Marcos 6:41 - Dios Iwene

⁴¹ Ikenama panbi ba̧i̧bi emibö mölejȩbekwö edö Jesúsma Diosnö yöba̧lijetö: —Dabe'do ökwöma otiwanö kwiyajabe— jö̧ba̧lö. Ikenama panma 'di̧jawö iyijetö öba̧ja̧di̧ waisachadönö jojodönö tjiyabobö. Ja̧danö, ba̧i̧nöbi du̧ju̧tajanö 'delawö iyijetö öba̧ja̧di̧ waisachadönö jojodönö tjiyabobö.

Marcos 6:41 ပူးပေါင်းရင်းမြစ်များ

Mateo 14:19

Ikenama Jesúsma jojodö meje'yenö tjöbamatobö weinobe, ja̧danö bakwamu jawa pan ö̧pji̧yabi, ba̧i̧ du̧ju̧tajanöbi emibö, mölejȩbe edö Diosnö aebinobe, otiwanö kwakwawa kwiyajabe jö̧ba̧lö. Ikenama pan 'delawö, iteda öba̧ja̧di̧ waisachadönö iyinobe, jobadöma jojodönö tjiyabobö.

Mateo 15:36

ja̧danö jelemutjö döpja̧lataja pan ö̧pjiyabi, ba̧i̧bi emibö, Diosnö aebinobe, Otiwanö iyo̧ja, jö̧ba̧lö. Ikenama abebajo̧, 'delawö iteda öba̧ja̧di̧ waisachadönö iyinobe, jojodönö tjiyabobö.

Mateo 26:26

Kwakwawa tjukwonö, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö, iteda öba̧ja̧di̧ waisachadönö iyö, wanedö yöawinobe baikwö: —Bipja̧ma ötjö chiteba'o. Emö kwaduwi— jö̧ba̧lö.

Marcos 14:22

Ikenama Jesúsma, öba̧ja̧di̧ waisachadö ina tjukwonö pan emibö Diosnö yöba̧lijetö, Chabe'do, ökwöma otiwanö jo̧, bipja̧ otiwanö kwiyajabe, jö̧ba̧lö. Ikenama, pan nijawö iyabijetö jobadönö. Iyabinö jö̧ba̧lijetö, wanedö yöbawö: —Bipja̧ panma, ötjö chiteba'o. Emaduwi kukwaduwo— jö̧ba̧lijetö.

Marcos 6:40

Ja̧danö, wainökwena tjöbamakwawibinö 'da̧batö tjödobö webijetö, ju'wedönöma ciennö jojodönö wainö lödö, ju'wedönöma cincuentanö jojodönö wainö lödö.

Marcos 6:42

Ja̧danö, okobe deinö jojodöma kwijadötö tjomeawachibanö.

Marcos 7:34

Ikenama Jesúsma o̧'wo̧nö emö mölejȩbe edö jö̧ba̧lijetö: —¡Efata!— jö̧ba̧lijetö. Jejenö jö̧ba̧löma, po̧chachaibi, jö̧ba̧lö.

Marcos 8:19

Pan jelemutjö bakwamu jawa ö̧pji̧yatjö nijawö jojodönö cinco mil jenanö chiyinama ¿kwo̧'wo̧ jwiköbinaduwaji̧? Ja̧ mölema ¿dokwa ba̧jekwa oyu̧ wi̧lȩyu̧bi̧yama pan u'yukwaja̧ma kweminaduwada?— abebö a̧ja̧kwijetö Jesúsma. Jejenö abebö a̧ja̧kwawö̧ atadijadötö: —A̧li̧nösamutjö doyu̧latajanö demijatö— atadijadötö.

Lucas 24:30

Ja̧danö, jobadökwö ukwobö mesasötenö tjö̧benama, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö jobadönö iyinobe.

Lucas 9:16

Ja̧danö jemi ikenama Jesúsma bakwamu jawa pan ö̧pji̧yabi, ba̧i̧ du̧ju̧tajanöbi emibö, mölejȩbe edö Diosnö aebinobe, otiwanö kwakwawa kwiyajabe jö̧ba̧lö. Ikenama pan 'delawö, iteda webawedönö iyinobe, jobadöma jojodö tjöba a'o junö tjiyabobö.

Juan 11:41

Ikenama inabama pjolatö tjujuninobe. Jemi ikenama Jesúsma mölejȩbekwö edö aebinobe Diosnö: —Chabe'do, ökwönö yöta̧la. Otiwanö a̧ja̧kwö pjakatajabe— aebinobe—.

