Marcos 5:35 - Dios Iwene

³⁵ Jesúsma ina jobujunö yöa̧lonö ju'wedöma ichibijadötö judío jojodö ba̧nö tja̧ja̧kwa̧leju la'aka luwo̧ Jairo, tjemu ö'wöchuju jabe'donöma edö. Jobadöma Jaironö yöbawijadötö: —Ökwö kwitjijuma ida̧ökö ö'wö bajibajabe. Jo̧kwaobetjö̧ bite ba̧ja̧dakwawa jojonöma akeba̧la, ichoböma.

Marcos 5:35 ပူးပေါင်းရင်းမြစ်များ

Mateo 26:10

Jesúsma jobadö yötja̧li̧ öwaisinobe, jo̧kwajabetjö̧ jobadönö yöawinobe: —Bisu otiwanö ja̧bujunö ¿tajawedö lȩkebaduwa? Tojebaja̧ma, isabenö otiwanö ja̧bö tojebajabe ötjönö.

Mateo 26:18

Abebö tja̧ja̧kwökwe, Jesúsma jobadönö weinobe: —Comunidadbe 'ya̧duwi, ökwödönö yötawajökwenö isakwö. Jo̧banö badekwajadö, baikwö yökawaduwonö: Ba̧ja̧dakwawa luwo̧ma baikwö yöawobe: Dios ötjönö badedö ujunina möle badekwachajabe, jo̧kwajabetjö̧ ötjöbi, chöba̧ja̧di̧ waisachadöbi kwejutjö Dios mönö öbaledina omukwatö pjiesta kwejutjö dukwakobe, jö̧ba̧lö yökawaduwonö— jö̧ba̧lö weinobe Jesúsma.

Mateo 9:18

Jesús jobekwö yöawemi, judío jojodö ba̧nö tja̧ja̧kwa̧leju jeleju luwo̧ma Jesús öba a'o ichibö, bȩbachibö Jesúsnö aebinobe: —Chitjijuma babeda ö'wö bajibajabe, jo̧kwaijayonö ökwöma ichö kwömamu 'bibeba̧lö maköbitjö̧ma, 'yabibajö jö̧jakwuju— jö̧ba̧lö aebinobe.

Marcos 10:17

Ikenama Jesúsma jobetjö i̧'yobö laebena bakwo̧ ö'öbakwawö ichibö Jesús öba a'o u̧yu̧ju̧ki̧junö bamatö öba nijakwö bȩbachibö jö̧ba̧lijetö Jesúsnö: —Ba̧ja̧dakwawa jojo, ökwöma otiwo̧ja. Yöbawitjö ¿dakwö ja̧takwa̧da Dioskwö ba̧kwȩlö̧jatebö ja̧kwawa iyakwo̧sa batiboböma?— jö̧ba̧lijetö.

Marcos 5:22

Ikenama bakwo̧, Jairo mikwo̧, judío jojodö ba̧nö tja̧ja̧kwa̧leju la'aka luwo̧ma, Jesús ö̧jobekwö 'ya̧wibijetö. Ichibö, Jesúsnö edö, öba a'o u̧yu̧ju̧ki̧junö bamatijetö nijakwö bȩbachibö.

Lucas 8:49

Jobujunö Jesús ina yöa̧lonö, Jairo ejutjö bakwo̧ yöbawö ichinobe Jaironö: —Kwitjijuma ida̧ökö ö'wö bajibajabe, jo̧kwajabetjö̧ ba̧ja̧dakwawa luwo̧ Jesúsnö ichobö weköboko, ida̧ökö ö'wö bajibajabe, pjaatoböma jwiobe— jö̧ba̧lö.

Juan 11:21

Ikenama Martama Jesús ichobekwö 'ya̧wibö jö̧ja̧linobe: —Duluwo̧ bena kwö̧jitjö̧ma chöjawo̧ma ö'wö batibokoinobe— jö̧ja̧linobe—.

Juan 11:25

—Marta ötjödasa wobinadö yemidanö tjetjachinö ja̧bo̧ma. Ötjödasa ji̧bakwawa iyo̧ma. Ötjönö o̧'wo̧ wana̧lo̧ma woaja̧ ikenabi yemidanö ö̧jakwo̧.

Juan 11:28

Jejenö atadajaju Martama jöjawuju Maríanö yöjawobö, jöjawuju jö̧jobekwö jȩwa̧jinobe. Ichibö tjo̧'omanö yöjawinobe: —Ba̧ja̧dakwawa jojoma ida̧ökö ichajabe. Ökwönö edobö jö̧a̧la—yöjawinobe.

Juan 11:32

Ja̧danö Maríama Jesús ö̧jena 'ya̧wibö öba a'o ju̧yu̧ju̧ki̧junö jamatö jö̧ja̧linobe: —Duluwo̧ bena kwö̧jitjö̧ma chöjawo̧ma ö'wö batibokoinobe— jö̧ja̧linobe.

Juan 11:39

Ja̧danö, weinobe Jesúsma: —I̧lȩdo̧ apjude a'o tumatakwawaba pjolatö junaduwi— weinobe. Jejenö weioko Martama, wobina öpöoma, jö̧ja̧linobe: —Duluwo̧ ida̧ökö woena, ö'wejemu möle baibajabe— jö̧ja̧linobe.

Juan 5:25

Isabenö yötawa. Böjȩnö ju̧kwadö, tjo̧'wo̧ luwo̧ okwanö wobinadödanö ju̧kwadötjö ju'wedöma, Dios Itji̧ yöawi̧ a̧ja̧kwö tjösödakwedö, ötjöda yötawi̧ma. Ja̧danö, babebi ötjö, Dios Itji̧ yötawi̧ a̧ja̧kwö tjösödobe. Ja̧danö, ötjö yötawi̧ a̧ja̧kwö ösödadöma, wobajaletjö tjebachajadödanö ja̧nö, ba̧kwȩlö̧jatebö ja̧kwawa juna̧ladö batjibakwedö— yöawinobe Jesúsma.