesúsnö atjebinobe, ö'wöchadö Jesús ökamijido̧ ö'öbönö matjobö, ja̧danö okobe deinö Jesús ökamijido̧ mabadöma, tjö'wöchi̧tjö tjö̧bibajinobe.

Mateo 9:20

Ja̧danö, jo̧bakwö tji̧'yemi, bakwuju, a̧li̧nösamutjö döbalataja o̧biya baledibanö ku̧kwinö usula emawujuma, Jesús ökömanö ichibö, jo̧ba ökamijido̧ ö'öbönö majinobe,

Marcos 6:55

Jejenö tjöwaisobetjö̧ jobadöma omönanö 'yi̧jadötö okobe jwiinö jojodö tjuju̧kwemi yöbawö, ¡Jesúsma ida̧ökö ichajo̧ ö̧jobe! jö̧ba̧lö. ¡Ö'wöchadönö de'ewo! jö̧ba̧lö, 'yi̧jadötö. Jo̧kwaobetjö̧ jojodöma ö'wöchadönö wa̧kwawapjonö wa̧jadönö e'ewijadötö Jesús ö̧jobekwö, jo̧ba ö̧jobe yötjawajobekwö.

Lucas 22:51

Jejenö kwaiökwe, Jesúsma weinobe: —Tjo̧wi̧ta, kwakwaköbakwawaduwa— jö̧ba̧lö. Ja̧danö webajo̧ ömöayo̧ kwaajökwe ölakiyunö mabö 'wibebö loaja̧ otidö loinobe.

Lucas 6:19

Jojodö Jesúsnö matjenama, Jesús ujulutjö mabadöma tjö'wöchaja̧tjö tjö̧bibajinobe, jo̧kwajabetjö̧ okobe deinö Jesúsnö matjobö tjisakwinobe, jejenö matjenama tjö'wöchi̧tjö tjö̧bibajakobetjö̧. Ja̧danö Jesúsma okobe deinö jobadönö otidö loinobe.

Lucas 8:44

Jobujuma Jesús ökömanö 'ya̧nö, Jesús ökamijido̧ majinobe, ja̧danö majenama, juluwanö ku̧kwinö jö'wöchi̧tjö jö̧bibajinobe.

Hechos 4:12

Ja̧danö, jojodö tjö̧jibinö pjabato̧ma jo̧bada. Jelo̧ma deobe. Dios böjȩnö ju̧kwadönö tjö̧jibinö pjaatobö weinökwema bakwo̧da, Jesúsda— jejenö yöbawö atadijetö Pedroma.

Hechos 4:9

ökwödöma akeba̧laduwobe yödawobö kwebachö̧kö̧nö otiwanö pjadatinama. ¿Dakwö kwotidijaduwija kwebachö̧kö̧nöma otiwanö baibobö? jö̧ba̧lö, akeba̧laduwobe.

Hechos 5:15

Ja̧danö, Jesús webawedöma, Dios ujulu i̧sebö tjotidiawö̧ jobe ju̧kwadöma ö'wöchajadönö, wa̧kwawapjonö wa̧jadönö e'ewijadötö mana ö'öbö tjödobö. Jejenö mana ö'öbö lödö omukwatijadötö, Aaa, Pedro baikwö öbaledena, jo̧ba o̧'wo̧ jawa baledenabi bidö ö'wöchadöma otiwanö batjibakobe, jö̧ba̧lö.

Deuteronomio 22:12

Ja̧danö ju'wibi wetaduwakwö, kwö̧ka̧mijido̧ wamesa̧do̧ 'do̧'dokwetenia ö'wejemu jawa 'do̧'do̧kweteniama, isa'ye li̧nö kwotidaduwo, —jö̧ba̧lö weawa jawa yöawinobe Moisesma.