Juan 17:1

Jesúsma, ja̧ öba̧ja̧di̧ waisachadönö yöawaja̧ ikena mölejȩbekwö edö iteda Abe'donö aebinobe: —Chabe'do, tjo̧wi̧ baiba, ökwö badedö kwujunina baledi̧ma. Ja̧danö, tjo̧wi̧, ötjö jwiinö chotiwi̧ma kwi̧sebo jojodönö, ja̧danö, ökwö jwiinö kwotiwi̧ chi̧sebobö— aebinobe Jesúsma iteda Abe'donö—.

Juan 6:11

Ikenama Jesúsma pan emibö, Diosnö ösödö aebinobe, Otiwanö kwiyajabe, jö̧ba̧lö. Diosnö aebaja̧ ikena pan ö̧pji̧ya 'delawö iyabinobe jojodö ba̧jadönöma. Ja̧danö, ba̧i̧ du̧ju̧tajanöbi okobe deinö tjukwobö 'delawö iyabinobe, tjukwobö tjösödi̧da iyö.

Juan 6:23

Jemi ikenama, tjukwajemi tjolanö yöne ju'wedöma tjichibinobe Tiberiastjö, isowikwena ichö. Jolama, pan tjukwakwa̧ abönö Duluwo̧ma iteda abe'donö aebi̧ tjukwinemi yöne tjola.

Hechos 27:35

Ikenama Pabloma pan emö, Diosnö yöba̧lö, Dios, otiwanö kwiyajabe, jö̧ba̧lö, ja'yubeda debatö ukwijatö.

Romanos 14:6

Jau chömöledö, bakwöta möle wainö 'da̧batö juno̧ma, Duluwo̧nö ösödotö jö̧ba̧lö wainö 'da̧batö juno̧. Ja̧danö, okobe jwiinö kwakwawa kwo̧ma, Diosda otiwanö chukwobö iyajabe, jö̧ba̧lö, duluwo̧nö ösödö kwo̧. Kwö̧kö̧bi ja̧danö chömöledö. Ju'wi jawa chukwobö webö̧kö̧, batjo jawada chukwobö otiwanö iyajabe Diosma, jö̧ba̧lö, Duluwo̧nö ösödö batjo jawada kwo̧. Bakwainö ösödadö Duluwo̧nöma, möle wainö 'da̧batö junadöbi, 'da̧batö junöködöbi, okobe jwiinö kwadöbi, okobe jwiinö kwöködöbi.

1 Corintios 10:31

Jau chömöledö, baikwö yötawa kwomukwataduwo jö̧ka̧laduwi̧ma: Kwukwaduwi̧bi, kwowaduwi̧bi okobe jwiinö ju'wi jaye ja̧köbaduwi̧bi, okobe deinö otiwanö Diosnö tjomukwato jö̧ba̧lö kwisakwaduwo chömöledö.

Deuteronomio 8:10

Jobe ja̧nö, ju'wi mölekwena otiwanö kwomeawaduwinö kwukwaduwakwedöja, ja̧danö kwiteboduwi ösödö, kwuluwo̧duwi Isabenö Jo̧ Diosnö ösödö yöka̧laduwakwedöja, –Isabenö otiwemi niji ditebo baibanö kwiyajabe, –jö̧ba̧lö.

Colosenses 3:17

Jau chömöledö, okobe jwiinö yöka̧laduwi̧ma, Duluwo̧ Jesús jawa i̧sebö yöka̧laduwo, ja̧danö okobe jwiinö ja̧köbaduwi̧ma, Duluwo̧ Jesús jawa i̧sebö ja̧köbaduwo. Ja̧danö, Jesús pjaatinobetjö̧, ba̧kwȩlö̧jatebö Dabe'do Diosnö kwösödaduwo, Otiwanö pjabato̧ja, jö̧ba̧lö.

1 Samuel 9:13

Juluwanö comunidad apjude tekachaduwitjö̧ma, jo̧banö kwöbadekwajaduwena, möemi Diosnö iyawemibe kwanö önöchapji. Jobe Diosnö iyajadö, ba'ali tjukwakobe, jo̧kwaijayonö jo̧ba ichibakwa̧ tjiteada̧lobe, Diosnö tjiyakwa̧ abönö Diosnö iyawa jo̧bada Diosnö aebakobetjö̧. Ja̧danö, jemi ikenama, jobe tjukwobö tja̧debajawö̧ma jobetjö ba'ali tjukwakwedö. Jo̧kwajabetjö̧ juluwanö jo̧banö edö 'ya̧duwi, juluwanö jo̧banö kwöbadekwaduwakobetjö̧, —jö̧ba̧lö yötjawinobe möayedöma, Saulnöbi, ömöayo̧nöbi.