Marcos 6:26 - Dios Iwene

²⁶ Ja̧danö, jejenö ajebökwe Herodesma o̧'wo̧ tjo̧ babibijetö, Juannö uu ubulatobö weawama öpödobetjö̧. Öpöjödijayonö jobujunö isabenö ja̧akwa̧ wene junö yöawajabetjö̧, Akebi̧ chöpöjöda, jö̧ba̧lö, yöa̧loböma jwiijetö. Ju'wedöbi itekwöda kwadö jobujunö yöa̧li̧ tja̧ja̧kwa̧lobetjö̧ ajebaja̧danö weobö ji̧jetö.

Marcos 6:26 ပူးပေါင်းရင်းမြစ်များ

2 Samuel 14:21

Ikenama la'aka luwo̧ Davidma Joabnö yöa̧linobe, —Akebaja̧danö ja̧tocha, Absalon ȩwa̧jobö wetocha. Jo̧kwajabetjö̧ Guesurbe 'ya̧nö, öbibö ichejebinö chitji̧ Absalonnö, —jö̧ba̧lö.

Daniel 6:14

Jejenö yötja̧li̧ a̧ja̧kwö, jwiinö o̧'wo̧ tjoekwinobe Daríoma, ja̧danö möle baledibanö omukwatö isakwinobe, ja̧ weaja̧tjö̧ Daniel ö̧jibobö. Yö̧te baibenanö kabatö, Danielnö pjaatobö omukwatinobe Daríoma, jo̧kwaijayonö waekwinobe.

Mateo 14:9

Jejenö ajebökwe, Herodesma o̧'wo̧ tjo̧achinobe, jo̧kwaijayonö pjiesta junadö tjöba a'otjö jobujunö yöbawö ujunajobetjö̧, ajebi̧danö ja̧bö weinobe,

Marcos 6:25

Jejenö jatadoko, Herodías jitjijuma omönanö, Herodes ö̧jobekwö tjebatajö jo̧banö abebijotö: —Biya̧da ateba ökwönöma. Juan Ojwenö Bu̧dato̧ uu ubulatakwa̧yuda ateba kwiyotjö, dȩja̧pa̧nö anibö—abebijotö.

Marcos 6:27

Jo̧kwaobetjö̧, te'ada̧lökönö webijetö bakwo̧nö ka̧lena ba̧kwawejube 'ya̧nö Juan uu ubulatobö. Bulatibö ja̧yuma ichejebobö webijetö. Jejenö weökwe, bakwo̧ 'ya̧nö ka̧lena ba̧kwawejutjö Juan uu bulatijetö.