Marcos 6:15 - Dios Iwene

¹⁵ Ja̧danö, ju'wedöma yöba̧lakwawijadötö: —Jo̧bamaökö. Bite Jesúsma damötjö Dios yöawi̧ yöbawina Elíasmine ji̧nadaena—yöba̧lakwawijadötö. Ja̧danö, ju'wedöma yöba̧lakwawijadötö: —Jo̧bamaökö. Bite Jesúsma jelo̧ damötjö Dios yöawi̧ yöbawina ji̧nadaena— yöba̧lakwawijadötö.

Marcos 6:15 ပူးပေါင်းရင်းမြစ်များ

Mateo 16:14

Aebawö̧, tjatadinobe: —Ju'wedöma ökwönö yötja̧lobe, Juan Ojwenö Bu̧dato̧ena, ju'wedöma Dios yöawi̧ yöbawina Elías mikwo̧ena, ju'wedöma Dios yöawi̧ yöbawina Jeremías mikwo̧ena, ja̧danö ju'wedöma Dios yöawi̧ yöbawadötjö jelo̧ena, jö̧ba̧lö yötja̧lobe ökwönö— jö̧ba̧lö tjatadinobe.

Mateo 21:11

Atjebawö̧, Jesúskwö kwebachadö jojodöma tjatadinobe: —Jo̧bama Dios yöawi̧ yöbawo̧ Jesús, Galilea nijitjö Nazaret comunidad jojo— jö̧ba̧lö tjatadinobe.

Marcos 6:16

Jo̧kwaijayonö la'aka luwo̧ Herodes jojodö yötja̧lakwawi̧ a̧ja̧kwö jö̧ba̧lijetö: —Bite Jesúsma, Juan Ojwenö Bu̧dato̧ ji̧na. Uu bulatö lotjobö wetinökwema yemidanö 'yabibajö Jesúsda baibinena— jö̧ba̧lijetö Herodesma.

Marcos 8:28

Jejenö abebö a̧ja̧kwawö̧ jobadöma atadijadötö: —Ju'wedökwenama yötja̧lobe, Jesúsma, Juan Ojwenö Bu̧dato̧ ji̧nadaena, jö̧ba̧lö. Jo̧bama yemidanö tjebachajö Jesúsda baibinena, jö̧ba̧lö, yötja̧lobe. Ja̧danö, ju'wedökwenama, Jesúsma damötjö Dios yöawi̧ yöbawiabina Elías ji̧nadaena, yemidanö tjeachajinena, jö̧ba̧lö. Ja̧danö, ju'wedökwenama, Jelo̧ Dios yöawi̧ yöbawiabina, yemidanö tjebachajino̧ena, jö̧ba̧lö, yötja̧lobe—yöbawijadötö.

Lucas 1:17

Jo̧bama damötjö ji̧na Dios yöawi̧ yöbawo̧ Elías mikwo̧ juluwinö yöbawö ö̧jinadanö, Duluwo̧ abönö i̧'yakwo̧. Abönö 'ya̧nö, jo̧bama tjabe'dodö tji̧tji̧mukwö wene tjujuna̧li̧ pjaatakobe, tji̧tji̧munö yemidanö otiwanö omukwatö tjösödobö. Ja̧danö ju'wibi Dios wei̧ a̧ja̧kwöködönö pjaatakobe, Dios öba a'otjö otiwanö ja̧bö ju̧kwadö tjomukwati̧danö tjomukwatobö. Jejenö pjaatakobe kwitji̧ma, jojodö Duluwo̧ ichakwa̧ otiwanö te'ada̧ladö batjibakobetjö̧— jö̧ba̧lö yöawinobe ángelma, Zacaríasnöma.

Lucas 7:16

Jejenö balediawö̧, jojodö yetjaibinobe. Ja̧danö Diosnö tjösödinobe, Isabenö Dios yöawi̧ yöbawo̧ juluwo̧ma dö'da̧de ö̧jobe, jö̧ba̧lö, ja̧danö, Isabenö Diosma iteda ömöledönö pjabatö ichajabe, jö̧ba̧lö Diosnö tjösödinobe.

Lucas 7:39

Jejenö baledobe edö, Jesúsnö a̧debajo̧ Simón mikwo̧ma omukwatinobe itedada, Jesúsma isabenö Dios yöawi̧ yöbawo̧ ö̧jitjö̧ma, bisunö öwaiso jö̧a̧lajena, jwiinö sulabenö ja̧buju jö̧ba̧lö, ja̧danö yöne jichibobö weoko jö̧a̧lajabe, jö̧ba̧lö omukwatinobe fariseo jojo Simónma.

Lucas 9:19

Abebö a̧ja̧kwawö̧ tjatadinobe: —Ba̧jekwadö jojodöma ökwönö yötja̧lobe, Juan Ojwenö Bu̧dato̧daena jö̧ba̧lö, ja̧danö ju'wedöma yötja̧lobe Dios iwene yöbawina Elíasdaena jö̧ba̧lö, ja̧danö ju'wedöma damötjö ji̧na Dios yöawi̧ yöbawadötjö bakwo̧ tjeachajinena jö̧ba̧lö omukwatö yötja̧lobe ökwönö— jö̧ba̧lö tjatadinobe.

Juan 1:21

—Jo̧kwaobetjö̧, ökwöma ¿tida? ¿Elíasmine, yemidanö tebachajinaköbiji̧?— abebö tja̧ja̧kwökwe: —Elíasbö̧kö̧sa— Juan atadawö̧: —Ökwöma ¿ökwödö judío jojodö dite'ada̧lökweköbiji̧, Dios, iteda yöawi̧ yöbawö ichakwo̧nö yöawinökwema?— abebö tja̧ja̧kwökwe: —Jo̧bamaö̧kö̧sa— atadinobe Juanma. Jejenö atadawö̧:

Juan 1:25

Abebö tja̧ja̧kwinobe: —Jo̧kwatjö̧ma ¿tajawedö jojodönö ojwenö kwubu̧datobeda? Ökwöma Dios weinökwebö̧kö̧ja, jojodö tjö̧jibinö kwotidobö. Ja̧danö, Elías yemidanö tjebachajinö̧kö̧ja. Ja̧danö, Dios yöawi̧ yöawakwo̧ jö̧a̧linö̧kö̧kweja. Jo̧kwatjö̧ma ¿tajawedö jojodönö ojwenö kwubu̧datobeda?— abebö tja̧ja̧kwinobe.

Juan 6:14

Ja̧danö, kwajadöma Jesús ujulu i̧sebi̧ edö yötja̧lakwawinobe: —Dite'ada̧lökwema biteda, Dios yöawi̧ yöbawo̧. Damötjö Moisés yöawinökwe, Ichakwo̧, jö̧ba̧lö, yöawinökwema biteda— yötja̧lakwawinobe.

Juan 7:40

Jesús, jejenö yöawiawö̧, jojodötjö ju'wedöma, Isabenö biteda Dios yöawi̧ yöbawo̧ dite'ada̧lökwe, jö̧ba̧lö, tjösödinobe.

Juan 9:17

Jo̧kwaobetjö̧, yemidanö abebö tja̧ja̧kwinobe öbajale otiwanö baibinökwenö: —Ökwöma ¿dakwö kwomukwata jo̧ba ökwönö otidö lobinanö? ¿Tida jo̧bama?— abebö tja̧ja̧kwiökwe: —Jo̧bama Dios yöawi̧ yöbawo̧— atadinobe öbajale otiwanö baibinökwema.